| e-texts navigator |
| Wylie |
117a1 རྣམས་ཀྱིས་ཀྱང་དབང་པུར་རྒྱལ་བའི་རྒྱུད་འདི་རྟོགས་སོ།། དེ་ནས་དབང་སྐུར་རྒྱལ་པོའི་རྒྱུད་འདི་ཡང་། རྡོ་རྗེ་སེམས་དཔའི་ཐུགས་ཡེ་ཤེས་ལ་སྣང་བར་གྱུར་ཏོ།། དེ་ནས་སྣོད་དང་ལྡན་པའི་རྣལ་འགྱུར
117a2 པའི་བློ་ལ་སྣང་བར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་སྤྱི་དབང་སྐུར་བཅུད་ཀྱི་རྒྱལ་པོ་དབང་སྐུར་བའི་རྒྱུད་ལས། རྒྱུད་ཡོངས་སུ་གཟུང་བའི་ལེའུ་ཞེས་བྱ་བ་སྟེ་བཅུ་པའོ།། ། དེ་ནས་འཁོར་ཐམས་ཅད་མི་སྣང་བར་གྱུར
117a3 ནས་ཀུན་ཏུ་བཟང་པོ་རང་གནས་ཀྱི་དབང་ཐོབ་ནས། ལྷུན་གྱིས་གྲུབ་པའི་ངང་ལ་གནས་སོ།། དེ་བཞིན་གཤེགས་པ་ཐམས་ཅད་ཀྱི་སྤྱི་དབང་དབང་སླར་རྒྱལ་པོའི་རྒྱུད་ཀྱི་རྒྱལ་པོ་ཆེན་པོ་དེ་དག་གིས་འཁོར་ལོ་བསྐོར་བས་སེམས་ཀྱི་འབྲས་བུ་མཆོག་རྫོགས
117a4 སོ།། རྡོ་རྗེ་ཡང་དབང་གཏེར་གྱི་མན་ངག་གོ།། ཏིང་ངེ་འཛིན་མཆོག་གི་རྒྱུད།། བཅོམ་ལྡན་འདས་དཔལ་ཀུན་ཏུ་བཟང་པོ་རྡོ་རྗེ་སེམས་དཔའ་བདེ་བ་ཆེན་པོ་ལ་ཕྱག་འཚལ་ལོ།། འདི་སྐད་བསྟན་པའི་དུས་གཅིག་ན། བཅོམ་ལྡན་འདས་ཡིད་བྱེད་པ་པོ་ཀུན་ཏུ
117a5 བཟང་པོ། ཆོས་ཉིད་མི་གཡོ་བའི་ཏིང་ངེ་འཛིན་ལ་སྙོམས་པར་ཞུགས་སོ།། ཕྱི་ནང་སྣོད་བཅུད་ཐམས་ཅད་ཆོས་ཉིད་མཉམ་པའི་ངང་ལ་བསྡུས་ནས་བཞུགས་སོ།། དེ་ལྟར་བསྡུས་ཙན་ཡང་ཇི་ལྟ་བུའི་ངོ་བོར་ཡང་མ་གྲུབ་པོ།། མ་གྲུབ་ཙ་ན་ཁྱབ་པའི་སྙིང་རྗེ
117a6 ཆེན་པོ་ཕྱོགས་དང་རིས་མེད་པར་སེམས་ཅན་ཐམས་ཅད་ལ་སྐྱེས་སོ།། སྙིང་རྗེ་ཆེན་པོ་སྐྱེས་ཙ་ན། སྙིང་རྗེ་ཆེན་པོའི་བདག་ཉིད་དུ་སངས་རྒྱས་པའི་རྟགས་ཆོས་ཀྱི་སྐུ་ཟླ་བའི་དཀྱིལ་འཁོར་ལྟར་དཀར་ལ་ལྡེམ་པར་གྱུར་ཏོ།། དེ་ལྟར་ཟླ་བའི་དཀྱིལ་འཁོར་ལྷ
117a7 སྣང་བ་ཡང་། དོན་ཅི་ཡང་མེད་པ་ལས་ནི་རྡུལ་ཙམ་ཡང་མ་གཡོས་སོ།། ཅི་ཡང་མེད་པའི་རྟོགས་པ་རྟོགས་པའི་ཡེ་ཤེས་ཤར་རོ།། དེ་ནས་དེ་ཉིད་ཀྱི་ངང་ལས་རྡོ་རྗེ་སེམས་དཔའ་ཧཱུཾ་ཞེས་བྱ་བའི་སྒྲ་བསྒྲགས་པས། རང་བྱུང་ཡེ་ཤེས་ཤར་བས་ཡི
iiif viewer powered by OpenSeadragon
