| e-texts navigator |
| Wylie |
11b1 ཀ་འདི་དག་བཁྲུག། སྐལ་དང་ལྡན་པ་རིགས་ཀྱི་རྩ།། ཁྱོད་ཀྱིས་བསྲུང་བར་བྱ་བ་ནི།། ལྷ་དང་ཐམ་སྨན་མོ་སྲང་།། སྔགས་དང་ཕྱག་ཅད་བཞིན་ཏོ།། གསང་བ་གཞན་ལ་སྦྲེལ་བྱ་མེད།། བསླབ་པའི་དམ་རྫས་རྣམ་པའོ།། རྟག་ཏུ་འང
11b2 ཞིང་བཟའ་བར་བྱ།། ཤ་ལྔ་དག་དང་ཆང་ལྔ་དང་།། འདོད་པ་ལྔ་རྣམས་རྟག་ཏུ་བསྟེན།། སྦྱོར་དང་སྒྲོལ་དང་ཕྲ་མ་དང་།། མི་སྙན་རྐུབ་སྐུད་པར་བྱ།། དཀའ་ཐུབ་དཀའ་འ་སྤྱད་མི་བྱ།། ཁྲིམས་དང་སྡོམ་པས་བཅིང་བ་མིན།། སྙིང་ནས་སློབ་དཔོན
11b3 ད་པས་ནི།། དངོས་གྲུབ་བསྲུབས་ཀྱང་དོན་མེད་འགྱུར།། དེ་ནས་བླ་མ་ལུང་ལྡན་དེས།། རྡོ་རྗེའི་ཚུལ་དུ་དབང་དག་སྦྱིན།། དེ་ཡང་སྣོད་ཀྱི་ཁྱད་པར་ལས།། ཅི་དང་ཅི་འོས་དེ་བཞིན་སྦྱིན།། དཀྱིལ་འཁོར་དང་པོར་བསྒྲུབ་པའི་དབང་།། གཉིས་པར
11b4 རྡོ་རྗེ་རྒྱལ་པོའི་དབང་།། གསུམ་པར་གསང་བ་ཉན་པའི་དབང་།། བཞི་པར་འཆད་པའི་དབང་དག་སྦྱིན།། ལས་ཀྱི་དབང་ནི་ལྔ་པར་སྦྱིན།། དྲུག་པར་རབ་འབྱམས་རྒྱལ་པོ་ལ།། སྩོགས་པའི་དབང་རྣམས་ཇི་སྙེད་པ།། ཚང་བར་བསྲུང་དུ་རུང་བར
11b5 བཤད།། དེ་ནས་དབང་མཆོག་ཐོབ་བྱའི་ཕྱིར།། རིགས་ཀྱི་བུ་མཆོག་དེ་དག་གིས།། ཡོན་མཆོག་དག་ནི་དབུལ་བར་བྱ།། སྲོག་ལུས་མན་ཆད་སྲས་ཀྱི་རྣམས།། མ་འཇུངས་པ་ཡི་སེམས་ཀྱིས་དབུལ།། རང་གི་ལུས་དང་སེམས་དག་དང་།།
11b6 ཡང་ཡོན་གྱི་མཆོག་ཡིན་ཏེ།། སེམས་ཀྱི་དགོས་པ་གང་དང་གང་།། རྡོ་རྗེ་འཛིན་གྱི་ཡོན་དུ་བཤད།། རིན་ཆེན་དང་ནི་འདོད་པ་ཡི།། ཡོན་ཏན་སྣ་ཚོགས་དབུལ་བ་ནི།། སངས་རྒྱས་འཁོར་ལོ་ཅན་གྱི་ཡིན།། རིན་པོ་ཆེ་དང་ནོར་གྱི་དབྱིག། ཇི་སྙེད་ཡོདཔ
11b7 ཐམས་ཅད་ནི།། རིན་ཆེན་འཛིན་གྱི་ཡོན་ཡིན་ནོ།། མ་དང་བུ་མོ་ཆུང་མ་དང་།། སྲིང་མོ་ཤིན་ཏུ་བརྒྱན་པ་དང་།། མོ་ཡི་མིང་དང་མཚན་མ་ཅན།། པདྨ་ཅན་གྱི་ཡོན་ཡིན་ནོ།། གླང་པོ་རྟ་དང་ཤིང་རྟ་དང་།། ཁྱོགས་ཀྱི་རྣམ་པ་སྣ་ཚོགས་དང་།། ཐེག་པའི་བྱེ་བྲག་ཐར
iiif viewer powered by OpenSeadragon
