| e-texts navigator |
| Wylie |
143a1 རིག་པ་ནི་ཐབས། གནས་པ་ནི་ཤེས་རབ་སྟེ། དེ་བས་ན་དེ་སྐད་ཅེས་བསྟན་པ་ཡིན་ཏེ། སྣོད་བཅུད་ཐབས་དང་ཤེས་རབ་པ།། མཚན་མ་ཀུན་ལ་ཅིང་སྤྱད་ཀྱང་།། ཐབས་ལ་མཁས་པ་ཤེས་རབ་སྟེ། ཐབས་དང་།
143a2 ཤེས་རབ་དྲོན་རྟོགས་ན།། སངས་རྒྱས་ཉིད་ཀྱི་ལུང་དང་ལྡན།། འདི་ལས་མན་ངག་ཡོངས་མེད་པར།། ཀུན་ཏུ་བཟང་པོ་ངས་བཤད་དོ།། དེ་ལ་ལུས་ཀྱི་བལྟ་བ་གང་དང་ལྡན་པའི་དོན་དང་ལྡན་པ་ནི། ལུས་མ་སྐྱེས་པར་ཤེས་པ་ནི་དབྱིངས་རྣམ་པར་དག
143a3 པ། དེ་ཉིད་དེ་བཞིན་མེད་པར་ཡོངས་ལ་ཁྱབ་པ་ནི་རྣམ་པར་དག་པའི་ཀློང་། དེ་ལ་མི་འཛིན་མི་ཆགས་ཤིང་ཡོངས་ལ་ཁྱབ་པ་ནི་ཐབས་ལ་མཁས་པའི་བདུག་ཉིད་དོ།། དེས་ན་རྡོ་རྗེ་སེམས་དཔའ་ལུས་ནི་ཡོད་ཀྱང་ཡོད་ལ་མེད་ཀྱང་མེད་དོ།། ལུས་ནི་བརྟན
143a4 ཀྱང་བརྟན་ལ་མ་བརྟན་ཀྱང་མི་བརྟན་པའོ།། ལུས་ནི་ཁྱབ་ཀྱང་ཁྱབ་ལྔ་མི་ཁྱབ་ཀྱང་མི་ཁྱབ་པའོ།། དེ་ཅིའི་ཕྱིར་ཞེ་ན། རྟགས་སུ་བགྲངས་ལ་དོན་མ་འཛིན་པས་སོ།། ཆོས་ཉིད་ནི་ལུས་སོ།། ལུས་ནི་ཆོས་ཉིད་དོ།། དེ་ཅིའི་ཕྱིར་ཞེ་ན། དེ་ནི་གཉིས
143a5 སུ་མེད་པར།། རྡོ་རྗེ་སེམས་དཔའ་ལུས་ཆོས་ཉིད་མ་ཡིན། ཆོས་ཉིད་ལུས་མ་ཡིན། དེ་ཅིའི་ཕྱིར་ཞེ་ན། དེ་ནི་མཚན་མར་མ་བརྟགས་པའོ།། རྡོ་རྗེ་སེམས་དཔ་ལུས་ལྷའི་དཀྱིལ་འཁོར་རོ།། ལྷའི་དཀྱིལ་འཁོར་ནི་ལུས་སོ།། དེ་ཅིང
143a6 ན། དེནི་སོ་སོ་མ་ཡིན་ཐ་མི་དད་པའོ།། རྡོ་རྗེ་སེམས་དབང་ལུས་ལྷའི་དཀྱིལ་འཁོར་མ་ཡིན། ལྷའི་དཀྱིལ་འཁོར་ལུས་མ་ཡིན། དེ་ཅིའི་ཕྱིར་ཞེ་ན། དེ་ནི་རྟག་པ་ཅན་གྱི་ལུས་མ་ཡིན་པའོ།། རྡོ་རྗེ་སེམས་དཔུང་པུས་ནི་མན་ངག་གོ།།
143a7 མན་ངག་ནི་ལུས་སོ།། དེ་ཅིའི་ཕྱིར་ཞེ་ན། ངེས་པར་བསྟན་ཅིང་དོན་ལ་བསྟན་པའོ།། རྡོ་རྗེ་སེམས་དཔའ་ལུས་ནི་མན་ངག་མ་ཡིན། མན་ངག་ནི་ལུས་མ་ཡིན། དེ་ཅིའི་ཕྱིར་ཞེ་ན། ང་རྒྱལ་ཅན་གྱི་སྐམས་ཤིང་མ་ཡིན་པའོ།། དེ་བས་ན་འདི་དང་།
iiif viewer powered by OpenSeadragon
