| e-texts navigator |
| Wylie |
70a1 རྒྱལ་བློན་པོར་མངའ་བརྙེས་པ།། ལོག་ལྟ་ཐམས་ཅད་འཇིགས་པའི་སྒྲ།། རི་རབ་ལྟ་བུར་བརྗིད་ལ་ཕྱག་འཚལ་ལོ།། ། དུག་གསུམ་འཇོམས་མཛད་ཤཱ་རུས་གསོལ་མཛད་ཅིང་།། གཉིས་མེད་དོན་ལ་སྦྱོར་བས
70a2 ཁམས་གསུམ་སྒྲོལ།། ཤིན་ཏུ་བརྗིད་པས་དུར་ཁྲོད་རྒྱན་དགུ་སྐུ་ལ་མནབས།། འཁོར་བར་མི་ལྡོག་དཔལ་གྱི་ཆས་བརྒྱད་སྐུ་ལ་བརྒྱན།། ཆོས་སྐུ་མི་འགྱུར་མཐིང་ནག་འབར་བའི་སྐུ།། ཡེ་ཤེས་ཏིང་འཛིན་ཟིན་པས་མཆེ་བ་གཙིགས།།
70a3 དུག་ལྔ་གཏན་དུ་བསྲེག་པས་མེ་ཡཾ་ཀློང་ན་བཞུགས།། ཏིང་འཛིན་འདུ་འཕྲོ་མཛད་པས་ཆོས་ཉིད་སྣ་ཚོགས་མཛད།། སྤྱན་གསུམ་སྡང་མིག་བགྲད་པས་ངན་སོང་རྩད་ནས་བཅད།། དབུ་རྣམས་སྐུ་ལུས་གཅིག་པས་ཆོས་ཀྱི་དབྱིངས།། ཤུམ
70a4 དང་གཉིས་སུ་མེད་པས་རྣམ་དག་དོན།། འཁོར་བའི་གཡུལ་ལས་རྒྱལ་ལ་ཕྱག་འཚལ་བསྟོད།། ཨ་ལ་ལ་ཧོ་ཞེས་གསོལ་ཏོ།། དེ་ནས་བཅོམ་ལྡན་འདས་རྣམ་པར་སྣང་མཛད་ཡེ་ཤེས་ཅན་གྱིས་འདི་སྐད་ཅེས་བཀའ་སྩལ་ཏོ།། དཀྱིལ
70a5 འཁོར་རྡོ་རྗེ་འཛིན་པ་མཐའ་དག་ཀུན་གྱི་མཆོག། ཁམས་གསུམ་མ་ལུས་མཐའ་དག་འཇིག་རྟེན་གསུམ་ལས་རྣམ་པར་རྒྱལ།། སེམས་ཅན་མ་ལུས་འདུལ་བའི་དོན་རྣམས་ཐམས་ཅད་འགྲུབ།། ནམ་ཚིག་གསང་བའི་དཀྱིལ་འཁོར་གྱིས་ནི
70a6 གཡོགས་བྱས་ཏེ།། ཡང་དག་རྣམ་གྲོལ་དོན་དམ་འདིས་སྟོན་ཏེ།། ལག་གཡོན་རྡོ་རྗེ་བསྒྱིངས་ཏེ་བཞིན་ནི་རབ་འཛུམ་པས།། རྡོ་རྗེ་ཆེན་པོ་གསོར་ཏེ་རང་གི་སྙིང་གར་གཏོད་པའི་ཚུལ་གྱིས་འཛིན།། བདེ་ཆེན་དོན་དམ་རྡོ་རྗེ་དམ་ཚིག་ཁོ་ན་ཉིད་ཀྱི་སྙིང
70a7 པོ་འདི་སྨྲས་སོ།། ཧཱུཾ་བཅོམ་ལྡན་རྣམ་པར་སྣང་མཛད་ཀྱིས།། ཞི་བའི་དེ་ཉིད་མངོན་རྫོགས་བྱང་ཆུབ་བསྒྲུབ་པར་བཤད།། རྡོ་རྗེ་མཉམ་ཉིད་མངོན་རྫོགས་བྱང་ཆུབ་ཆེན་པོ་སྟེ།། དོན་གྱི་ངོ་བོ་མི་རྟོག་མཉམ་ཉིད་རྣམ་དྲག་ཞི།། མཉམ་ཉིད་སྙིང
iiif viewer powered by OpenSeadragon
