| e-texts navigator |
| Wylie |
302b1 སྐས།། གོང་ནས་གོང་དུ་འཕར་བའི་ལྷས།། གང་ལ་གནས་དང་ནོན་པ་ཡང་།། ཁྲི་མཐོན་ལ་འདུག་གླང་ཆེན་ཞོན།། སེང་ཆེན་ཁྲུང་ལྡིང་འདབ་ཆགས་དང་།། མཆོད་རྟེན་རྩེ་དང་པོའི་སྒོ།། ནམ་མཁའི་དབྱིངས་ན་འདུག་པ་དང་།། ལུས་ལས་སྤྲི་བྱུང་ཉི་ཟླ་ལ།། འདུག
302b2 པ་གང་ལ་གནས་པའི་རྟགས།། དམ་པ་རིགས་ཀྱི་སྔོན་བྱུང་བ།། བཀའ་རྟགས་དབང་པོར་དབང་སྒྱུར་བྱེད།། འཇིག་རྟེན་སྐས་ལ་འབེབས་པ་དང་།། དབང་སྡུད་གཡུལ་རྒྱལ་རྒྱལ་བར་འགྱུར།། མགོ་ལ་མེ་ཏོག་ཟོད་སྐྱེས་པའོ།། ཆོས་གང་དབང་སྒྱུར་སྔོན་བྱུང་བ།
302b3 གླེགས་བམ་རྙེད་དང་འདྲི་སྤྱོད་དང་།། གཞན་ལ་སྟོན་དང་གཏན་ལ་འབེབས།། མེ་ལོང་བུམ་གང་ལྟ་རྟོག་འཐུང་།། ནོར་བུ་ཐུ་དང་འཁོར་ལོ་བབས།། ཉི་ཟླ་ཟིན་དང་རི་རབ་སྐོར།། གང་ལ་སྒྲ་བརྒྱས་སྟོང་གསུམ་གང་།། དངོས་པོ་མཐའ་དག་ཡི་གེར་མཐོང་།། ཀླགས་པས
302b4 ངོ་མཚར་ཀུན་སྐྱེད་དང་།། མཁའ་ལས་མེ་ཏོག་ཆར་འབབ་པའོ།། དམ་པ་མཐོང་བ་སྔོན་བྱུང་བ།། སྒྲོན་མ་མཐོང་བ་ཡུལ་མཐོང་དང་།། སྟོང་གསུམ་མཐོང་ཞིང་གླིང་རྣམས་བགྲོད།། རི་རབ་རྩེར་ཕྱིན་ཐམས་ཅད་མཐོང་།། ནམ་མཁའ་མཐའ་ཡས་མཐོང་བ་དང་།། རྒྱ་མཚོ
302b5 གཏིང་དུ་ཕྱིན་པ་དང་།། སྒྲོན་མེ་ཐོགས་དང་སྣང་སྲིད་དཔྱོད།། ཉི་མའི་སྙིང་པོ་ལྟ་བུའོ།། ལུང་ཆེན་ཐོབ་པ་སྔོན་བྱུང་བ།། རོལ་མོ་འབྲུག་སྒྲ་སེང་གེ་དང་།། ཆོས་ཀྱི་བགྲོ་བ་ཟོས་པ་དང་།། གཟུགས་བརྙན་ཞལ་འཛུམ་འོད་འབྱུང་དང་།། དམ་པའི་གསུང་ཐོས་སུ་མི་མཐོང་།།
302b6 གླུ་དབྱངས་སྒྲོགས་པ་དང་།། གཞལ་ཡས་དྲེག་ལ་སྨེ་འབྱུང་དང་།། གྲོགས་པོ་དམ་པ་ལྕེས་འབྱུང་ཞིང་།། དེ་ཉིད་འགྲོ་བར་བྱེད་པའོ།། རིག་འཛིན་དམ་པའི་ལྷས་ཤར་ན།། བྱིན་བརླབས་མཐུ་ཡི་ཆོ་འཕྲུལ་ཡང་།། ཉི་ཟླ་ཞོན་ནས་འགྲོ་བ་དང་།། རེ་རབ་རྐེད་ནས་གསོར་བ་དང་།
302b7 འཇིག་རྟེན་རྒྱང་མར་འཕང་བ་དང་།། སྲེག་པའི་བསྐལ་པ་གཞིལ་བ་ལ།། སོགས་པའི་ཆོ་འཕྲུལ་ཐམས་ཅད་ཀྱང་།། ཁྱད་པར་རྩལ་གྱིས་སྟོན་པར་ནུས།། འདུལ་བའི་འགྲོ་བ་ཐམས་ཅད་ལ།། སོ་སོའི་སྐད་དུ་ཆོས་མཐུན་པར།། འདུལ་བའི་སྒོ་ནི་སྣ་ཚོགས་སུ།། གང་ལ་དེ་ལྟར
iiif viewer powered by OpenSeadragon
