| e-texts navigator |
| Wylie |
11b1 ནམ་མཁའི་རང་བཞིན་མཐོང་བར་གནས།། ཡེ་ཤེས་རང་སྣང་ནམ་མཁའ་ལ།། ནམ་མཁའ་ཉིད་དུ་སྣང་བར་ཟད།། བརྗོད་བྲལ་མཐོང་མེད་དམིགས་དང་བྲལ།། མཐོང་བ་མེད་པའི་དོན་འདི་ནི།། སྔོན་གྱི་རྒྱལ་བ་རྣམས་ཀྱིས་བཤད།། བདེ་གཤེགས
11b2 སྙིང་པོ་བྱང་ཆུབ་ལ།། དགོངས་པ་འདི་ལས་གང་མི་མངའ།། ལྟ་བ་དེ་དང་ལྡན་བཞིན་དུ།། དམ་ཚིག་ནམ་མཁའ་ལྟ་བུ་ལ།། བསྲུང་དང་མི་བསྲུང་ཕྱོགས་དང་བྲལ།། འདིའོ་ཞེས་ནི་བསྲུང་དུ་མེད།། བསྲུང་བའི་རྣམ་གྲངས་ཇི་སྙེད་ཅིག། དུས་གསུམ
11b3 རྒྱལ་བས་གསུངས་མོད་ཀྱང་།། བསྲུང་བའི་མདོ་ནི་གཅིག་ཏུ་འདུས།། ནམ་མཁའ་ལྟ་བུའི་རྣལ་འབྱོར་བསྡུ།། ནམ་མཁའ་འདྲ་བའི་དམ་ཚིག་བསྲུང་།། ད་ཡང་བསྲུང་དུ་མེད་ན་བདེ།། བཞན་པ་ཐེག་པ་ཆུང་བ་རྣམས།། བསྲུང་བའི་མཚམས་དག་བསྲུངས
11b4 ནས་ནི།། སྐྱོན་ཡོན་ཆོས་ལ་བླང་དོར་བྱེད།། བསྲུང་དང་བྲལ་བའི་ཆོས་རྣམས་ནི།། བསྲུང་དུ་མེད་པས་དེ་བཞིན་གཞག། དེ་བཞིན་པ་ཡི་དམ་ཚིག་ལ།། ཇི་བཞིན་པ་ཡི་བྷྱོ་གཞག་སྟེ།། བརྗེད་པ་མེད་པའི་སེམས་ཉིད་ཀྱིས།། བསྲུང་བ་མེད་པའི་ངང་དུ་བསྡུམ།།
11b5 བསྲུང་མེད་ནམ་མཁའི་དམ་ཚིག་འདི།། ཇི་ལྟར་གྲུགས་པའི་རང་བཞིན་ལ། སྡོམ་དང་ཚུལ་ཁྲིམས་སོ་སོར་སྣང་།། བྱིས་པ་རྣམས་ནི་ཐ་ཚིག་སྡོམ།། བདེན་གཉིས་རྒྱལ་སྟོན་པར་གྲགས།། བླ་མེད་མཆོག་ལ་དམ་ཚིག་སྤྱོད།། གཅིག་གི་དོན་ལས་མ་གཡོས
11b6 ཀྱང་།། འདུལ་དབང་ངོ་ལ་སོ་སོར་གྲགས།། ཁོ་ན་ཉིད་ལྡན་དམ་ཚིག་མཆོག། དེ་དང་གང་ལྡན་དམ་པ་སྟེ།། དེ་ལས་འདས་ན་འཚིག་པར་འགྱུར། དེ་ཕྱིར་དམ་ཚིག་ཆེན་པོ་ནི།། ནམ་མཁའ་འདྲ་བར་དཔའ་བོས་བཤད།། རྒྱལ་བ་དཔའ་བོ་ཐམས་ཅད་ལ།།
11b7 དམ་ཚིག་འདི་ལས་ཡོད་མི་མངའ།། སྤྱོད་པ་དག་གི་ཁྱད་པར་ཡང་།། ཆོས་ཉིད་བྱ་བཙལ་ཀུན་བྲལ་ལ།། བསྒྲུབ་དང་སྒྲུབ་པའི་དམིགས་པ་མེད།། འཁྲུལ་པ་གཅོད་པའི་སྐྱེ་བོ་དག། དམིགས་མེད་བྱང་ཆུབ་བདེ་ཆེན་ལ།། སྡུག་བསྔལ་རྩོལ་སེམས
iiif viewer powered by OpenSeadragon
