| e-texts navigator |
| Wylie |
308b1 སོ།། ཡང་བཅོམ་ལྡན་འདས་གཙུག་ཏོར་སྙིང་པོ་ངོ་བོ་ཉིད་དག་པས་འདི་སྐད་དུ། ཇི་བཞིན་མ་བཅོས་དེ་ཉིད་ལ།། དེ་བཞིན་པ་ཡི་བློ་གནས་པ།། དེ་བཞིན་དེ་ཉིད་མ་ཡིན་པའི།། སྒྲུབ་དང་བསྒྲུབ་པ་ག་ལ་ཡོད།། ཅེས་གསུངས་སོ།། ཡང་བཅོམ་ལྡན་འདས་ངེས་པར
308b2 གཤེགས་པའི་ངོ་བོ་ཉིད་དག་པས་འདི་སྐད་དུ། མཁའ་ལ་གློ་ངུར་སྨིན་འཐབས་ལྟར།། དེ་བཞིན་གློ་བུར་རྟག་པས་བསྒྲིབས།། མཁའ་དག་ནང་དུ་སྤྲིན་སངས་ལྟར།། རྣམ་རྟོག་སངས་པས་ངང་གིས་སངས།། ཞེས་གསུངས་སོ།། ཡང་བཅོམ་ལྡན་འདས་ངེས་པར་གསུངས
308b3 པའི་ངོ་བོ་ཉིད་དག་པས་འདི་སྐད་དུ། ཇི་སྙེད་དག་པའི་གསུང་བརྗོད་ཀྱང་།། རྡོ་རྗེ་གསུང་ལ་སྤྲོས་པ་མེད།། སྤྲོས་མེད་གསུང་ཉིད་ཀུན་གསལ་ཁྱབ།། མེ་གསུངས་པ་ཉིད་རྒྱ་ཆེར་བཤད།། ཅེས་གསུངས་སོ།། ཡང་བཅོམ་ལྡན་འདས་ངོ་བོ་ཉིད་དགེ་པས་འདི་སྐད་དུ། ཐམས
308b4 ཅང་རྡུལ་ལ་འདུག་པ་ཡི།། ཐུགས་མེད་མ་ཆགས་དེ་བཞིན་ཟློས།། ཇི་སྙེད་ཇི་བཞིན་ཉིད་དུ་བཏྟཱད།། ཟང་མེད་གཏེད་ལྡན་རིན་ཆེན་འཐུང་།། ཞེས་གསུངས་སོ།། ཡང་བཅོམ་ལྡན་འདས་མ་ཏོག་དབང་པོ་དབྱངས་པོ་ཉིད་དག་པས་འདི་སྐད་དུ། དེ་བཞིན་ཉིད་ལ་བཞུགས་པས
308b5 ན།། འདི་ཞེས་ཚིག་ཏུ་མ་གསུངས་ཀྱང་།། ཁྱབ་པས་གཅིག་པའི་བྱིན་བརླབས་ཀྱིས།། ཇི་ལྟར་འདོད་པ་སོ་སོར་མཇལ།། ཞེས་གསུངས་སོ།། ཡང་བཅོམ་ལྡན་འདས་གྲགས་པའི་དཔལ་ངོ་བོ་ཉིད་དག་པས་འདི་སྐད་དུ། སངས་རྒྱས་སེམས་ཅན་ལ་སོགས་པ།། ཐམས་ཅད་མ
308b6 ལུས་ལུས་པ་མེད།། རང་རིག་མ་རིག་རྟོག་པ་ཉིད།། ཀུན་ཀྱང་རང་བྱེད་ཡེ་ཤེས་ཉིད།། ཅེས་གསུངས་སོ།། ཡང་བཅོམ་ལྡན་འདས་སྤྲུལ་པའི་རྒྱལ་པོ་ངོ་བོ་ཉིད་དག་པས་འདི་སྐད་དུ། ཡི་གེ་ཕྱག་རྒྱ་ཡེ་ཤེས་ཀྱང་།། ཚིག་ལས་འབྱུང་བའི་གཞི་ཡིན་ཏེ།། དེ་ཉིད་དག་པ
308b7 ཐམས་ཅད་དག། གསུང་ལ་གསུང་ཉིད་མ་གནས་པའི།། ཞེས་གསུངས་སོ།། ཡང་བཅོམ་ལྡན་འདས་སྒྲ་དབྱངས་མི་ཟད་པ་ཉིད་དག་པས་འདི་སྐད་དུ། དེ་བཞིན་ཉིད་ཀྱང་རང་བཞིན་དུ།། ལྔ་ཕུང་ཉོན་མོངས་རྣམ་པར་དག། རྣམ་རྟོག་རྡུལ་བྲལ་སྐྱེ་འགག་མེད།། ཐམ
iiif viewer powered by OpenSeadragon
