| e-texts navigator |
| Wylie |
114b1 ཀྱང་སེམས་ཀྱི་དཀྱིལ་འཁོར་མོག་མོག་པོར་གྱུར་ཏོ།། ཆོས་འདི་པར་ཕྱོགས་པ་རྣམས་ནི་མདངས་ནག་པོར་གྱུར་ཏོ།། བདུད་ཀྱི་ཆ་འཛིན་ཅིང་གཞན་གྱི་སྡེ་པ་རྣམས་ནི་བཞིན་གྱི་དཀྱིལ་འཁོར་དཀར་པོར་གྱུར་ཏེ་ཀུན་ཀྱང་ཀྱལ་ཀའི་ཚིག་སྤོགས་པར་གྱུར་ཏོ།། དེ
114b2 ནས་ལོ་བརྒྱད་དང་བཅུ་གཉིས་འདས་པ་ན་དམ་པའི་རིགས་ཅན་སེམས་དཔའ་ཆེན་པོ་དག་ནང་དུ་ཡང་དག་འཇོག་ལས་ལངས་པ་དང་། འཇིག་རྟེན་གྱི་སྟོན་པ་ནུབ་པར་གྱུར་པས་རྨག་ཆད་པར་དུས་ནས་ཀུན་ཀྱང་རང་རང་གི་མངོན་པར་ཤེས་བྱས་ལད་ཀའི་ཡུལ་གྱི
114b3 གྲོང་རྡལ་གྱི་མཚོ་གླིང་རི་མ་ལ་ཡ་ག་ནམ་ལྕགས་ཡོད་པའི་རྩེ་ལ་རྫུ་འཕྲུལ་གྱི་བྱ་བས་མངོན་པར་རབ་ཏུ་འདུས་སོ།། ཡོངས་སུ་འདུས་ནས་འདུས་པ་དེ་ཀུན་ཀྱང་མགྲིན་གཅིག་ཏུ་ཤིན་ཏུ་ཉམ་ཐག་པའི་ང་རོས་སྨྲེ་སྔགས་ཀྱི་གདུང་བ་བཏོན་པ་ནི་འདི་ལྟ་སྟེ། ཨེ
114b4 མའོ་ཀྱི་ཧུད་ཨེ་མའོ་བློང་།། སྟོན་པའི་སྒྲོན་མའི་འོད་ནུབ་ན།། འཇིག་རྟེན་མུན་པ་གང་གིས་སེལ།། ཚད་མའི་ཞལ་དེ་མི་བཞུགས་པས།། ཚད་མས་གསུངས་པའི་བསྟན་པ་ལ།། འཇུག་པར་འཚལ་བའི་འགྲོ་བ་རྣམས།། ལོག་པར་འཇུག་པར་མི་འགྱུར
114b5 རམ།། ཚད་མར་དམ་བཅས་གང་ཟག་གིས།། ངེསྔ་མ་རྙེད་པའི་གང་ཟག་ལ།། ཕན་པར་བྱ་ཕྱིར་བཀའ་བཀྲོལ་བས།། གཏན་ལ་ཕེབས་པར་འགྱུར་ཞིག་གུ།། ལེགས་ཉེས་འབྱེད་པའི་སྤྱན་ཟུམ་པས།། བཀའ་ཉིད་ཁྱད་དུ་གསོད་པ་ཡི།། སྐྱོན་གྱི་སྤྱི
114b6 གཙུག་མཐར་ཕྱིན་པས།། ལོག་སྟོབས་འཕེལ་བར་མི་འགྱུར་རམ།། ལོག་པའི་བསྟན་པའི་སྤྲིན་འཁྲིགས་པས།། བདེན་པ་གཉིས་ཀྱི་ཉི་ཟླ་ནུབ།། འགྲོ་བ་གང་ཞིག་ལམ་ཚོལ་བ།། མུན་པར་འཁྱམས་པར་མི་འགྱུར་རམ།། སྟོན་པ་མྱ་ངན་འདས
114b7 འོག་ཏུ།། བདུད་དང་སྲིན་པོ་མུ་སྟེགས་དང་།། གནོད་སྦྱིན་འབྱུང་པོ་མི་མ་ཡིན།། མ་རུངས་གདུག་པ་སུས་འདུལ་འགྱུར།། དྲི་མེད་བསྟན་པའི་བདུད་རྩི་འདི།། ནུབ་ན་ཤིན་ཏུ་མ་རུང་ན།། རྩལ་དང་ལྡན་པ་སུ་ཞིག་གིས།། འབར་ཞིང་སྣང་བར་བྱེད་པར་འགྱུར།།
iiif viewer powered by OpenSeadragon
