| e-texts navigator |
| Wylie |
320a1 ནས།། རྡོ་རྗེས་གཏམས་པ་ཡན་ཆད་དུ།། མ་ལྕེ་དཔལ་གྱིས་ཚིག་པ་རྣམས།། གསོ་ཞིང་གནས་སུ་བསྐང་བའི་ཕྱིར།། བྱང་ཆུབ་སྙིང་པོར་རྫོགས་གྱུར་ཏེ།། བདག་ཅག་སྔགས་མཁན་རྒྱལ་པ་རྣམས།།
320a2 ཆག། ཉམས་ཕ་མ་ལྷུང་འཕྲོ་བསབས་ནས།། ཡུན་གྱི་སྒྲིབ་པ་བྱང་གྱུར་ཅིག། སྦྱིན་སྲེག་ལས་ཀྱི་ལེའུ་ལས།། རྫས་ཀྱི་སྦྱིན་སྲེག་གི་ལེའུ་སྟེ་ཐ་མའོ།། །། དེ་ནས་སྦྱིན་སྲེག་བྱ་བ་ནི། ཤ་ཁྲག་བསྲེགས་པའི་མཆོད་པ་འདིས།
320a3 དུར་ཁྲོད་འབར་བའི་དཀྱིལ་འཁོར་དུ།། ཁྲོ་མཆོག་རྒྱལ་པོ་སྤྱན་དྲངས་ཏེ།། སྔོན་གྱི་སྒྲིབ་པ་སྦྱང་བའི་ཕྱིར།། ཕྲིན་ལས་རྣམ་བཞིར་མདའ་གསོལ་གྱིས།། ལས་ཀྱི་འབྲས་བུ་མཆིས་པར་མཛོད།། སྲན་ཆེན་བསྲེགས་པའི་མཆོད་པ་འདིས།།
320a4 ཕྲ་མེན་ཚོགས་དང་དབང་ཕྱུག་འཁོར།། ཕོ་ཉ་དྲུག་ཅུ་ཕྱག་རྒྱའི་ཚོགས།། ཐུགས་དམ་ཡོངས་སུ་བསྐངས་གྱུར་ནས།། ཕྲིན་ལས་རྣམ་བཞིའི་དབང་བྱིན་ནས།། ལས་ཀྱི་འབྲས་བུ་མཆིས་པར་མཛོད།། ལྕགས་ཕྱེ་བསྲེགས་པའི་མཆོད་པ་འདིས།།
320a5 ལྷ་སྲིན་སྡེ་བརྒྱད་གནས་སྒོ་རྣམས།། གནོད་ཅིང་འདུལ་བའི་རྐྱེན་བྱེད་རྣམས།། རྡོ་རྗེ་ལྕགས་ཀྱིའི་འཕྲོ་འདུ་འདིས།། གདུག་པའི་ལུས་དགུ་རྒྱུང་བརླགས་ནས།། བྱང་ཆུབ་ཀློང་དུ་བསྒྲལ་བྱས་ནས།། ཚེ་ཚོགས་འབར་བའི་ཞལ་དུ་བསྟབ
320a6 རྡོ་ཕྱེ་བསྲེགས་པའི་མཆོད་པ་འདིས།། དམ་འདས་སྲི་དང་ལས་ངན་བསྲེགས།། གཱཏུམ་ཆེན་འབར་བའི་དཀྱིལ་འཁོར་དུ།། མགྱོགས་པའི་ཚིགས་རྣམས་བསྡུས་བྱས་ནས།། རྡོ་ཕྱེས་ཕྱེ་མར་བརླག་བྱས་ནས།། གྲུ་གསུམ་མཐིང་ནག་དཀྱིལ
320a7 འཁོར་དུ།། འབར་བའི་ཚོགས་རྣམས་ཞལ་དུ་བསྟབ།། ཚྭ་དང་རྭ་སྙིང་བསྲེགས་པ་ཡིས།། དུག་གསུམ་ལས་ཀྱི་རྣམ་སྨིན་གྱིས།། ངན་སོང་གསུམ་གྱི་འབྲས་བུར་སྨིན།། ཕྲ་མེན་རྒྱ་མཚོའི་མཚོན་ཆ་འདིས།། འཁོར་བའི་ཆུ་ལྔ་བ་རླག་པའི
iiif viewer powered by OpenSeadragon
