| e-texts navigator |
| Wylie |
91b1 འབྱིན་པའི་སངས་རྒྱས་ཀྱང་།། སླད་ཀྱིས་བྱིན་པའི་སེམས་ཅན་ཡིན།། ངས་ན་སངས་རྒྱས་སེམས་ཅན་ཡིན།། སངས་རྒྱས་པས་ཀྱང་སེམས་ཅན་ཆེ།། རྟོགས་པས་སེམས་ཅན་ཐམས་ཅད་གཅིག། སེམས་ཅན་གཅིག་ལ་ཆོས་ཀྱི་སྐུ།། ཆོས་ཀྱི
91b2 སྐུ་ཡང་སེམས་ཅན་ཡིན།། སེམས་ཅན་བརྟགས་པས་དངོས་པོ་མེད།། དངོས་པོ་མེད་པ་ཆོས་ཀྱི་དབྱིངས།། ཆོས་ཀྱི་དབྱིངས་ཀྱང་སེམས་ཅན་ཡིན།། སེམས་ཅན་ཤེས་པས་གསལ་བར་གོ།། གསལ་བར་གོ་བས་ཡེ་ཤེས་ཏེ།། ཡེ་ཤེས་ཉིད་ཀྱང་སེམས
91b3 ཅན་ཡིན།། སངས་རྒྱས་ཀུན་གྱི་འབྱུང་གནས་གཙོ།། དེ་ཕྱིར་སེམས་ཅན་སངས་རྒྱས་མེད།། སངས་རྒྱས་སྦལ་པ་ཅིར་ཡང་སྟོན།། དེ་ཕྱིར་སེམས་ཅན་སངས་རྒྱས་འབྲས། ཁམས་གསུམ་སེམས་ཅན་སུ་གསུང་ཐུགས།། སྲིད་པ་གསུམ་ནི་དབྱིངས
91b4 ཀྱི་ཀློང་།། ཆུང་དྲུག་སེམས་ཅན་དོན་དམ་དང་།། མཐའ་ཡས་སེམས་ཅན་ལས་ཀྱི་མཆོག། ཐབས་ཀྱི་རྒྱལ་པར་གང་ཤེས་པ།། དེ་ཉིད་དོན་རྫོགས་ཐབས་ཀྱི་སྐུ།། མ་སྐྱེས་ཤེས་རབ་དོན་ཤེས་པས།། དེ་ཉིད་བཅོས་མོད་མན་ངག་ཚངས།། རང་བྱང་རྒྱལ་པོ
91b5 སེམས་ཅན་ལ།། རིག་པའི་རྒྱལ་པོ་རྣམ་ཤེས་ཤར།། ཕུང་པོའི་ཐིག་ལེ་ཆེན་པོ་ལ།། རྣམ་པར་དག་པའི་ཐིག་ལེ་ཤར།། སྐྱེ་མཆེད་ཏིང་འཛིན་གསལ་བ་ལ།། ཐབས་ཀྱི་འཕྲོ་འདུ་གསལ་བར་སྟོན།། གང་ལ་དཔེས་བསྟན་དེ་བཞིན་དུ།། དེ་སོ་ཞི་སེམས་ཅ
91b6 དཔེ་བསྟན་པར།། བདེ་བ་ཆེན་པོའི་མན་ངག་འབྱུང་།། དག་པས་བརྟགས་ཀྱང་ཀུན་ཀྱང་གཙང་།། རྟོག་པས་བསམ་པས་གང་ཡང་འགྲུབ།། ལྟ་བ་ཡངས་པའི་ནམ་མཁའ་ཡ།། འཛིན་རྟོག་མེད་པའི་འོད་གསལ་བས།། གང་ཡང་མ་སྤངས་ལྷན་གྱིས་གྲུབ།།
91b7 མུ་མཐའ་མེད་པའི་ཤེས་རབ་ལ།། སྐྱེ་བ་མེད་པའི་གྲོང་གདལ་བས།། རྣམ་པར་དག་པའི་དབྱིངས་སུ་མཁྱེན།། སྐྱེ་མེད་ཉིད་ལ་སྒོ་བཏགས་པས།། ནན་གྱིས་ནམ་མཁའ་འཛིན་པ་ལྟར།། དེ་ལྟར་རྟོགས་སུ་མི་སྣང་བས།། ཤེས་རབ་ཏུ་བས་འཇལ
iiif viewer powered by OpenSeadragon
