| e-texts navigator |
| Wylie |
348b1 འཁོ་གསུམ་གྱིས་བསྐོར་ཏེ། བསྟན་པ་གསམ་རྒྱདོན་ལ་བཀོད་དོ།། དེ་ནས་སྟོན་པ་གསང་བདག་ཆེན་པོས།། ཆེད་དུ་བརྗོད་པ་འདི་ཆེད་དུ་འརྗོད་དོ།། གང་ཡང་ཐུབ་པ་མེད་པའི་ངང་།། མིང་གི་ཐ་སྙད་གྲུབ་པ་མེད།། སྣང་བ་གསུམ་གྱི་རང་བཞིན་ལས།། སྟོན་པ་གསུམ
348b2 ཀྱི་ངོ་བོར་ཤར།། གདུལ་བྱའི་ཞིང་ལ་སོ་སེར་སྣང་།། སྲུ་དང་གསུང་ཐུགས་རིམ་པ་ཡིས།། རང་རང་མོས་པ་སོ་སོར་ཤར།། ཡི་གེ་མེད་སྣང་གསུང་ཚིག་གིས།། གང་འདོད་འབྲས་བུ་སོ་སོར་སྣང་།། ཁམས་གསུམ་གནས་པའི་སེམས་ཅན་རྣམས།། ཆུ་དང་ལོག་གཅོད
348b3 ཐབས་བྲལ་བས།། རྒྱུད་དྲུག་འཁོར་བའི་ནང་དུ་འཁྱམས།། མ་ངག་མ་རྟོགས་མ་ཤེས་པས།། ཡུན་རིང་སྡུག་བསྔལ་སོ་སོར་སྤྱོད།། ཅེས་གསུངས་སོ།། དེ་སྐད་བརྗོད་པའི་མཐུས་འཁོར་གྱི་ནང་ནས་སེམས་དཔའ་རྡོ་རྗེ་དེས་སྟོན་པ་ལ་ཞུ་བའི་དོན་ཞུས་པ།། བདག་ལ
348b4 སོགས་པའི་འཁོར་རྣམས་ཀྱིས།། སྟོན་པའི་རང་བཞིན་ཇི་ལྟར་རྟོགས།། རྒྱུད་དྲུག་སེམས་ཅན་ཐམས་ཅད་ཀྱིས།། དང་པོ་མ་རྟོགས་ཇི་ལྟར་འཁྲུལ།། དེ་ལས་གྲོལ་ཐབས་ཡོད་དམ་མེད།། ཞུས་པས། གསང་བདག་ཆེན་པོས་ལན་གསུངས་པ།། མཉམ་ཉིད་དང་།
348b5 བཞིན་ལྷན་གྲུབ་ལུས།། ཡེ་ཤེས་མཁའ་ལ་འདེགས་པའི་རླུང་།། རང་གསལ་རིན་པོ་ཆེ་ཡི་སྦུབས།། ཟེར་རྩལ་མ་འགགས་སོ་སོར་ཤར།། རྟོགས་ལུགས་སྣང་བ་བདུན་དུ་སྣང་།། རང་བཞིན་སྣང་དང་གདུལ་བྱ་སྟེ།། མཐར་ཐུག་འབྲས་བུ་གསུམ་གྱིས་མུ།། ཐུགས
348b6 ལས་འབྱུང་བ་བཅུད་ཀྱིས་སུ།། དྲན་སེམས་འགྲུ་བ་ཀུན་དང་བྲལ།། བདེ་བ་རང་སྣང་འཛིན་སེམས་མེད།། ཐེག་པ་ཀུན་གྱི་བླ་མེད་མཆོག། དབང་པོ་ཀུན་རྐྱེན་མི་སྣང་ན།། མི་འཛིན་མི་སྣང་རྐྱེན་དང་བྲལ།། གཙོ་མ་བཞིན་ཏེ་བཅོས་བསླད་མེད།། སྙིང་པོ་འདོད་པ
348b7 མེད་ན་གསལ།། དྲི་མ་འཁྲུལ་རྟོག་ངང་གིས་མེད།། ཡེ་ཤེས་རང་ལུགས་རང་གིས་བདེ།། སྟོན་པ་གསུམ་གྱི་ངོ་བོ་དང་།། དུས་གསུམ་སངས་རྒྱས་ཐམས་ཅད་ལ།། དགོངས་པ་དེ་ལས་ཡོངས་མི་མངའ།། ཡང་ཞུས་པ། སྟོན་པའི་དགོངས་པ་དེ་ལྟ་ན།། འགྲོ
iiif viewer powered by OpenSeadragon
