| e-texts navigator |
| Wylie |
69b1 གཟུགས་བཞིན།། འཁོར་གྱི་དབུས་ན་ཆོས་ན་རབ་ཏུ་གསུངས།། དེ་ལ་འཁོར་ཡང་གྲངས་ཡོད་མ་ཡིན་ཏེ།། བསྐྱོད་པ་མེད་ཅིང་གཡོ་བ་མེད་པར་སྣང་།། བཟོད་གནས་བསམ་གཏན་དགའ་ཞིང་མཉམ་པར་བཞག། ཡང་དག་གི་བཟག་པ
69b2 མེད་པའི་གནས།། རྒྱལ་བ་དྲང་སྲོང་ཆེན་པོ་རྙེད་པར་དཀའ།། ཞེ་ས་གསུངས་སོ།། རྒྱུད་ཀྱི་རྒྱལ་པོ་ཆེན་པོ་བྱང་ཆུབ་སེམས་ལུང་ཆེན་པོའི་མདོ་ལས། སྐུ་གསུང་ཐུགས་ལྷུན་གྱིས་གྲུབ་པའི་དཀྱིལ་འཁོར་སྟི་ལེའུ་སྟེ་སོ་དགུ་པའོ།།
69b3 དེ་ནས་བྱང་ཆུབ་ཀྱི་སེམས་རྡོ་རྗེས་འདི་སྐད་ཅེས་གསོལ་ཏེ།། རྡོ་རྗེ་དམ་ཚིག་རིན་ཆེན་ཅོད་པ་ནི་དབང་བསྐུར་བས།། ཡེ་ཤེས་ལྡན་པ་རྣལ་འབྱོར་ཆེན་པོའི་དབང་ཕྱུག་སྟེ།། དེ་བཞིན་གཤེགས་པའི་ཕྱག་རྒྱ་མཉམ་ཉིད་ཐུགས་ཆུད་སྣ་ཚོགས་མཛད་པ་དེ།
69b4 མ་ལུས་སེམས་ཅན་ཡོངས་སུ་བསྐྲད་པའི་ཕྲིན་མཛད་ཐུགས་རྗེ་ཅན།། རྣམ་པར་སྣང་མཛད་ཆེན་པོ་ལས་གསུམ་མཉམ་ཉིད་ལ་བཞུགས་པ།། སྐུ་གསུང་ཐུགས་དང་ཐམས་ཅད་མ་ལུས་རྡོ་རྗེ་སྟེ།། བདེ་གཤེགས་ལྷ་ཡི་རྒྱལ་པོ་གཞན་འཕྲུལ
69b5 དབང་བྱེད་གནས།། ཁམས་གསུམ་ཐམས་ཅད་མ་ལུས་ཡིད་བཞིན་རིན་ཆེན་སྤྲས་པ་དང་།། དར་གྱི་བ་དན་ཁ་དོག་སྣ་ཚོགས་དྲིལ་བརྒྱས་རླུང་གིས་བསྐྱོད་པ་དང་།། མེ་ཏོག་ཕྲེང་བ་རྔ་ཡབ་རྒྱན་ཕྲེང་དང་།། ཆུན་འཕྱང་ཟླ་བ་ཉི་མ་སྦྲུལ་ཆུན་རྣམ
69b6 ཀྱིས་མཛེས་བྱས་དང་།། མཐའ་དབུས་མེད་པའི་གནས་ན་དེ་བཞིན་གཤེགས་པ་ཐམས་ཅད་བཞུགས།། ཡོན་ཏན་ལྡན་པའི་སྲས་དང་ཐབས་ཅིག་སྟེ།། དེ་ལྟར་ཡོན་ཏན་ལྡན་ལ་བདག་ཕྱག་འཚལ།། ལོངས་སྤྱོད་རྫོགས་སྐུ་ཡིད་བཞིན་རིན་པོ
69b7 ཆེ།། ས་བཅུའི་རྒྱལ་སྲས་ཆོས་ཀྱིས་ཚིམ་མཛད་ཅིང་།། འཇིག་རྟེན་མུན་དུམ་འོད་ཀྱིས་སྣང་མཛད་པ།། སྡང་མཛད་དག་པའི་སྐུ་ལ་ཕྱག་འཚལ་ལོ།། བཅོམ་ལྡན་སྐུ་མཆོག་དབུ་གསུམ་གསེར་མདོག་བརྗིད་པའི་ཞལ།། འོག་མིན
iiif viewer powered by OpenSeadragon
