| e-texts navigator |
| Wylie |
129a1 གཟིགས་སོ།། ཁམས་གསུམ་གྱི་རང་བཞིན་དུ་མ་གཟིགས་སོ།། ལྷའི་སེམས་སུ་མ་གཟིགས་སོ།། ཀླུའི་སེམས་སུ་མ་གཟིགས་སོ།། དེ་བཞིན་དུ་གནོད་སྦྱིན་གྱི་སེམས་དང་། དྲི་ཟའི་སེམས་དང་ལྷ་མ་ཡིན་དང་ནམ་མཁའ་ལྡིང་དང
129a2 མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། བྱོལ་སོང་དང་། ཡི་དགས་དང་། དམྱལ་བ་ལ་སོགས་པ་འགྲོ་བ་རིས་ཐ་དད་པའི་སེམས་སུ་མ་གཟིགས་སོ།། རྟོག་པ་དང་རྣམ་པར་རྟོག་པ་ཐམས་ཅད་དང་བྲལ་བའོ།། དེ་ཅིའི་ཕྱིར
129a3 ཞེ་ན། སེམས་ཀྱི་རང་བཞིན་གང་ཡིན་པ་དེ་ནི་རྡོ་རྗེ་སེམས་དཔའི་རང་འབྱུང་གི་ཡེ་ཤེས་ཡིན་ལ་ཡེ་ཤེས་དེ་ནི་ནམ་མཁའ་རང་བཞིན་ཏེ་རང་བཞིན་མེད་པའི་ཕྱིར་རོ།། པད་ལང་ཀའི་བདག་པོས་དྲིས་པ། ཀྵེ་གསང་བ་པའི་བདག་པོ་སེམས་ཅན་གྱི་སེམས
129a4 དེ་ཅིའི་ཕྱིར་རྡོ་རྗེ་སེམས་དཔའི་རང་འབྱུང་གི་ཡེ་ཤེས་ཡིན། གསང་བ་པའི་བདག་བློས་སྒྲུབ་པ། ལང་ཀའི་བདུག་པོ་སེམས་ཅན་གྱི་དེ་བཞིན་ཉིད་གང་ཡིན་པ་དང་། རྡོ་རྗེ་སེམས་དཔའི་དེ་བཞིན་ཉིད་གང་ཡིན་པ་འདི་ལ་གཉིས་སུ་མེད་ཅིང་གཉིས་སུ་བྱར་མེད
129a5 དོ།། དེ་ཇི་ལྟ་ཞེ་ན་འདི་ལྟ་སྟེ། གང་ཆགས་པའི་སེམས་ཀྱི་དེ་བཞིན་ཉིད་གང་ཡིན་པ་དེ་ནི་རྡོ་རྗེ་སེམས་དཔའི་དེ་བཞིན་ཉིད་དོ།། རྡོ་རྗེ་སེམས་དཔའི་དེ་བཞིན་ཉིད་གང་ཡིན་པ་དེ་ནི་དེ་ཁོ་ན་ཉིད་དོ།། གང་ཆགས་པ་མེད་པའི་སེམས་ཀྱི་དེ་བཞིན་ཉིད་ནི་རྡོ་རྗེ
129a6 སེམས་དཔའི་དེ་བཞིན་ཉིད་དོ།། རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ།། གང་ཞེ་སྡང་གི་སེམས་ཀྱི་དེ་ཁོ་ན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ།། རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ།། གང་བྱམས་པའི་སེམས་ཀྱི་དེ་བཞིན
129a7 ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ།། རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ།། གང་གཏི་མུག་གི་སེམས་ཀྱི་དེ་བཞིན་ཉིད་ནི་རྡོ་རྗེ་སེམས་དཔའི་དེ་བཞིན་ཉིད་དོ།། རྡོ་རྗེ་སེམས་དཔའི་དེ་བཞིན་ཉིད་ནི་དེ་ཁོ་ན་ཉིད་དོ།། གང་ཤེས་རབ
iiif viewer powered by OpenSeadragon
