| e-texts navigator |
| Wylie |
2b1 སྲས་ཀྱི་འཁོར་ཇི་སྙེད་པ་ལ་སྩོགས་པ་སེམས་དང་སེམས་ལས་བྱུང་བ་དང་། འབྱུང་བ་དང་། འབྱུང་བ་ལས་གྱུར་པ་ཇི་ལྟ་བ་དང་ཇི་སྙེད་པ་རྣམས་དང་། ཐབས་ཅིག་ཏུ་བསྙེངས་པ་མི་མངའ་བར་བཞུགས་པ་ནི། དཔེར་ན་ཡུངས་འབྲུ་སྣུམ་གྱིས
2b2 གང་བ་བཞིན་དུ་གང་ནས་ཁྱབ་པར་བཞུགས་སོ།། ཡུམ་ཀུན་ཏུ་བཟང་མོ་ཡང་ཉིད་ཀྱི་སྐུ་ལ་འཁྲིལ་བའི་ཚུལ་གྱིས་བསྙེངས་པ་མི་མངའ་བར་མངོན་པར་འདུ་མཛད་དོ།། འཁོར་གྱི་དཀྱིལ་འཁོར་དེ་ཉིད་ན་རྣལ་འབྱོར་གྱི་དབང་ཕྱུག་རྡོ་རྗེ་ཡིད་ཀུན་ཏུ་བཟང
2b3 པོ་ཡང་བཙུན་མོ་ཆོས་སྐུ་ཀུན་ཏུ་བཟང་མོ་དང་གཉིས་སུ་མེད་པའི་ཚུལ་བཅོམ་ལྡན་འདས་ཀྱི་སྤྱན་སྔ་ནས་བཀའ་ནོད་ཅིང་སྤོང་བ་ཅན་དུ་བཞུགས་སོ།། དེ་ནས་བཅོམ་ལྡན་འདས་གསང་བ་མཆོག་གི་བདག་པོ་དེས། སེམས་དང་སེམས་ལས་བྱུང་བ་དང་།
2b4 འབྱུང་བ་དང་། འབྱུང་བ་ལས་གྱུར་པའི་ཆོས་དུས་གསུམ་དང་། སྲིད་པ་གསུམ་གྱིས་བསྡུས་པ་དང་། གཞན་ཡང་བསམ་གཏན་དང་སྙོམས་པར་འཇུག་པ་དང་། འགོག་པ་དང་། སའི་ཁྱད་པར་ལ་ལྕོགས་པའི་ཆོས་སྣང་གྲག་ལ་རྫུ་འཕྲུལ་གྱི་སྤྱན
2b5 གྱིས་ཀུན་ཏུ་ཁྱབ་པར་གཟིགས་སོ།། རྣམ་པར་གཟིགས་སོ།། དེ་བཞིན་དུ་ཕྱོགས་བཅུ་དང་དུས་གསུམ་གྱི་རྒྱལ་བ་གྲངས་མེད་པ་རྣམས་ལ་ཡང་རྣམ་པར་གཟིགས་སོ།། རྣམ་པར་གཟིགས་ནས་ཆོས་ཐམས་ཅད་སྟོང་པ་ཆེན་པོའི་དོན་ལ་མནལ་ཏེ། སྔ
2b6 བསམ་ལས་འདས་པ་དེ་བཞིན་ཉིད་ཀྱི་ཏིང་ངེ་འཛིན་ལ་སྙོམས་པར་ཞུགས་སོ།། དེའི་ཚེ་འཁོར་བ་དང་མྱ་ངན་ལས་འདས་པའི་ཆོས་ཐམས་ཅད་སྟོང་པ་ཆེན་པོར་གྱུར་པ་ནི།། དཔེར་ན་ནམ་མཁའི་མཚན་ཉིད་ཙམ་དུ་ཡང་བསྐྲུན་དུ་ཡོད་པ་མ་ཡིན་ནོ།།
2b7 ནས་ཡུམ་ཀུན་ཏུ་བཟང་མོས། བཅོམ་ལྡན་འདས་གསང་བ་མཆོག་གི་བདག་པོ་དགོངས་པ་ཆོས་ཀྱི་དབྱིངས་ལ་མནལ་བཞིན་དུ་སྟོང་པ་ཉིད་ཀྱི་ངང་ལས་གླུ་འདིས་བསྐུལ་ལོ།། ཨེ་ཨེ་མའོ།། སྟོང་ཉིད་བདག་མེད་རྣམ་དག་སློང་ཡངས་ནས།
iiif viewer powered by OpenSeadragon
