| e-texts navigator |
| Wylie |
333a1 བདག་གཞན་མེད་དེ་འཆི་འཕོ་མེད་ཕྱིར་རྟག་ཆད་མེད།། དེས་ན་འཁྲུལ་འཁོར་མེད་ཅིང་མྱ་ངན་འདས་པའང་མེད་པར་མངོན།། གནས་ཀྱི་སྐད་ཅིག་རྣམས་ཀྱང་མི་འབྲལ་དེ་ཆོ་མཉམ་འགྱུར་དེ་མེད་མེད།། ཡང་དག་མ་ཡིན་རྟོག་པས
333a2 བསྐྱེད་ཕྱིར་བག་ཆགས་ཡོད་པ་མ་ཡིན་དང་།། སྤྱོད་ཡུལ་མེད་ཕྱིར་ཀུན་གཞི་མེད་ཅིང་རྣམ་རིག་དེ་ཡང་མེད་པ་ཡིན།། ཕྱོགས་རྣམས་མེད་ཕྱིར་དམིགས་དང་གནས་མེད་རྣམ་ཤེས་རིག་པ་ཇི་ལྟར་སྐྱེ།། དེ་ཕྱིར་སེམས་འདི་ཡོད་མེད་མཐའ་ལས་འདས་ཤིང་གཅིག
333a3 དང་དུ་མ་བྲལ།། སེམས་ནི་ནང་ན་མི་གནས་ཕྱི་རོལ་མི་གནས་པར་ན་གནས་མ་ཡིན།། ཐམས་ཅད་ཀུན་ལ་མཉམ་གནས་དེ་ཉིད་དང་ནས་གཡོས་པ་མེད།། ནམ་དག་ལམ་ཆེན་སེམས་ཉིད་རྡོ་རྗེ་འདི་ནི་ཤེས་བྱ་ཉིད་དེ་ཐམས་ཅད་སྐྱེ།། ཅིར་ཡང་མི་དམིགས་ཀུན་ཏུ་འོད
333a4 གསལ་སྙིང་པོའི་ཚུལ་ཏེ་ཡན་ལག་རྒྱས།། ཡེ་ནས་གནས་པའི་དེ་བཞིན་ཉིད་ནི་རང་རིག་རྣམ་པར་དག་པ་སྟེ།། དེ་ཉིད་ཡུམ་གྱི་མཁའ་སྟེ་མི་འགྱུར་གནས་པས་དེ་བཞིན་སེམས་ཞེས་བྱ།། སེམས་ནི་མཚན་མར་མ་ཡིན་ཐམས་ཅད་འབྱུང་བས་དབྱིངས་ཀྱང་ཡིན།།
333a5 མཐའ་དང་དབུས་མེད་མི་རྟོག་རྟོག་ལས་འདས་པས་ཆོས་སྐུར་བཤད།། དེ་ཉིད་འཕགས་པའི་ཚོགས་སུ་ཡེ་ནས་གསལ་བས་ཡེ་ཤེས་ཚོགས་ཆེན་པོ།། ཅིས་ཀྱང་མི་བསྒྲིབ་མི་ཤིགས་མི་སྣང་བ་ལས་ཐམས་ཅད་སྣང་བས་ཀུན་གཞི་ཡིན།། སེམས་ཀྱི
333a6 གཏིང་འདི་མཐོང་ན་སེམས་ལས་མ་གཏོགས་ཆོས་རྣམས་གང་ཡང་མེད།། མཆོག་ཏུ་རྨད་བྱུང་ངོ་མཚར་ཁྱད་པར་ཡུལ་འདི་ཀུན་གྱི་སྨན་ཆེན་ཡིན།། ཤེས་བྱ་དེ་བཞིན་ཉིད་ལ་རང་རིག་རེག་བྱེད་རང་ཞིང་འགྲོ་རུ་གཞུག། རང་སྡིག་དེ་ཡང་དེ་ལས་བྱུང་ནས་དེ་ལ་གནས་པས་གནས
333a7 པ་དེ་ཀར་བཞག། ལམ་གཞན་ཇི་ལྟར་བགྲོད་ཀྱང་གྲུབ་མཐའ་དེ་ཉིད་ཡིན།། དེ་ཕྱིར་ཀུན་གྱི་འཐུང་ཁུངས་དེ་ནི་གྲུབ་མཐའ་འབྲས་བུ་ཡིན།། ཐམས་ཅད་རང་གིས་འཆར་བས་ནམ་མཁའི་ཚུལ་དུའང་ག་ནས།། འདི་ནི་ཀུན་གྱི་དམིགས་ཀྱི་ཡིན་ཏེ་གཞན་ལོ
iiif viewer powered by OpenSeadragon
