| e-texts navigator |
| Wylie |
39b1 སྣང་བཞུགས་པའི་སྒྲོ་ཙམ་དུ།། དེ་ཉིད་རྟོགས་པ་མཁའ་ལྟར་ཤེས་པར་གྱིས།། འགྲོ་བ་རིགས་དྲུག་འཁྲུལ་པར་སྣང་བ་ཡང་།། དང་པོའི་ལས་ཅན་དག་ཏུ་ཤེས་པར་བྱ།། འདོད་ཡོན་ལྔ་སྟོད་གཞན་ལ་ཐུགས་རྔུས་བརླན།། དེས་ན་གང་ལྟར།
39b2 སྤྱོད་ཀྱང་བྱང་ཆུབ་སྤྱོད་པ་ཡིན།། ཤན་པ་སྨད་འཚོང་མཚམས་མེད་བྱེད་པ་དེ།། འཇིག་རྟེན་ཁ་ན་མ་ཐོ་སྤངས་པ་ཡིན།། དེ་ཉིད་ཡོངས་སུ་རྫོགས་པའི་བདུད་རྩི་སྟེ།། བདེ་བ་ཆེན་པོ་ཉིད་དང་དབྱེར་མེད་ཕྱིར།། རྣམ་པར་མི་རྟོག་སྙིང་པོ་ཞེས་ཀྱང་བྱ།། དེ་མ།
39b3 ཐམས་ཅད་རྒྱུད་ལ་སྦས་པ་མེད།། བླང་དོར་མེད་པ་ཉིད་དུ་སྤྱོད་རྣམས་ལ།། དེ་ཉིད་བཙལ་བ་མེད་པ་ཉིད་དུ་རང་བཞིན་གནས།། ཆོས་ཉིད་ཡུལ་ལ་འཇུག་པའི་བསམ་གཏན་འདི།། རྣམ་པར་མི་རྟོག་ཆོས་རྣམས་སྙིང་པོ་ཡིན།། སེམས་ཉིད་ཆོས་ཉིད་རྟོགས་པ
39b4 རྣམས་ལ་རྒྱུད།། ཅེས་བསྟན་ཏོ།། ཀྱེ་འདུས་པའི་ཚོགས་ཆེན་དེ་ཉོན་ཅིག། དུས་ལ་ཁྱད་པར་མེད་ངེས་པ།། སྡུ་བ་ད་ལྟ་ཕྱེ་བ་དུས་གསུམ་ནི།། བདེར་གཤེགས་ཡེ་ཤེས་ཐུགས་ལ་གཅིག་ཏུ་གས་པ།། སེམས་ཅན་བག་ཆགས་བསགས་པས
39b5 གསུམ་དུ་གནས།། གཅིག་པར་སྔ་ཕྱི་མེད་པར་གདོད་ནས་བྱུང་།། ཆོས་སྐུ་དུས་གསུམ་གཅིག་ཏུ་ཁྱབ་པའི་ཕྱིར།། ཆེ་བ་ཆོས་ཉིད་ཆེན་པོ་ཡེ་ཤེས་ནི།། མ་བཅོས་བདེ་བ་ཆེན་པོར་རང་བཞིན་གནས།། དེས་ན་དུས་ལ་ཁྱད་པར་མེད་པར་ངེས།། ཞེས་བྱ། བླ་མ
39b6 མཆོད་པར་ངེས་པ་ནི།། ཚོགས་དང་ཡེ་ཤེས་གང་ཟག་རྣམ་པ་གསུམ།། སྡེ་ཕྱི་མཉམ་པས་རིམ་པར་བཀོད་པ་མེད།། ཆོས་ཀུན་ཡོངས་སུ་གཅིག་པའི་གཏན་ཚིགས་ཀྱིས།། ཚོགས་དང་སངས་རྒྱས་གཅིག་པའི་བསྔོ་དང་བྲལ།། ཚོགས་ཀྱི་རྒྱན་ནི་འདོད་ཡོན་རྣམ
39b7 པ་ལྔ།། བཀོད་པ་མེད་པར་རང་བཞིན་བཀྲམ་པ་ཡང་།། ཡེ་ནས་རང་བཞིན་གནས་པས་དྲི་མ་མེད།། ཙས་བྱ། མཆོད་པ་འསྔོ་དུ་མེད་པ་ནི།། ཡེ་ནས་རང་བཞིན་གནས་པའི་ཚོགས་ཆེན་ཏེ།། ཡེ་ནས་ལྷུན་གྱིས་གྲུབ་པས་མེ་བཅཝོ་ཞིང་།། གཟུང་འཛིན་ན
iiif viewer powered by OpenSeadragon
