| e-texts navigator |
| Wylie |
139b1 ལས་འདས་པས། དམ་ཚིག་ཆོས་ཉིད་ཀྱི་ཕྲིན་ལས་སོ།། རྩ་བ་དང་ཡན་ལག་གི་དམ་ཚིག་འདི་ལྟར་བསྲུངས་ན། ཐམས་ཅད་དུ་མ་གཡོས་པའི་དོན་ཡིན་པས། ཆོ་ག་དང་ཡི་གེ་གཟུང་འཛིན་གྱི་རྟག་པ་བསྲུང་བས། དྲམ་ཆོད་བཀའ་དང་མཐུན
139b2 པའི་ཕྲིན་ལས་སོ།། དམ་ཚིག་འདི་དག་མི་བསྲུང་ན། ཐམས་ཅད་དུ་བདག་ཉིད་བྱང་ཆུབ་སེམས་སུ་སྣང་བས། གཞན་གང་ཡང་མ་གྲུབ་པས་ཅི་ཞིག་བསྲུང་སྟེ། དམ་ཚིག་འདའ་བ་མེད་པའི་ཕྲིན་ལས་སོ།། དམ་ཚིག་འདི་དག་ཉམས་ནའང་།
139b3 ཏོགས་པ་ཀློང་དུ་གྲོལ། བརྩམས་པ་མཐར་ཕྱིན་ནས། དངོས་གྲུབ་ལས་སུ་རུང་བས། དམ་ཚིག་མ་ཉམས་པའི་ཕྲིན་ལས་སོ།། དམ་ཚིག་འདི་དག་ཉམས་ནའང་། ཡེ་རྒྱ་ཆེན་པོས་ཐམས་ཅད་ལ་བཏབ་པས། ཉམས་པའི་ཆུ་མེད་པས་དམ
139b4 ཚིག་བསུང་དུ་མེད་པའི་ཕྲིན་ལས་སོ།། དེ་བས་དམ་ཚིག་གི་ཕྲིན་ལས་ཐམས་ཅད་ནི། ཐམས་ཅད་ནས་ཐམས་ཅད་དུ་བསྲད་དུ་མེད་ཅིང་མ་ཉམས་པའི་དམ་ཚིག་སྟེ། དེ་ལ་འདི་སྐད་ཅེས་བརྗོད་པར་བྱའོ།། དམ་ཚིག་རྒྱལ་པོ་ལྷུན་གྲུབ་སྙིང་པོ་མཆོག།
139b5 གསང་ཆེན་ངེས་པ་འདའ་མེད་དམ་པ་ལས།། དོན་གྱི་སྐྱེས་བུས་ཞུས་པས་རབ་བཀྲོལ་ནས།། མི་ཡི་སེང་གེས་ཀུན་ལ་བསྟན་པར་བྱའོ།། དངོས་པོ་མཚན་མ་ཐམས་ཅད་ལ།། འདའ་བ་མེད་པར་གང་བསྡང་བ།། འདི་ཡང་དམ་ཚིག་ཕྲིན
139b6 ལས་ཡིཡེར།། ཉོན་མོངས་ཟུག་རྔུ་ཐམས་ཅད་ལ།། གཡོས་པ་མེད་པར་གང་བསྲུང་བ།། འདི་ཡང་དམ་ཚིག་ཕྲིན་ལས་ཡིན།། ལུང་དང་མཐུན་པ་ཡང་བྱེད་པ།། འདི་ཡང་དམ་ཚིག་ཕྲིན་ལས་ཡིན།། ཤེས་པ་སྒོ་ཡངས་ཆོས་དང་མཐུན
139b7 འདི་ཡང་དམ་ཚིག་ཕྲིན་ལས་ཡིན།། གཙང་སྨེ་མེད་པར་གང་ཟབ།། འདི་ཡང་དམ་ཚིག་ཕྲིན་ལས་ཡིན།། བཟང་ངན་མེད་པར་གང་སྦྱོར་བ།། འདི་ཡང་དམ་ཚིག་ཕྲིན་ལས་ཡིན།། བྱམས་སྡང་མེད་པར་གང་སྦལ་བ།། འདི་ཡང་དམ་ཚི
iiif viewer powered by OpenSeadragon
