| e-texts navigator |
| Wylie |
325b1 ཡིས།། མ་བཅོས་སྙིང་པོ་བྱང་ཆུབ་སེམས་མི་རྟོགས།། གང་ལ་ཞེན་ཅིང་བརྟག་པ་དེ་བཏང་ལ།། གཉིས་མེད་གཉིས་འཛིན་རྟོག་པས་མ་འཆིང་ཞིག། མ་བསམས་རང་བཞིན་བཞག་པས་སྒྲིབ་པ་འབྱུང་།། མུན་པ་ཡེ་ནས་དག་པས་བསལ་མི་དགོས།། ལྷན་གྱིས་གྲུབ་པས
325b2 གཞན་ལ་གསོལ་མི་འདེ་བས།། རང་ལ་རྫོགས་པས་མི་བསྙེག་མི་བགྲོད་དེ།། མ་བྱས་རང་བཞིན་གནས་པས་འདི་ཉིད་རྫོགས།། བྱ་བ་མི་དགོས་མི་བཙལ་མི་བསྒྲུབ་ཅིང་།། དགེ་སྡིག་མི་འབྱེད་ཡེ་ནས་གོས་པ་མེད།། མ་ཆགས་ཐབས་ཀྱི་སྤྱོད་པ་ཀུན་སྦྱར་ནས།། ཉེས་མེད
325b3 རྒྱལ་བའི་ཞིང་ཁམས་རྨད་དུ་བྱུང་།། རང་བྱུང་གསལ་བའི་སྙིང་པོ་ཐམས་ཅད་རྫོགས།། གང་ཡང་མ་བཀག་འགྲོ་བ་འདུལ་མཛད་པའི།། གང་ལྟར་ཡིན་པའི་རང་བཞིན་དེ་ལྟར་གནས། འོད་གསལ་རང་བྱུང་སེམས་ལ་གཉིས་མེད་པས།། དཔྱད་དང་བསྒོམ་རྩོལ་མ
325b4 ལུས་འཁྲུལ་པ་ཡིན།། མ་བཙལ་ལྷུན་གྱིས་གྲུབ་པའི་མཛད་སྤྱོད་དོ།། རང་བྱུང་རྫོགས་པའི་སྙིང་པོ་འདི་རིག་ན།། སྒྲིབ་དང་མི་སྒྲིབ་ཅིས་ནི་ཡོངས་མ་གསུངས། སྙིང་པོ་དོན་གྱི་རྒྱུད་ལས། བདེ་མཆོག་ཕྱག་རྒྱ་ལ་སྤྱད་པའི་ལེ་འུ་སྟེ་དྲུག་པའོ།།
325b5 དེ་ནས་ཡང་བཅོམ་ལྡན་འདས་རིག་པའི་རྒྱལ་པོ་དེས། མ་བྱས་རང་བཞིན་རྫོགས་པ་ཞེས་བྱ་བ་འདི་གསུངས་སོ།། སེམས་ཉིད་རང་བྱུང་ལེགས་པར་ཉིད་དབང་སྒྱུར།། རང་བྱུང་ཀློང་གང་ལ་ཀུན་ལ་དབང་ཐོབ་པས།། ལེགས་པའི་རྒྱལ་པོ་ལྷུན་རྫོགས་བདེ་ཆེན་དབང་།
325b6 བསྐུར་ཐོབ་རག་མ་ལས་པ་དབང་གི་ཀློང་།། རང་སེམས་རྫོགས་པ་ཡོངས་རྫོགས་གསལ་འགྱུར་བས།། ཕྱག་རྒྱའི་དཀྱིལ་འཁོར་དབང་ལ་རག་མ་ལས།། མ་བརྗོད་སྙིང་པོའི་ངང་ལ་ཀུན་རྫོགས་པས།། སྔགས་ཚིག་བདེ་བའི་དབང་ལ་ལྟོས་པ་མེད་།། མཚན་མ་ཀུན་བྲལ
325b7 རང་སེམས་རྫོགས་པ་ལ།། རྫས་དང་ཏིང་འཛིན་དོན་ལ་རྩོལ་བ་མེད།། རྒྱལ་ཐབས་སྤྱི་བླུགས་ཚངས་པའི་དབང་ཆེན་གྱིས།། མ་བསྐུར་རང་བཞིན་རྫོགས་པ་འདི་རྟོགས་པས།། དབང་མཆོག་ལྷུན་གྲུབ་པདེ་ལ་གནས་པར་འགྱུར།། རིག་པའི་རྒྱལ་པོ་ཀུན་ལ་དབང་འཕྲུ
iiif viewer powered by OpenSeadragon
