| e-texts navigator |
| Wylie |
260b1 རབ་ཀྱི་ཕ་རོལ་ཏུ་ཕྱིན་པའི་རང་བཞིན་དུ། དུས་གསུམ་བདེ་བར་གཤེགས་པའི་བཞུག་གནས་གཞལ་ཡས་ཁང་དུ་བྱིན་གྱིས་བརླབས་ལ། གསང་བའི་མཁའ་ལ་དཀྱིལ་འཁོར་གྱི་ལྷ་ཚང་བར་གསལ་བར་བསྒོམ་པ་དང་། གནས་ལྔར་ཡི་གེ་དཔའ་རོ་འབྲུ་ལྔ་ལས།
260b2 རིགས་ལྔར་གྱུར་པ་དང་། གསང་བའི་ཡུམ་བཞིའི་བསྐོར་བར་བྱིན་གྱིས་བརླབ་པའོ།། དེ་ནས་གཉིས་སུ་མེད་པར་སྦྱོང་བ་ནི། དང་པོ་སྤྱན་གྱིས་བརྡ་ཞིག་མཛད་དེ། འདི་སྐད་བསྐུལ་ལོ།། མཚན་མཆོག་བརྒྱན་པའི་ཡུམ་མཆོག་ཤེས་རབ་སྤྱན། ཤེས་རབ་དོན
260b3 གྱི་བརྒྱན་པའི་ཐུགས་དམ་བསྔལ། མི་དམིགས་སྙིང་རྗེ་ཐམས་ཅད་ཡངས་ལ་སྙོམས། ཐབས་དང་ཤེས་རབ་ཚུལ་ཁྲིམས་ཀྱིས། ས་མ་ཡ་སྟ་མ་ཞེས་བསྐུལ་བ་དང་། ཡུམ་གྱིས་ཡབ་ལ་འདི་སྐད་ཅེས་བསྐུལ་ལོ།། ཐབས་ལ་མཁས་པའི་འགྲོ་བ་འདྲེན་པའི་གཙོ།།
260b4 འཁོར་བ་མ་སྤངས་གནས་སུ་དག་པ་ལ། འཕགས་པ་རྣམས་ལ་དགྱེས་པའི་ཐུགས་དམ་བསྒྲལ། བདེ་བ་ཆེན་པོའི་མཆོད་པ་རྒྱན་དུ་གཞེས། སེ་མ་ཡ་ཧཱུཾ་ཞེས་བསྐུལ་བས། ཡབ་ཀྱི་ཕྱག་རྒྱ་ཆེན་པོ་བཞིས་མཉམ་པར་སྦྱར། ཧཱུཾ་ལས་གསང་བའི་རྡོ་རྗེ་རྩེ་ལྔ་པར་བསྒོམ།
260b5 རྡོ་རྗེའི་རྭ་ལྔ་ལ་རིགས་ལྔའི་སྙིང་པོ་འགོད། ཡུམ་གྱི་མཁའ་པདྨ་འདབ་མ་བརྒྱད་ལ་ཡུམ་གྱི་སྙིང་པོ་འགོད། པྲ་བེ་ཤ་ཕཊ་ཀྱིས་སྒོ་ཕྱེས། སུ་ར་ཏོ་སྟྭཾ་གྱིས་བསྐུལ་བས། དེ་བཞིན་གཤེགས་པ་ཐམས་ཅད་དགྱེས་པ་གཅིག་ཏུ་བལྟས་ཏེ། མཉེས་པ་ཆེན་པོའི་ཐུགས་དར་བསྐང།
260b6 ན་དབྱིངས་དང་ཡེ་ཤེས། རྟགས་ཐབས་དང་ཤེས་རབ་གཉིས་སུ་མེད་པར་ལྷུན་གྱིས་གྲུབ་བོ།། དེ་ནས་གསང་བའི་མཁའ་ལ་སེམས་ཅན་ཐམས་ཅད་གནས་སྤར་ཏེ་དབང་བསྐུར་བ་ནི། ནམ་མཁས་གང་ནས་གང་དུ་ཁྱབ་པར་ཆོས་ཀྱི་དབྱིངས་ཀྱིས་ཀྱང་གང་ནས་གང
260b7 དུ་ཁྱབ་པར། ཡུམ་གྱི་མཁའ་ཀློང་རྣམ་པར་དག་པས་ཁྱབ་པས། སྣོད་ཀྱི་འཇིག་རྟེན་ཐམས་ཅད་ཡབ་ཡུམ་གྱི་མཁའ་དབྱིངས་རྣམ་པར་དག་པ་གཞལ་ཡས་ཁང་དུ་གྱུར་པའི་ནང་ན། མཐའ་ཡས་པའི་སེམས་ཅན་ཐམས་ཅད་ཀྱི་སེམས་མེ་མར་རླུང་གིས་མ་བསྐྱོད་པ
iiif viewer powered by OpenSeadragon
