| e-texts navigator |
| Wylie |
172b1 སྐད་དྲུག་འགྲོ་དྲུག་གནས་ནས་ཅི་གསོལ་གསན།། དབུ་གསུམ་སྲིད་གསུམ་མགོན་མཛད་སྒྲ་གསུང་ཐུགས།། ཞལ་གསུམ་དབྱིངས་སུ་དུག་གསུམ་ཟད་པར་རྔུབ།། ལྗགས་གསུམ་ཐག་གསུམ་སྨྱོན་པའི་གདངས་དང་སྒྲོགས།། ཁམས་གསུམ་ཉུག་བྱེད་རྡོ་རྗེ་སྲིན་པོའི་ལྕེ།
172b2 མཆེ་བཞི་སྐྱེ་བཞི་རྩད་ནས་གཅོད་པར་བྱེད།། ཕྱག་དྲུག་རྒྱུད་དྲུག་འཁོར་བ་གཏིང་ནས་འདོན།། ཕྱག་མཚན་ཕ་རོལ་ཕྱིན་དྲུག་འགྲོ་དོན་མཛད།། ཞབས་བཞི་ཕྲིན་ལས་རྣམ་བཞིས་བགྲོད་མེད་སྒྲོལ།། དེ་ལ་ཕྱག་མཚན་ཡན་ལག་རྟགས་ལུང་ནི།། རྡོ་རྗེ་ཡེ་ཤེས་ཕ་རོལ་ཕྱིན་པ་ནི།
172b3 རང་བཞིན་མི་འགྱུར་ལས་ནི་འཕགས་ཤིང་འཇོམས།། ཆོས་སྐུ་མི་འགྱུར་རྟོག་དང་བག་ཆགས་བསྲེག། ཡེ་ཤེས་ཡིན་ཕྱིར་དེ་ལ་དེ་སྐད་བྱ།། བྷརྡྷ་བཟོད་པའི་ཕ་རོལ་ཕྱིན་པ་ནི།། ཆོས་དབྱིངས་སྤྲོས་མེད་ཡེ་ཤེས་བཞི་དང་ལྡན།། ཡེ་ཤེས་དབྱིངས་རྟོགས་ཞེན་ཆགས་ཐུགས་རྗེ་སྐྱེ
172b4 མཐའ་གཉིས་སྐྱོན་གྱིས་མི་སྔགས་བཟོད་པའི་མཆོག། ཁ་ཊྭཱཾ་སྟོབས་ཀྱི་ཕ་རོལ་ཕྱིན་པ་ནི།། དུག་གསུམ་སྒྲོལ་བྱེད་དྲེགས་པ་ལྷ་བདུད་གནོན།། སྟོབས་གསུམ་སྲིད་གསུམ་ཡོངས་འདུལ་རྒྱལ་བའི་རྟགས།། ཀུན་ལ་མངའ་མཛད་འཁོར་རྣམས་དབང་དུ་སྡུད།། ཞིང་ཆེན་སྨོན་ལམ་པ
172b5 རོལ་ཕྱིན་པ་ནི།། འབོད་པའི་གཡབ་མོས་འཁོར་རྣམས་དབང་སྡུད་ཅིང་།། སྦྱིན་པའི་བཟའ་བས་མཁའ་འགྲོ་ཚིམས་པར་བྱེད།། བརྡེག་པའི་དབྱུག་པས་རྡོས་བཅས་ཕུང་པོ་བཤིག། རྟོགས་པའི་ཆོས་ཉིད་དྲན་མེད་ཤེས་ལྔས་བཟུང་།། ཇི་ལྟར་སྨོན་བཞིན་གྲུབ་པས་དེ་སྐད་བྱ།། ཐོད
172b6 གཤོལ་ཐབས་ཀྱི་ཕ་རོལ་ཕྱིན་པ་ནི།། ཉོན་མོངས་ཐུགས་རྗེས་ཟ་བ་རྙོག་མཛད་ཅིང་།། ཡེ་ཤེས་ཆོས་དབྱིངས་མཐའ་དང་བྲལ་བ་རྟོགས།། ཐབས་ཀྱི་སྐུ་གསུམ་ལྷུན་གྲུབ་སྩལ་པ་འགྲོ།། རྔ་ནི་ཤེས་རབ་ཕ་རོལ་ཕྱིན་བསྟན་པ།། ཡུལ་མེད་རྣམ་དག་ཆོས་ཀྱི་རྔ་ལོགས་ལ།། འཛིན
172b7 པ་བདག་མེད་རིག་པའི་དབྱིག་གུས་བརྡུངས།། གསུང་རབ་རྔ་སྒྲས་འགྲོ་བ་ཤེས་རབ་བསྐྱེད།། འཁོར་ལོ་བསམ་གཏན་ལྷག་པ་གསུམ་གྱི་མཚོན།། ཚུལ་ཁྲིམས་ཏིང་འཛིན་ཡེ་ཤེས་གསུམ་དང་ལྡན།། བདག་མེད་སེམས་ལས་རིན་ཆེན་དགོས་འདོད་སྐོང་།། མི་ཟད་པར་ལྡན་སྦྱིན
iiif viewer powered by OpenSeadragon
