| e-texts navigator |
| Wylie |
128a1 མེད་པར་དབུགས་ཕྱིན་པར་གྱུར་ཏོ།། སངས་རྒྱས་ཀུན་གྱི་དགོངས་པ་འདུས་པའི་མདོ་ཆེན་པོ་ལས་གསང་སྔགས་རང་གི་ངོ་བོ་བསྟན་པའི་ལེའུ་སྟེ་བརྒྱད་པའོ།། །། ཐེག་པ་ཆེན་བངྱས་པར་འབྱུང་བའི་ཚུལ་ལས་བློན་མ་ཡོངས་སུ་བཀོད
128a2 པའི་གཏམ་རྒྱུད་བརྗོད་པ་ཆོས་ཀྱི་ཕྱག་རྒྱའི་ཡེ་ཤེས་རྣམ་པར་བགྲོས་པ་སྐྱེ་བྱང་ཚུལ་བརྟན་པ་གཉིས་པའོ།། །། བམ་པོ་གཉིས་པར་ཟུག་པ། དེ་ནས་ལང་ཀའི་བདག་པོས་ཡང་གསང་བ་པའི་བདག་པོ་ལ་སྔོན་བྱུང་བའི་ཚིག་བཅུ་གཉིས་པའི་གསུམ་པའི་གླང
128a3 གིས་ངེས་པ་རྙེད་པ་ན་ཡང་བྷ་ཞེས་བསྟན་པ་དྲིས་པ། ཀྱེ་གསང་བ་པའི་བདག་པོ་ཉིད་ཀྱིས་ཐེག་པ་ཆེན་པོ་གསང་བ་དམ་པ་བྱུང་བའི་ཚུལ་སྟོན་པས་ལུང་བསྟན་པ་གཏུམ་ཅུ་བརྗོད་པའི་སྐབས་སུ་གང་གིས་ངེས་པ་རྙེད་པ་ན་ཡང་ཀྱང་ཞེས་བཀོད་པ་དེ་ཇི་ལྟ་བཞིག
128a4 ཏུ་རྙེད་དེ་གྲགས་པ་ལགས། སྨྲས་པ། ལང་ཀའི་བདག་པོ་གླང་གིས་གཟུང་སྔགས་ཀྱི་ངོ་བོ་རྡོ་རྗེ་སེམས་དཔའ་དེ་ཁོན་ཉིད་ཀྱི་ངེས་པ་སྦྱིན་ཅི་མ་ལོག་པ་རྙེད་པ་དེ་ཁོ་ན་ཉིད་ལ་བྱའོ།། སྨྲས་པ། གསང་བ་པའི་བདག་པོ་གསང་སྔགས་ཀྱི་ངོ་བོ་རྡོ་རྗེ་སེམས
128a5 དཔའ་དེ་གང་ནས་བྱུང་། གང་ན་གནས། གང་དུ་སྣང་། ཇི་ལྟར་བྱུང་དེ་སྐད་ཅེས་དྲིས་པ་ལས། གསང་བ་པའི་བདག་པོས་སྨྲས་པ། ཀྱེ་ལང་ཀའི་བདག་པོ་གསང་སྔགས་ཀྱི་ངོ་བོ་ཉིད་རྡོ་རྗེ་སེམས་དཔའ་དེ་ནི་འཁོར་བ་དང་བྲཅས་མྱ་ངན་ལས་འདས་པ
128a6 གཉིས་ཀྱི་ཁམས་ནས་བྱུང་ངོ་།། སངས་རྒྱས་ཀུན་གྱི་ཐུགས་དང་སེམས་ཅན་ཀུན་གྱི་སེམས་ལ་གནས་སོ།། ཞིང་ཁམས་མཐའ་ཡས་པར་སྣང་ངོ་།། ཡེ་ཛཱི་བའི་རྣ་པ་དང་། རྒྱང་དག་པར་རང་བྱུང་ངོ་།། ཡང་ལུང་གཱའི་བདག་པོས་དྲིས་པ། གསང
128a7 བ་པའི་བདག་པོ་རྡོ་རྗེ་སེམས་དཔའ་ཉིད་དུ་ངེས་པ་གང་ལ་གཞག་པར་བགྱི། གསང་བ་པའི་བདག་པོས་སྨྲས་པ། ལང་ཀའི་བདག་པོ་རྡོ་རྗེ་སེམས་དཔའ་ནི་གཅིག་དང་ཐ་དད་པའི་ངོ་བོ་ཉིད་ལས་གྲོལ་ཏེ་ཆོས་རྣམས་ཀྱི་ཆོས་ཉིད་མ་བཅོས་མ་བསྐྲད་པ།
iiif viewer powered by OpenSeadragon
