| e-texts navigator |
| Wylie |
8b1 མཉམ་ཉིད་བྱང་ཆུབ་སེམས།། མིང་དུ་བཏགས་པའི་ཆོས་རྣམས་ཀུན།། མཉམ་པ་ཉིད་ལ་གནས་བཅས་ཕྱིར།། མཉམ་པ་ཉིད་ལས་གཞན་མེད་དོ།། ཞེས་གསུངས་སོ།། དེ་ནས་བཅོམ་ལྡན་འདས་ཆོས་ཀྱི་སེམས་དཔས་ཀྱང་། བྱང་ཆུབ་རྒྱ
8b2 སེམས་འདི་གསུངས་སོ།། ཨེ་མདོའོ་ཆོས་སུ་སྡང་བ་སྣ་ཚོགས་ཀུན།། རང་གི་ངོ་བོ་བརྗོད་དུ་མེད།། དེ་ཉིད་བྱང་ཆུབ་སེམས་སུ་ནི།། མཁས་པས་བསྒོམས་ན་རྟོགས་པར་འགྱུར།། ཞེས་གསུངས་སོ།། དེ་ནས་བཅོམ་ལྡན་འདས་ལས་ཀྱི
8b3 སེམས་དཔས་ཀྱང་བྱང་ཆུབ་ཀྱི་སེམས་འདི་གསུངས་སོ།། ཆོས་ཀུན་བྱང་ཆུབ་སེམས་ཉིད་དེ།། ངེས་པ་མེད་དེ་དངོས་རྟོག་བྲལ།། དེ་ཉིད་དག་པའི་རང་བཞིན་པས།། མཁས་པས་ཅི་དགར་བསྒོམས་ན་འགྲུབ།། ཅེས་གསུངས་སོ།། རྒྱུད་ཀྱི་རྒྱལ་པོ
8b4 དུར་ཁྲོད་ཁུ་བྱུག་རོལ་པའི་མདོ་ལས། བྱང་ཆུབ་ཀྱི་སེམས་དེ་ཁོ་ན་ཉིད་ཀྱི་ལེའུ་སྟེ་གཉིས་པའོ།། ། དེ་ནས་རྡོ་རྗེ་ཡིད་ཀུན་ཏུ་བཟང་པོས་བཅོམ་ལྡན་འདས་གསང་བ་མཆོག་གི་བདག་པོ་ལ་གསོལ་བ་བཏབ་པ། ཨེ་མཛེ་བདེར་གཤེགས
8b5 རྒྱལ་བའི་གཙོ།། སངས་རྒྱས་ཡབ་གྱུར་དམ་པའི་བདག། རྡོ་རྗེ་རིན་ཆེན་པདྨོ་དང་།། སྣ་ཚོགས་ལས་ཀྱིས་རྣམ་པར་མཛད།། དངོས་གྲུའི་ཀུན་གྱི་འབྱུང་གནས་ཆེ།། ངོ་མཚར་ཁྲིད་ལ་ཕྱག་འཚལ་འདུད།། འགྲོ་བ་ཀུན་ལ་ཕན་པ་དང་།། རྣལ་འབྱོར
8b6 ཅན་འཐུགས་བརྗེའི་ཕྱིར།། བདེར་གཤེགས་ཀུན་གྱི་དཀྱིལ་འཁོར་དང་།། དེ་བཞིན་རྡོ་རྗེ་འཛིན་པ་དང་།། འཁོར་ལོ་ཅན་གྱི་དཀྱིལ་འཁོར་དང་།། རིན་ཆེན་འཛིན་དང་པདྨོ་འཆང་།། སྣ་ཚོགས་ལས་ཀྱི་དཀྱིལ་འཁོར་རྣམས།། བདེ་བར་གཤེགས
8b7 པས་བཤད་དུ་གསོལ།། ཨ་ལ་ལ་ཧོ་ཞེས་གསོལ་བ་བཏབ་པོ།། དེ་ནས་སྟོན་པ་རྒྱལ་མཆོག་གིས།། ཀུན་བཟང་གི་ནི་ཚིག་གསན་ནས།། དཀྱིལ་འཁོར་རབ་ཏུ་ཉམས་དགའ་བཤད།། རྣལ་འབྱོར་སྟན་ལ་བརྩེ་ཕྱིར་རོ།། ལས་དང་དངོས་གྲུབ་ཐམས
iiif viewer powered by OpenSeadragon
