| e-texts navigator |
| Wylie |
12b1 བྱང་ཆུབ་དེ་བཞིན་ཉིད།། བསྒོམ་དུ་མེད་པའི་ཆོས་ཉིད་ལ།། བསྒོམ་པ་དམིགས་སུ་མེད་པ་སྟེ།། ཏིང་འཛིན་ཞེས་ནི་གདགས་སུ་མེད།། བསྒོམས་ཀྱང་རྙེད་པ་མ་ཡིན་ལ།། དེ་བཞིན་མ་བསྒོམས་སྣང་བ་མེད།། བསྒོམ་ཆོས་སྣ་ཚོགས་ཅིར་སྣང་ཡང་།། བསྒོམས།
12b2 ནས་དེ་ཡ་དང་མི་གནས།། དེ་བས་བྱིས་པའི་སྤྱོད་ཡུལ་ཡིན།། དཔེར་ན་བྱིས་པའི་རང་བཞིན་གྱིས།། ས་ལ་སོགས་པ་གཟུགས་སྣ་ཚོགས།། མཛེས་པར་བྱས་ནས་སྐད་ཅིག་མཐོང་།། མཐོང་བ་ཉིད་ན་མ་གྲུབ་སྟེ།། སྐད་ཅིག་ཁོ་ནས་ཞིག་གྱུར་ནས།
12b3 ས་ལ་སོགས་པའི་རྡུལ་དུ་སྣང་།། དེ་བཞིན་རྣལ་འབྱོར་བྱིས་པ་ཡིས།། གཟུགས་ལ་སོགས་པ་སྣ་ཚོགས་བསྒོམ།། སེམས་ཀྱི་བྱེ་བྲག་སྐད་ཅིག་ལ།། ཡིད་ཀྱི་རྒྱབ་སྣ་ཚོགས་འབྱུང་།། བྱུང་བ་བཞིན་དུ་དེ་མ་གྲུབ།། སེམས་ཀྱི་སྐད་ཅིག་དྲན་པ་ལ།། ཡིད་ཀྱི
12b4 དམིགས་པ་རྒྱུན་ཆད་ནས།། བྱུང་ཚོར་ཆད་པའི་མཐའ་སྤངས་ཏེ།། ཆོས་རྣམས་ནམ་མཁའ་ལྟ་ཟུར་རྗེ།། བརྗོད་མེད་རྒྱན་མི་འཆད་པར་དམིགས།། དཱད་དྷཱ་ན་ཅི་མ་ལོག་པར།། བརྗེད་མེད་ཏིང་འཛིན་སྒོམ་པའི་མཆོག། ཅི་ཕྱིར་ཆོས་ཀྱི་དབྱིང་ས་ཉིད་ནི།། དྷས
12b5 མཁའ་ལྟ་བུར་འདུས་མ་བྱས།། བསམ་དུ་མེད་པས་ནམ་མཁའ་འདྲ།། བརྗོད་དུ་མེད་པས་གཟུགས་དང་བྲལ།། ཀུན་གཞི་ཀུན་དུ་ནམ་མཁའ་ལ།། ཡིད་ནི་མཁའ་ལ་ཉི་ཤར་འདྲ།། རྣམ་ཤེས་ཉོན་མོངས་སྤྲིན་གྱིས་ཁེབས།། འདུ་བྱེད་རླུང་གིས་ཀུན་འསྐྱོད
12b6 དེ།། གསྔལ་དང་བྱུང་འཇུག་སངས་དང་འགག། རྣམ་ཤེས་མཚན་མའི་རྟོག་པ་ཡིས།། ཀུན་གཞི་ནམ་མཁའ་མཐོང་མི་སྟེར།། ཀུན་གཞི་མཐོང་ཉིད་ཆོས་སྐུ་སྟེ།། འདི་དོན་ནམ་མཁའ་མ་བརྗེད་པ།། ཏིང་འཛིན་ཆེན་པོ་རྒྱུན་མི་འཆད།། གང་ཞིག
12b7 འདི་དོན་ཡིད་འཆང་བ།། གཟུགས་ཀྱི་དངོས་པོ་ཅིར་སྣང་ཡང་།། སེམས་ནི་ཡེ་ནས་མྱ་ངན་འདས།། བདེ་ཆེན་སངས་རྒྱས་ཐམས་ཅད་ལ།། དགོངས་པ་འདི་ལས་ཡོང་མི་མངའ།། སྣང་བ་མེད་པའི་ནམ་མཁའ་འདི།། ཏིང་འཛིན་ཆེན་པོར་གནས་བཞིན
iiif viewer powered by OpenSeadragon
