| e-texts navigator |
| Wylie |
376a1 བཟུང་བའི་བག་ཆགས་གཡོ་བྱེད་རླུང་དུ་བཟུང་།། བྱ་མ་ཆད་པ་ནམ་མཁའ་དག་ཏུ་བཟུང་།། བཟུང་བའི་བག་ཆགས་གོ་གྱེད་ནམ་མཔར་སྣང་།། དེ་རྣམས་རིགས་མཐུན་འདྲ་མཐུན་འདུ་བ་འདུས་པ་ཡིས།། འབྱུང་བ་རྣམ་ལྔ་ཁ་དོག་རྣམ་ལྔ་ཡང་།། བྱུང
376a2 དང་འབྱུང་དང་བྱུང་ནས་གནས་པ་ལ།། གཟུགས་དང་ཚོད་པ་འདུ་ཤེས་དང་།། འདུ་བྱེད་རྣམ་པར་ཤེས་པ་ཡང་།། འདྲ་ཞིང་དེ་ལས་འཁྲུལ་པ་ཡིན།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག་དོག་རྣམ་ལྔ་ཡང་།། འདྲ་གཞི་དེ་ལས་བྱུང་བ་ཡིན།། གཟུགས་དང
376a3 སྒྲ་དང་དྲི་དང་ངོ་།། རེག་ལ་སོགས་པའི་ཡུལ་རྣམས་ཀུན།། ཞིང་གཅིག་དང་ལས་འཁྲུལ་པའོ།། རིན་པོ་ཆེ་རྒྱས་པ་ཆེན་པོའི་རྒྱུད་ལས། འཁྲུལ་གཞི་རྩ་བའི་ལེའུ་སྟེ་ཉི་ཤུ་པའོ།། ། སྡུད་པའི་གསང་དབང་རྡོ་རྗེ་སེམས་དཔའ་དེས།། སྟོན་པའི་སྟོན
376a4 པ་ཀུན་ཏུ་བཟང་པོ་ལ།། བཅུད་དུ་གྲུབ་པའི་སྣང་བ་འདི་དག་ཀུན།། ཕོ་མོ་མ་ནིང་རང་ཆུད་སོ་སོ་དང་།། ལུས་གང་འཁྲུལ་པ་ག་ལྟར་འཁྲུལ་པ་ལགས།། སྟོན་པའི་སྟོན་པ་ཀུན་ཏུ་བཟང་པོ་དེས།། སྡུད་པའི་གསང་དབང་རྡོ་རྗེ་སེམས་དཔའ་ལ།། རང་བྱུང་ཡེ་ཤེས་ཡན
376a5 ལག་རིག་སྐྱེས་དེ།། སྔར་གཡོས་མ་མྱོད་གྱི་ཉིད་གཡོས་པ་ལས།། རིག་པ་དེ་ཉིད་འོད་དང་ཆས་པ་ལས།། རང་ལས་བྱུང་བའི་སྣང་བར་མ་རྟོགས་པར།། སྣང་བའི་འོད་ལ་ཡུལ་དུ་བཟུང་བ་ཡིས།། འོད་དེ་གཅིག་ཏུ་མཐོང་བས་གཟུགས་སུ་བཟུང་།། བཟུང་བ་རང་གིས་གཟུགས
376a6 ཅེས་བག་ཆགས་སྣང་།། འོད་ལས་ཉམས་སུ་མྱོང་བས་ཚོར་བར་བཟུང་།། བཟུང་བ་རང་གིས་ཚོར་བའི་བག་ཆགས་སྣང་།། འོད་དེ་མཚན་མར་མཐོང་བས་འདུ་ཤེས་བཟུང་།། བཟུང་བ་རང་གིས་འདུ་ཤེས་མཚན་མར་གསལ།། གསལ་བའི་བག་ཆགས་འདུ་ཤེས་ཉིད་དུ་སྣང་།།
376a7 འོད་དེ་ག་པོ་བར་མཐོང་བས་འདུ་བྱེད་ཉིད་དུ་སྤང་།། གཡོ་བའི་བག་ཆགས་འདུ་བྱེད་ཉིད་དུ་གསལ།། འོད་དེས་ཐམས་ཅད་བསྐྱེད་པས་རྣམ་པར་ཤེས་པར་བཟུང་།། བཟུང་བའི་བག་ཆགས་རྣམ་པར་ཤེས་པ་སྣང་།། དེ་ལ་ཞེན་པས་འདོད་ཆགས་དག་ཏུ་བྱུང་།། ཤིན་ཏུ་གསལ་བས་ཞེ
iiif viewer powered by OpenSeadragon
