| e-texts navigator |
| Wylie |
97a1 བོད་སྐད་དུ། དབང་གི་རྒྱལ་པོ་དབྱང་སྐུར་རྒྱལ་པོའི་རྒྱུད། སྐྱོན་པ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་ས་བསྐུར་ནས་ཤེས་པའི་དུས་གཅིག་ན། བཅོམ་ལྡན་འདས་ཡིད་ཀུན་ཏུ་བཟང་པོ་ཆགས་པའི་དབང
97a2 དཀྱིལ་འཁོར་རིན་པོ་ཆེ་གནས་པའི་རང་གནས་ན། ཉིད་ཀྱི་ཆེ་བའི་རྒྱན་ཆེན་པོ་ལས། འོད་ཟེར་ཕྲེང་བའི་སྒྲ་འདི་དག་ཕྱུང་ངོ་།། སྥར་ཎ་ཕཊ། ཅེས་བྱ་བ་བརྗོད་པས། ཕྱོགས་བཅུའི་འཇིག་རྟེན་གྱི་ཁམས་སུ་མཐའ་མེད་པའི་དབྱིངས་ནས། ཆོས་ཉིད་མ་སྐྱེས
97a3 པའི་ཀློང་ཕྱོགས་བཅུར་བརྡུལ་ཏེ། མ་སྐྱེས་པ་དང་མ་འགགས་པ་དང་། རང་བཞིན་མེད་པ་འདུས་མ་བྱས་པར་བྱིན་གྱིས་བརླབས་ཏེ། སངས་རྒྱས་ཀྱི་སྐུ་དངོས་པོར་མི་སྣང་བའི་བྱིན་རླབས་མང་པོས་དོན་གྱི་བྱ་བ་རེ་རེ་བྱས་ཏེ། བསྐུལ་བའི་ས་ལ་གཞེས་པའི་སངས
97a4 རྒྱས་རྣམས་ཀྱིས་འགྲོ་བའི་དོན་དུ་ཆོས་ཀྱི་འཁོར་ལོ་བསྐོར་བར་དབང་བསྐུར། སྐྱེ་བས་ཐོགས་པའི་གང་ཟག་དང་། བྱང་ཆུབ་སེམས་དཔའ་ཐམས་ཅད་ནི། ཆོས་ཀྱི་རྒྱལ་མཚན་དུ་དབང་བསྐུར།། བདེ་བ་ཆེན་པོའི་ལོངས་སྤྱོད་ལ་མངའ་རབ་ཏུ་མཛད་ནས་ཡོངས་སུ་ཁྱབ
97a5 པ་ཆེན་པོའི་ཡེ་ཤེས་བསྐྱེད་དོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས། སྣང་ཞིང་སྲིད་པའི་ཆོས་ཐམས་ཅད་ཡུམ་ཀུན་ཏུ་བཟང་མོའི་མཁའ་དབྱིངས་སུ་རྣམ་པར་དག་པའི་རྟགས། དཔག་ཅིང་གཞལ་བ་ལས་འདས་པའི་གཞལ་ཡས་ཁང་། རྩེ་མོའི
97a6 དབྱིབས་བདག་ལས་མ་སྤགས་ཤིང་། གཞན་ལས་མི་མཐོང་བའི་མཐོ་བ་ཅན། རྒྱ་ཁྱོན་ཕྱོགས་བཅུར་བརྡལ་བར་ཡོངས་ལ་ཁྱབ་པ། ཕྱི་ནང་མ་གྲུབ་པའི་རིག་པ་ཕྱི་ནང་མེད་པར་ཕྱོགས་རིས་སུ་རྒྱུན་མ་ཆད་པས་བརྡལ་བ་ཆེན་པོ།། བྱིན་རླབས་ལྷའི་རྒྱན་དང
97a7 གཞལ་ཡས་སྤྲུལ་པའི་རྒྱན་དང་། རྟོགས་པ་ཡེ་ཤེས་ཀྱི་རྒྱན་གྱིས་ཡོངས་སུ་མ་བརྒྱན་ཅིང་བརྒྱན་པར་གྱུར་ཏོ།། དེའི་ཆེ་བའི་ཡོན་ཏན་ཀྱང་གྲངས་བགྲང་དུ་མེད་པའི་བཅུད་གཅིག་ཏུ་གྱུར་ཏོ།། དེ་ཉིད་མ་སྐྱེས་པའི་རང་བཞིན་ཡིན་པས་ཚིག་ཏུ་མ་བརྗོད་པར
iiif viewer powered by OpenSeadragon
