| e-texts navigator |
| Wylie |
364a1 གནས་དང་ལམ་ཡང་ཐོབ།། ཞི་དང་ཁྲོ་ལ་སོགས་པ་ཡིས།། དཀྱིལ་འཁོར་མ་ལུས་སྣ་ཚོགས་འཆང་།། ཆོས་སྐུ་ལོངས་སུ་སྤྲུལ་པའི་སྐུ།། གང་ལྟར་བཞིན་དུ་འཆར་བའོ།། སྐྱེ་མེད་ཀུན་ཏུ་བཟང་མོའི་མཚོན་དཔེ་ནི།། སྐྱེ་མེད་མཚོན་པའི་དཔེལས་འདས
364a2 པ་སྟེ།། བརྡའ་ཙམ་དག་གིས་མཚོན་པར་བྱ་བ་ནི།། ནམ་མཁའ་ཀུན་ལས་གྲོལ་བ་ཆོས་ཉིད་ནམ་མཁའ་ནི།། ཀུན་ཡང་འཆར་དུ་རུང་སྟེ་ཀུན་གྱིས་གོས་པ་མེད།། ཐམས་ཅད་ཐམས་ཅད་འཆར་བའི་དཔལ།། ནམ་མཁའ་ཆེན་པོའི་ཚུལ་དུ་གནས་པའོ།། སྐྱེ་མེད་ཀུན་ཏུ་བཟང་མོའི་རིགས
364a3 རྣམས་ནི།། སྐྱེ་མེད་དེ་ལ་བདེ་གཤེགས་གཟུགས་བརྟན་ཤར།། བདེ་གཤེགས་རྒྱལ་བ་དུས་སོ་སོར་སྣང་།། སྣང་བའི་དུས་ན་རང་བཞིན་སྐྱེ་བ་མེད།། རང་བྱུང་ཡེ་ཤེས་རིག་གསལ་སྐྱེ་མེད་དུ།། ཆོས་ཀྱི་དབྱིངས་ཀྱི་རང་བཞིན་སོ་སོར་གསལ།། གསལ་ཙམ་ཉིད་ནི་ཡེ་ཤེས་བྱེ་བ་མེད།།
364a4 སེམས་ཉིད་སྟོང་པ་རང་གསལ་སྐྱེ་མེད་དུ།། འགྲོ་དྲུག་རྣམས་ཀྱི་བག་ཆགས་སོ་སོར་གསལ།། གསལ་ཙམ་ཉིད་ན་སེམས་ཉིད་སྐྱེ་བ་མེད།། སྐྱེ་མེད་འགག་མེད་ཡེ་ནས་རང་བྱུང་དག། སྐྱེ་མེད་ཀུན་ཏུ་བཟང་མོ་སྐུ་ཡི་སྣང་ཚུལ་ནི།། རང་བྱུང་འདུས་མ་བྱས་པ་ཡིས།། རྒྱུ་འབྲས་གཉེན
364a5 པོ་ཡོད་མ་ཡིན།། ངོ་བོ་དབྱིངས་འགག་མེད་པ་ཡིས།། སྐུ་དང་ཡེ་ཤེས་སྣ་ཚོགས་སྣང་།། རྩལ་ཉིད་དུ་མར་ཤར་བ་ཡིས།། རིགས་རྣམས་སྦྲུལ་གྲུ་སོ་སོར་སྣང་།། ངོ་བོ་གོས་པ་མེད་པ་ཡིས།། གང་ལྟར་བྱས་ཀྱང་གོས་པ་མེད།། སྐུ་ཡི་རང་བཞིན་དེ་དག་ལས།། གང་ལྟར་བརྟགས་པ་ཉིད
364a6 དུ་ཤར།། དུས་མཐའ་མེད་པར་ཡེ་ནས་གནས།། འཕོ་འགྱུར་མེད་པར་སྤྱན་གྱིས་གྲུབ། དཀྱིལ་འཁོར་སྣ་ཚོགས་འཆར་བའོ།། སྐྱེ་མེད་ཀུན་ཏུ་བཟང་མོའི་གསུང་གི་རང་བཞིན་ནི།། ཁྱབ་པའི་གསུང་ནི་ནམ་མཁའ་ལྟ་བུ་སྟེ།། མ་བཅོས་རང་བྱུང་ནམ་མཁའ་ལྟ་བུ་ཉིད།། ཡོངས་ལ
364a7 ཁྱབ་པས་ནམ་མཁའ་ལྟ་བུའི་གསུང་།། གོས་པ་མེད་པས་ནམ་མཁའ་ལྟ་བུའི་གསུང་།། བཅོས་སུ་མེད་པ་ནམ་མཁའ་ལྟ་བུ་ཡིས།། འགག་པ་མེད་པས་ནམ་མཁའ་ལྟ་བུའི་གསུང་།། དབྱིངས་ལས་སྒྲ་བྱུང་སྐྱེ་བ་མེད་པའི་གསུང་།། གསུང་མཆོག་འདི་ནི་སྐྱེ་བ་མེད་པའི་གསུང་།
iiif viewer powered by OpenSeadragon
