| e-texts navigator |
| Wylie |
308a1 བང་བཅོམ་ལྡན་འདས་མ་ལང་འང་སྣང་རྔ་བ་ཉིད་དག་པས་འདི་སྐད་དུ།། ཉོན་མོངས་ཡེ་ཤེས་ལྔར་རྟོག་པ།། དེ་བཞིན་དུ་ལ་གནས་ཀྱུ་སྐྱོབ།། སྲོག་དང་མུ་རྟོག་གཉིས་ཡོད་དེ།། དག་པ་ཉིད་ཡང་དག་ལམ།། ཞུས་གསུངས་སོ།། ཡང་བཅོམ་ལྡན་འདས་བླ་ཛད
308a2 དཔལ་ངོ་བོ་ཉིད་དག་པས་འདི་སྐད་དུ། ཐེག་པ་དཔག་མེད་བསྟན་པ་ཡང་།། ཇི་ལྟར་མོས་པ་ཐ་དད་པ།། ཁྲིད་པ་བྱ་བའི་ཐབས་སུ་ཟད།། རྡོ་རྗེ་ཐེག་པ་ཉིད་ལས་མེད།། ཅེས་གསུངས་སོ།། ཡང་བཅོམ་ལྡན་འདས་ཉི་མའི་སྙིང་པོ་དཔལ་ངོ་བོ་ཉིད་དག་པས་འདི་སྐད་དུ། གང
308a3 གིས་དེ་མཐོང་མཐོང་མ་ཐག། མི་ཤེས་ཚོད་པའི་དྲ་བ་ཆོད།། ཁྱུང་དང་སེང་གེ་ཇི་བཞིན་དུ།། མངལ་ལྟར་ལུས་ཀྱི་མངལ་གྱིས་བསྒྲིབས།། ཞེས་གསུངས་སོ།། ཡང་བཅོམ་ལྡན་འདས་སྤོས་ཀྱི་རྒྱལ་པོ་ངོ་བོ་ཉིད་དག་པས་འདི་སྐད་དུ། དབང་སྒྱུར་ཐབས་ཀྱི་ཡེ་ཤེས
308a4 ཀྱིས།། སྒྱུ་མའི་ཆོས་ལ་དབང་ཐོབ་པས།། མུན་ལ་སྣང་འབྱུང་ཇི་བཞིན་དུ།། ཐམས་ཅད་དབང་སྒྱུར་རང་རིག་ཡིན།། ཞེས་གསུངས་སོ།། ཡང་བཅོམ་ལྡན་འདས་སྔོན་སྤྲོ་བའི་རྒྱལ་པོ་ངོ་བོ་ཉིད་དག་པས་འདི་སྐད་དུ། རྣམ་དག་ཡེ་ཤེས་སྒྱུ་མ་དང་།། ལོག་རྟོག་མཚན་མའི
308a5 སྒྱུ་མ་གཉིས།། རང་བཞིན་དེ་ཉིད་དག་པས་ན།། གཉིས་སུ་ཤེས་པ་ཉིད་ཚིགས་རྫོགས།། ཞེས་གསུངས་སོ།། ཡང་བཅོམ་ལྡན་འདས་རིན་ཆེན་རྒྱལ་པོ་ངོ་བོ་ཉིད་དགེ་པས་འདི་སྐད་དུ། བསམ་གྱིས་མི་ཁྱབ་ཆོས་འདི་རྣམས།། དེ་བཞིན་ཉིད་དུ་གཅིག་པས་ན།། གང་གི
308a6 དེ་བཞིན་དེ་ཤེས་པ།། ཀུན་ལ་དབང་སྒྱུར་ཐོབ་པ་ཡིན། ཞེས་གསུངས་སོ།། ཡང་བཅོམ་ལྡན་འདས་འོད་ཟེར་དཔལ་ངོ་བོ་ཉིད་དག་པས་འདི་སྐད་དུ། སངས་རྒྱས་རྣམས་ཀྱི་དགོངས་པ་འདི།། ཤེས་ནས་དེ་ལ་གང་གནས་པ།། རང་རིག་ཉིད་ལ་དབང་ཐོབ་པའི།། དེ་བཞིན
308a7 རེག་པ་འཛིན་པ་ཉིད།། ཅེས་གསུངས་སོ།། ཡང་བཅོམ་ལྡན་འདས་དཀའ་ཐུབ་རྒྱལ་པོའི་ངོ་བོ་ཉིད་དག་པས་འདི་སྐད་དུ། དེ་ཉིད་ཇི་བཞིན་མངོན་གྱུར་ན།། མེད་ལ་མི་ཟད་འབྱུང་བ་ཡི།། ཆེ་བའི་ཡོན་ཏན་རྒྱུན་མི་འཆད།། ཅིར་སྣང་ཀུན་འབྱུང་རིན་ཆེན་གཏེར།། ཞེས་བ
iiif viewer powered by OpenSeadragon
