| e-texts navigator |
| Wylie |
86a1 ནཱ།། མཉན་ཞིང་རྟོག་པའི་སངས་རྒྱས་དང་།། བདེ་ཞིང་སྐྱེད་པའི་སངས་རྒྱས་དག། ལོགས་ལས་བདག་གིས་ཟབ་འདོད་པས།། ཐར་དུ་དོག་མི་ཐར་རོ།། འགྲུབ་པར་རངྒེ་མི་འགྲུབ་པ།། འཁོར་བ་ཡངས
86a2 སུ་ཤེས་པ་ན།། མྱ་ངན་འདས་ཞེས་དེ་ལ་བྱ།། ང་ན་སང་ཡོངས་སུ་ཤེས་པ་ན།། ཐར་པ་ཐོབ་ཅེས་དེ་ལ་བྱ།། མ་དག་མེད་པའི་དོན་རྟོགས་ན།། སངས་རྒྱས་ངས་ཀྱང་འཁོར་བ་བསྔགས།། བསྔགས་སུའང་མེད་དེ་དེ་ཉིད་ཡིན།། དོན།
86a3 དམ་བདེན་པ་མི་རྟོགས་ཤིང་།། རང་བྱུང་ཡེ་ཤེས་མ་ཤད་ན།། དུག་ཏུ་མ་སང་གང་ཡང་མེད།། དགྲར་ཡང་མི་གནོད་གང་ཡང་མེད།། བདེ་བ་ཆེན་པོའི་དོན་རྟོགས་ཤིང་།། བྱང་ཆུབ་སེམས་ཀྱི་སྒོ་ཕྱེ་ན།། འབྲས་བུ་མ་ཐོབ་གཅིག་ཀྱང
86a4 མེད།། ཆེ་བ་འདི་ལས་ཆེ་བ་མེད།། བརྟགས་ཤིང་བཤིག་ཅིང་རང་སེམས་བཟང་།། ཕྱིན་ཅིང་བཙལ་ཅིང་ཐོག་མ་ཉིད།། སུ་ཞིག་འཆད་ཅིང་སྟོན་འདོད་པ།། གང་ལའང་མ་འཆད་གང་ལ་ཞོག། གང་ལའང་མ་རྟོག་བདག་ལ་དགས།།
86a5 འབྲས་བུ་དམ་པ་འདི་ལ་ཡོད།། སེམས་ལ་ཐོག་ཏུ་མ་ཕེབས་ཤིང་།། ཡིད་ལ་གསལ་བར་མ་རྟོགས་ན། ཁ་བཤད་མང་པོས་དོན་མི་འགྲུབ།། དུས་གསུམ་སངས་རྒྱས་ཐམས་ཅད་ལས།། འཁོར་བ་ངན་སོང་བསྔགས་པར་གྱིས།
86a6 དུས་གསུམ་སངས་རྒྱས་དེ་ན་ཡོད།། ཐར་པ་ཆེན་པོའི་སྒོ་འབྱེད་རྫིང་།། ཕྱོགས་བཅུའི་སངས་རྒྱས་གསོན་དུ་གསོལ།། རྒྱུ་ནི་མ་བཅོས་ཉིད་དུ་བཞག། འབྲས་བུ་རང་བཞིན་མེད་པར་བླང་།། དོན་དུ་ཐིག་ལེ་ཆེན་པོར་བསྟན།། འདིས
86a7 འགལ་བ་ཡོང་མ་ཡིན།། འཁོར་བ་དང་ངན་སོང་ཡེ་ནས་ཆེ་བའི་ལེའུ་སྟེ་བརྒྱད་པའོ།། ། དེ་ནས་མཐོ་རིས་དེང་མྱ་ངན་ལས་འདས་པ་ཡེ་ནས་ཆེ་བ་འདི་སྐད་ཅེས་བཀའ་སྩལ་ཏོ།། ཐར་པ་ཐོབ་པའི་ཐེམ་སྐས་དང་།
iiif viewer powered by OpenSeadragon
