| e-texts navigator |
| Wylie |
248b1 བཅོམ་ལྡན་འདས་ཀྱིས་ལུང་བསྟན་དུ་གསོལ།། བདེ་བར་གཤེགས་པས་ལུང་བསྟན་དུ་གསོལ།། བཅོམ་ལྡན་འདས་ཀྱིས་བཀའ་སྩལ་པ། ཁྱེད་ལ་སོགས་པ་རྣམས་མོས་ཤིང་ཐོས་པར་འདོད་ན། ཡིད་ལ་ཟུང་ལ་རྣ་བའི་དབང་པོས་ཉོན་ཅིག
248b2 རྣལ་འབྱོར་གྱི་ཚོགས་ཆུད་ཆེན་པོ་འདི། དུས་གསུམ་གྱི་སངས་རྒྱས་རྣམས་ཀྱིས་ཀྱང་གསུངས་ལ་ངས་ཀྱང་བཤད་དོ།། དེ་ལ་ཚོགས་ཞེས་བྱ་བའི་ངེས་ཚིག་ནི། དོན་དང་མཐུན་པ་ལ་བཀའ་དང་མི་འགལ་ཞིང་དགེཞུང་བཞིན་བསླབ་པ་ལ་ཚོགས་པ་ལ
248b3 ཚོགས་ཞེས་བྱ་སྟེ། ཉན་ཐོས་དང་རང་སངས་རྒྱས་དང་དགྲ་བཅོམ་པའི་མིང་ཡང་མེད་པ། ཤིན་ཏུ་རྣལ་འབྱོར་དབང་ཕྱུག་ཆེན་པོ། གསང་སྔགས་རྡོ་རྗེ་ཐེག་པ་ལ་མོས་ཤིང་གཞོལ་པ་དང་། འདི་དག་བཤད་ཅིང་ངསྟན་པའི་སྣོད་དུ་གྱུར་པ་ཡང་།
248b4 རྩ་བ་དང་ཡན་ལག་གི་དམ་ཚིག་ལ་གནས་ཤིང་མ་ཉམས་པར་བསྲུང་བ་དང་། རས་གཅོད་དང་གཟུ་ལུམས་མ་ཡིན་པར། ཕྱི་ནང་གི་དབང་རྣམས་ལུང་བཞིན་དུ་ནོད་པ་དང་། རྒྱུད་དང་ཕྱི་ནང་གི་དོན་ལ་མོས་ཤིང་མཁས་པའོ།། དེ་མི་གཏོགས་པ་དེ་རྣམས
248b5 དང་མི་ལྡན་པ་འཇུངས་པ་དང་། འཆིངས་པ་མ་གྲོལ་བ་དང་། དགོངས་པ་གནད་དུ་མ་ཕེབས་པ་རྣམས་ནི་མ་གཏོགས་སོ།། དེ་ལ་ཚོགས་ཀྱི་དཀྱིལ་འཁོར་བསྐྱེད་པ་འདི་སྐད་དོ།། ཆོས་རྣམས་སྟོང་པའི་རང་བཞིན་ལས། ངོ་བོ་ཉིད་ཀྱིས་ཀུན་ཏུ་དག།
248b6 ལྟ་བའི་ཆོས་ཉིད་ཚིག་ཙམ་མ་ཡིན་པར་རྟོགས་པ་དང་། སྤྱོད་པས་དེ་དང་མི་འགལ་བར་སྤྱོད་པ་དང་། ཕྲིན་ལས་ཀྱིས་བ་བཅོལ་དུ་མི་བྱེད་ཞིང་། གོང་འོག་རིན་པོ་ཆེའི་ཕྲེང་བ་བརྐུས་པ་ལྟར་མ་ནོར་བ་དང་། བསྒོམ་ཞིང་བསླབ་པ་ལ་བཞད་གང་དང
248b7 གཉིད་དབང་དུ་མི་གཏོང་ཞིང་། དད་དང་བརྩོན་འགྲུས་ཀྱིས་མགོ་ལ་མེ་ཤོར་བ་དང་འདྲ་བར་འབད་པ་དང་། རྣལ་འབྱོར་ཀྱི་དོན་གང་ལ་ཡང་ཤོར་ཡངས་སུ་ཆེ་བ་དང་། རྟོག་པ་དང་འཁུ་འཕྲིགཔ་མེད་ཅིང་། འཁུ་ལྡོག་དང་ཡ་ག་དང་མཆོད་ཚིག
iiif viewer powered by OpenSeadragon
