| e-texts navigator |
| Wylie |
52a1 བཅོམ་ལྡན་འདས་ཀུན་རིག་རྒྱལ་པོ་ལ་ཕྱག་འཚལ་ལོ།། འདི་སྐད་རྟོགས་པའི་དུས་གཅིག་ན།། མཁའ་ཀློང་རྣམ་དག་ཆོས་ཀྱི་དབྱིངས།། ཀུན་བཟང་ཡངས་པ་སྐྱེ་མེད་ཀློང་།། ཡེ་ཤེས་ལྔ་རྫོགས་འོད་ཟེར་འགྲོ།། རྡོ་རྗེས་མ
52a2 དཔང་འདུས་མ་བྱས།། ཨེ་མ་དོ་མཚར་རྨང་བྱུང་གཙུག། དེ་ནས་རྡོ་རྗེ་སེམས་དཔའ་ཡིས།། བཅོམ་ལྡན་འདས་ལ་འདི་སྐད་གསོལ།། ཀུན་གཞི་རྩད་ནས་ཅི་ལྟར་གཅད།། ཤེས་བྱའི་སྲས་ཐག་གཅད་པ་ཅི།། རིག་པའི་གནད་ནི་གང་དུ
52a3 བསྡུ།། བཅོམ་ལྡན་འདས་ཀྱིས་བཀའ་སྩལ་པ།། གདོད་ནས་མ་སྐྱེས་སྙིང་པོ་ཨ།། འགྲོ་བ་ཀུན་ལ་རང་བཞིན་གནས།། མ་རིག་ལས་དང་རླུང་གིས་འཁོར།། རྟོགས་ན་རྫོགས་སངས་རྒྱས་སུ་ངེས།། ཨེ་མ་རྡོ་རྗེ་སེམས་དཔའ་ཉོན།། བརྒྱ
52a4 བས་ཕྱི་རྒྱ་རླབས་ཀྱིས་གཅད།། ཏིང་ངེ་འཛིན་ལ་འབྱུང་འཇུག་མེད།། གཉིས་མེད་རྗོང་ན་ཡངས་པའི་ཆུ།། ཀུན་ཏུ་བཟང་པོ་བདེ་ཆེནས།། ཨེ་མྲ་སེམས་དཔའ་རྡོ་རྗེ་ཆེ།། ཐམས་ཅད་དང་རིག་བྱང་ཆུབ་སེམས།། ནམ་མཁའ་བཞིན་དུ
52a5 སྤྲོས་དང་བྲལ།། སྣ་ཚོགས་རང་བཞིན་མི་གཉིས་ཚེ།། ཐིག་ལེར་རྫོགས་པས་མཚོན་དུ་མེད།། ཨེ་མ་ཀུན་བཟང་བཅོམ་ལྡན་ཆེ།། སྐྱེ་བ་མེད་པའི་ཆོས་ཉིད་ལ།། སྐྱེ་བའི་ཆོ་འཕྲུལ་ཅི་སྟེ་འོང་།། ཀུན་ལ་དེ་བཞིན་ཉིད་ཡོད་ན།། འབད་པ
52a6 མེད་པར་གྲོལ་བར་རིགས།། འཁྲུལ་པས་འཁོར་བ་ཇི་ལྟ་བུ།། རྟོགས་པའི་ཐབས་སུ་གང་ཆེ་ལགས།། ལྷ་བསྒོམ་སྤྱོང་རབས་བྱེ་ཟག་གང་།། ཐམས་ཅད་སེམས་ཉིད་ཤར་བ་ལ།། བར་དོ་ཞེས་པ་ཡོད་དམ་མེད།། རིག་པ
52a7 སྤོས་དང་བྲལ་བ་ལ།། བསྒོམ་དུ་ཡོད་པ་ཡིན་ནམ་མིན།། སྣ་ཚོགས་རང་བཞིན་གཉིས་མེད་ལ།། འབྲས་བུ་ཐོབ་ཏུ་ཡོད་དམ་མེད།། མཚོན་མེད་ཐིག་ལེའི་ཡེ་ཤེས་ལ།། ཐུགས་རྗེ་འབྱུང་ངམ་མི་འབྱུང་ལགས།། ནམ་མཁའ་དང
iiif viewer powered by OpenSeadragon
