| e-texts navigator |
| Wylie |
96a1 དགོངས་པའི་གྲོད།། འདི་ལྟར་སྤྱོད་པའི་རྣལ་འབྱོར་པ།། སངས་རྒྱས་ཉིད་དུ་རང་གནས་པའོ།། ། མཐོད་མན་ཆུ་ཆུང་མ་བཅོས་པ་ནི།། ཐེག་པའི་རིམ་པ་མཐོང་མན་དང་།
96a2 ཤེས་རབ་རྟོག་པ་ཆེ་ཆུང་ནི།། གར་མཁན་ལག་གི་འདུ་བྱེད་བཞིན།། ཅིར་ཡང་བསྟན་ལ་ཅིར་ཡང་མེད།། རང་བཞིན་གཅིག་ཏུ་མ་ངེས་པས།། སྐུ་གསུང་ཐུགས་ཀྱང་སོ་སོར་སྣང་།། ཤེས་པ་གཅིག་ཏུ་མ་གྱུར་པས།། བྱང
96a3 ཆུབ་སེམས་ཀྱང་སོ་སོར་གོ།། དེ་བཞིན་ཉིད་ལས་གཞན་མིན་ན།། མི་མཐུན་རྣམ་པ་ཅེར་བསྟན་ཀྱང་།། ཡེ་ཤེས་ཉིད་ལས་ཉམས་པ་མེད།། ཚིག་དང་ཡི་གེར་བརྗོད་ལས་འདས།། སྟོང་གི་འཇིག་རྟེན་ནམ་མཁའི་ཁམས།།
96a4 ཇི་སྙེད་ཐུག་པ་མེད་པ་ཡང་།། ཏིལ་འབྲུ་རྟ་རྔ་བཅུར་གཤེགས་ནས།། མ་སྐྱེས་ཀློང་དུ་ཆེ་ཆུང་མེད།། ཀུན་གཞི་མ་བྱུང་མ་སྐྱེས་མེད།། ཡེ་ནས་རྣམ་པར་དག་པ་ལ།། སངས་རྒྱས་ཆེ་བས་མ་བཅོས་ལ།། སེམས་ཅན་ཆེ་བས་བཅོས
96a5 སུ་མེད།། ཆོས་རྣམས་སེམས་སུ་སངས་རྒྱས་པས།། ཇི་ལྟར་འདོད་པས་རང་དབང་བསྒྱུར།། མྱ་ངན་འདས་དང་འཁོར་བའི་ཆོས།། ཆེ་ཆུང་མེད་པར་རང་གནས་པའོ།། །། སྐྱེ་ཤི་དང་འཕོ་འགྱུར་ཐམས་ཅད་མི་འགྱུར་བ་ནི།།
96a6 སེམས་དང་ཆོས་དང་ནམ་མཁའ་གསུམ།། དང་པོ་སྐྱེ་བའི་རྒྱུ་མེད་པས།། ཐ་མར་འཕོ་ཞིང་འཆི་མི་འགྱུར།། དེ་བཞིན་ཐོག་མ་ཐ་མ་མེད།། འདས་དང་མ་འོངས་ད་ལྟར་དང་།། ཐ་ཚིག་བརྟགས་པ་ག་ལ་འབྱུང་།། དུས་གསུམ་དུས་ནི
96a7 མེད་པའི་ཕྱིར།། སྔོན་མེད་ཕྱིས་མེད་གདོད་ནས་དག། སྐད་ཅིག་ཡུན་དང་བསྐལ་པའི་གྲངས།། རིང་ཐང་བྱེ་བྲག་གྲངས་བསྟན་པ།། མ་རྟོགས་རྨོངས་པར་འགྱུར་སྣང་ཡང་།། ཆོས་ཉིད་དོན་ལ་རིང་ཐུང་མེད།། དེ་བཞིན་ཚད་ལ་སོགས
iiif viewer powered by OpenSeadragon
