| e-texts navigator |
| Wylie |
50b1 གསུམ།། དཔེ་དུ་བསྟན་པའི་འབྲེལ་པའོ།། དེ་བས་དེ་ཕྱིར་དེས་ན་གསུམ།། གང་ཡིན་དོན་དེ་དེ་མཐོང་ན།། གཏན་ཚིགས་བསྟན་པའི་འགྲེལ་པའོ།། དེ་ནས་དེ་ཡང་དེ་ལས་གསུམ།། རྒྱུ་འབྲས་བསྟན་པའི་འགྲེལ་པའོ།། དེ་ཡིན་དེ་མིན་ཡིད་ཆེས་ན།།
50b2 ཀྱི་འགྲེལ་པ་ཡིན་པར་བཤད།། འབྲུ་དང་ཡན་ལག་གཅིག་ལ་ཡང་།། དཔེ་དོན་དེ་ལྟར་ཡོད་པས་ན།། དེ་བཞིན་འབྲུ་ལག་ཀུན་ལ་བརྟག། དཔེ་དོན་རྒྱུ་འབྲས་འགྲེལ་པར་བཤད།། གཏན་ཚིགས་དོན་གྱི་འགྲེལ་པ་ནི།། ཡན་ལག་གང་གི།
50b3 དོན་འབྱུང་བ།། ཚིག་འབྲུ་ལས་ནི་དོན་དབྱུང་བྱ།། རྒྱུ་ཡི་ཚིག་དང་འབྲས་བུའི་ཚིག། དཔེ་ཡི་ཚིག་གམ་དོན་གྱི་ཚིག། རྟགས་སམ་གཏན་ཚིགས་གང་ཡིན་ཚིག། བརྟགས་ཏེ་དོན་དེ་དབྱུང་བར་བྱ།། གཏན་ཚིགས་དག་གི་འགྲེལ་པར་བཤད།།
50b4 འབྱེད་པར་བྱེད་པའི་འགྲེལ་པ་ནི།། སོ་སོ་དག་གི་ངོ་བསྟན་ནས།། སྡེ་དང་ཚན་དང་རིས་སུ་ཕྱེ།། འབྱེད་པར་བྱེད་པའི་འགྲེལ་པ་ཡིན།། ཆོས་ཀུན་རྩ་བ་གཅིག་བསྡུས་ནས།། སྤྲོས་པ་མེད་པའི་དོན་སྟོན་ན།། སྡུད་པར་བྱེད་པའི་འགྲེལ་པ་ཡིན།། ཚིག
50b5 དང་འབྲུ་ཡི་དོན་འདི་ནི།། ཚིག་བར་འབྲུ་ཡི་འགྲེལ་པར་བཤད།། འདྲ་དང་ཡོད་མིན་དོན་འདི་ནི།། དཔེ་དོན་རྒྱུ་འབྲས་འགྲེལ་པར་བཤད།། བརྟགས་ཏེ་གཏན་ཚིགས་དོན་འབྱིན་ན།། གཏན་ཚིགས་དག་གི་འགྲེལ་པར་བཤད།། སོ་སོའི་སྡེ
50b6 ཚན་རེས་འབྱེད་ན།། ས་གཅོད་པ་ཡི་འགྲེལ་པར་བཤད།། རྩ་བ་གཅིག་ཏུ་དོན་སྟོན་ན།། སྲུད་པར་བྱེད་པའི་འགྲེལ་པར་བཤད།། ཚིག་པར་འབྲུ་ཡི་འགྲེལ་པ་ཡིས།། ཚིག་དང་འབྲུ་དང་ཚིག་མཱི་འདུས།། འབྲུལ་ལྷག་མ་སཱི་ལས
50b7 ཏེ།། འབྲུ་འཇོམས་པ་ཡི་འགྲེལ་པར་བཤད།། དཔེ་དོན་རྒྱུ་འབྲས་འགྲེལ་པ་འདིས།། འདྲ་དང་ཡིན་མིན་དོན་བསྟན་ནས།། ཆོས་ལ་དེ་ནི་མིང་དུ་འདོགས།། ངོ་བོ་བསྟན་པའི་འགྲེལ་པར་བཤད།། གཏན་ཚིགས་དོན་གྱི་འགྲེལ
iiif viewer powered by OpenSeadragon
