| e-texts navigator |
| Wylie |
6a1 ཅང་དང་ལྡན་པར་འཐོན་ཏེ་འདི་སྐད་ཅེས་གླེང་ངོ་།། ཨེ་མཛོང་ནི་རང་བྱུང་སྟེ། པདྨ་ཆོས་ཀྱི་མཚན་མ་ཡིན།། ཐམས་ཅད་ཆགས་མེད་སྐྱོན་དང་བྲལ།། ཆོས་ཀྱི་ཕྱག་རྒྱ་བརྟན་པ་ལྡན།། ཞེས་གསུངས་ཏུ། ཨ།
6a2 ཞེས་བརྗོད་ཅིང་རྒྱབ་ཕྱོགས་སུ་བཞུགས་སོ།། དེ་ནས་ཡང་གཉིས་སུ་མེད་པའི་བདག་ཉིད་ཆེན་པོས་རྡོ་རྗེ་འཕྲོ་བཅེས་བྱ་བའི་ཏིང་ངེ་འཛིན་ལ་སྙོམས་པར་ཞུགས་ཏེ། ཉིད་ཀྱི་སྐུ་དང་གསུང་དང་ཐུགས་རྡོ་རྗེ་ལས་དམ་ཚིག་གི་གསང་བའི་སྙིང་པོ་འདི་ཕྱུང་ངོ་།།
6a3 ཧཱ་པྲཛྙཱ་དྷྲྀཀ། འདི་ཕྱུང་མ་ཐག་ཏུ་དེ་བཞིན་གཤེགས་པ་ཐམས་ཅད་ཕྲག་དོག་གི་སྐུ་རྗེས་སུ་དྲན་ཏེ། གསུང་ཡིག་འབྲུ་ལས་ཆོ་འཕྲུལ་གྱི་སྒྲ་སྐད་འདི་སྐད་ཅེས་གྲགས་སོ།། ཨེ་མའོ་སངས་རྒྱས་ཐམས་ཅད་ཀྱི།། དམ་ཚིག་གསུང་འདི་མཐོར་ཕྱིན
6a4 པས།། དོན་ཀུན་མ་ལུས་ཀུན་གྲུབ་པའི།། དམ་ཚིག་གསུང་ནི་དགའ་བའོ།། ཞེས་གྲགས་སོ།། དེ་ནས་སྙིང་པོ་ཡི་གེ་དེ་ཉིད་འཕྲོ་བ་དང་འདུ་བ་ལས་ཐུགས་ཀྱི་མཚན་མ་རལ་གྲི་ལྟ་བུར་གནས་པར་གྱུར་ཏོ།། དེའི་ཚེ་རལ་གྲི་དེ་ལས་ཆོ་འཕྲུལ་གྱི་སྒྲ་འདིས
6a5 ཅེས་གྲགས་སོ།། ཨེ་མའོ་དམ་ཚིག་ཀུན་གྱི་ཐུགས།། མཐའ་རྣམས་གཉིས་ལ་མི་གནས་ཤིང་།། ཉོན་མོངས་དྲཱ་བ་གཅོད་པར་བྱེད།། ལས་ཀྱི་ཐུགས་ནི་བརྟན་པའོ།། ཞེས་གྲགས་སོ།། དེ་ནས་ཐུགས་མཚན་དེ་ཉིད་འཕྲོ་བ་དང་འདུ་བ་ལས་ལས་ཀྱི
6a6 སེམས་དཔའི་སྐུ་གསུང་ཐུགས་སུ་སྦྱོར་བའི་ཐབས་ཀྱི་རྣམ་པའི་མཆོག་ཐམས་ཅད་དང་ལྡན་པར་འཐོན་ཏེ་འདི་སྐད་ཅེས་གླེངས་སོ།། ཨེ་མའོ་ང་ནི་རང་བྱུང་སྟེ།། དམ་ཚིག་མཚན་མ་ཞེས་སུ་བྱ།། ཀུན་གྱི་བྱ་བ་བྱེད་པ་པོ།། ལས་ཀྱི་ཕྱག་རྒྱ་བརྟན་པ་པོ།། ཞེས
6a7 གསུངས་ཏེ། ཨ། ཞེས་བརྗོད་ཅིང་གཡོན་ཕྱོགས་སུ་བཞུགས་སོ།། རྡོ་རྗེ་འཁོར་ལོ་རིན་ཆེན་དང་།། པདྨ་རལ་གྲི་མཚོན་ཆ་ལྔ།། ཅི་འདོད་ལས་རྣམས་འགྲུབ་པར་འགྱུར།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེ་ལ།
iiif viewer powered by OpenSeadragon
