| e-texts navigator |
| Wylie |
356b1 གསང་བདག་ཆེན་པོ་ལ་སེམས་དཔའ་རྡོ་རྗེས་ཞུས་པ།། དབྱེར་མེད་རང་བཞིན་ཇི་ལྟ་བུ།། འབྲས་བུ་ཡེ་ཤེས་དཀྱིལ་འཁོར་ཇི་ལྟ་བུ།། གསང་བདག་ཆེན་པོས་གསུངས་པ།། སྣང་བའི་ཆོས་ཀྱང་དེ་ལས་བྱུང་།། དངོས་དང་དངོས་མེད་གཉིས་སུ་མེད།། གསལ་དང་སྟོང་པའི་མཐའ་མི
356b2 འཛིན།། གཉིས་མེད་སེམས་ཀྱི་ངང་དུ་བདེ།། དེས་ན་གཉིས་མེད་བྱང་ཆུབ་སེམས།། ཆོས་རྣམས་ཡེ་ནས་གཉིས་སུ་མེད།། ཆོས་ཀུན་དེ་ལ་གང་མི་འགྲུབ།། རྟོག་དཔྱོད་འདས་པའི་བྱང་ཆུབ་སེམས།། མ་ཕྱེ་མ་བཀོལ་མི་གནས་པ།། རྩོལ་བྲལ་བསྒྲུབ་མེད་དོན་པོ་ཆེ།།
356b3 རིན་ཆེན་ནོར་བུའི་དགོངས་པ་བཞིན།། བལྟ་བ་བསྒོམ་དུ་མེད་པ་ཡིན།། དམ་ཚིག་བསྲུང་དུ་མེད་པ་ཡིན།། ཕྲིན་ལས་བཙལ་དུ་མེད་པ་ཡིན།། ཤེས་རབ་རང་བྱུང་སྒྲིབ་མེད་ཡིན།། ས་ལ་སྤྱང་དུ་མེད་པ་ཡིན།། ལམ་ལ་བགྲོད་དུ་མེད་པ་ཡིན།། ཕྲ་བ་གཟུང་འཛིན་མེད་པ
356b4 ཡིན།། རྒྱུད་ཀྱི་རང་བཞིན་འབྲེལ་པ་ཡིན།། ལུང་ཆེན་ཐོག་ཏུ་འབེབས་པ་ཡིན།། མན་ངག་དག་གི་ལ་ཡང་ཟློ།། ཆུ་ནི་དག་པའི་དབྱིངས་སུ་བལྟ།། འབྲས་བུ་ཡེ་ཤེས་དཀྱིལ་འཁོར་བལྟ།། མེད་པ་བྱལ་པ་གཅིག་ཏུ་ལྷུན་གྲུབ་བོ།། གང་འཐད་དབང་པོའི་ཡུལ་དང
356b5 བསྟན།། གཉིས་སུ་མེད་པའི་རང་བཞིན་ཡིན།། རིམ་མེད་ཅིག་ཆར་འཇུག་པའོ།། མ་བུ་གཉིས་སུ་མེད་པའི་ལམ།། ཟབ་ལ་གཏིང་དཔག་དཀའ་བའོ།། མ་དང་བུ་གཉིས་གཉིས་མེད་འབྲེལ།། མ་ནི་གཞི་ཡི་ལུང་གིས་སོ།། བུ་ནི་ཡེ་ཤེས་ལུང་དུ་བསྟན།། མ་ནི
356b6 དབྱིངས་སུ་དག་པར་བཟླའ།། བུ་ནི་ཡེ་ཤེས་ལ་ཡང་བཟླའ། ཞེས་གསུངས་སོ།། གསང་བ་སྤྱི་རྒྱུད་ལས། དབྱེར་མེད་བསྟན་པའི་ལེའུ་སྟེ་བཅུ་དྲུག་པའོ།། །། དེ་ནས་གསང་བདག་ཆེན་པོ་ལ་སེམས་དཔའ་རྡོ་རྗེས་བལྟ་བའི་རང་བཞིན་ཇི་ལྟ་བུ་ཞུས་པར། གསང
356b7 བདག་ཆེན་པོས་གསུངས་པ།། དྲི་མེད་རང་བྱུང་བལྟ་བའི་མཆོག། སྐྱོན་མེད་པདྨའི་རང་བཞིན་ཏེ།། གང་གི་རྣམ་པའི་འདོད་པ་བྲེལ།། འཛིན་པ་ཐམས་ཅད་ངང་གིས་མེད།། ནམ་མཁའི་མཐོང་ས་ལྟར་ཅི་ཡང་མེད།། རང་བྱུང་བ་དེ་ཆེན་ཆོས་ཉིད་དོ།། བྱ་བཏང་འཛིན་སེམས་མེད།
iiif viewer powered by OpenSeadragon
