| e-texts navigator |
| Wylie |
322b1 སེམས་ལྷུན་གྲུབ་སྙིང་པོ་ནི།། ཉམས་མྱོང་རིག་པ་དཔེ་བཞིན་ལྟར་།། འོད་གསལ་འདུ་ཤེས་རྣམ་བྲལ་བས།། རང་གསལ་རིག་པ་དབྱིངས་ལ་རྫོགས།། བརྒྱུད་པ་ཐབས་ཀྱི་འཕྲུལ་ཚིག་གིས།། རང་བྱུང་འོད་གསལ་བདེ་ཆེན་ལ།། གཉིས་མེད་དོན་ལས་མེ་གཡོ་ཡང་།།
322b2 མ་བཙལ་ལྷུན་གྱིས་གྲུབ་པའི་མཚོན།། ཐམས་ཅད་རྟོགས་པའི་ཐབས་ཡིན་པས།། གང་ལྟར་བདེ་བའི་དོན་ལ་འཛུད།། མཐུན་འདུག་སྤྱོད་པ་རྒྱ་མཚོ་ནི།། འདུལ་བའི་ཐབས་ལ་བསྟན་པ་ཡིན།། རིམ་པ་འམ་དུས་གཅིག་ཁྱད་པར་ནི།། རྟོགས་པའི་ཁྱད་པར་ཆེ་ཆུང
322b3 གིས།། དངོས་པོ་གཅིག་ལ་དབྱེ་བ་མིན།། གཉིས་མེད་དོན་དུ་གསལ་བར་གཅིག། འདུལ་ཐབས་ཐེག་པ་བྱས་མ་ཡས་པ།། རང་བྱུང་ཐེག་པའི་སྙིང་པོར་གཅིག། རང་བྱུང་རིག་པ་མཐུན་པ་མེད།། བཏན་པ་རྒྱ་མཚོ་ཐུགས་ལ་རྫོགས།། དངོས་དེ་ཐབས་ཀྱིས་མ
322b4 མཚོན་ན།། རང་བྱུང་གཅིག་གིས་ཁྱབ་གནས་ཀྱང་།། རྒྱལ་པོའི་ཕྲུག་གུ་འཁྱམས་པ་ལྟར།། རང་གི་མཚན་ཉིད་མ་རྟོགས་སོ།། འདི་ལྟར་རང་བཞིན་གཅིག་པ་ལ།། བསམ་པའི་སྟོབས་ཀྱིས་སོ་སོར་ཕྱེ།། དོན་དང་འབྲེལ་བའི་ཕྲ་ཁྲིད་ཀྱིས།། བརྗོད་བྲལ་སེམས་ཀྱི་ཕྱག
322b5 རྒྱ་རྟོགས།། ངེས་པའི་དོན་ལ་དེ་མ་ཐག། སྐལ་ལྡན་འབད་པ་མེད་པར་གྲོལ།། བདེ་མཆོག་དོན་ལས་མ་འདས་པས།། མ་བཙལ་མཐར་ཕྱིན་སེམས་ཀྱི་ལམ།། རིམ་པ་མེད་པར་དུས་གཅིག་འཇུག། རིག་པ་སེམས་ཀྱི་རྩལ་རྫོགས་པས།། མ་བཙལ་ལྷུན་གྲུབ་ཕྱོགས་རིས
322b6 མེད།། གང་ལ་ཕྱོགས་རིས་རྩོལ་མེད་པས།། རང་བྱུང་ཕྱོགས་མེད་རང་གསལ་ལ།། རྒྱུ་མེད་རྐྱེན་མེད་བྱང་ཆུབ་སེམས།། མ་བསགས་ལྷུན་རྫོགས་དུས་གཅིག་རྫོགས།། རང་བྱུང་འོད་ཀྱིས་ཁྱབ་པར་གད་ལ།། ཐུགས་རྗེའི་བྱིན་རླབས་འགྲོ་འོང་མེད།། ཐེག་གཅིག་སེམས
322b7 ཉིད་རྫོགས་ལུང་ལ།། མ་ལུས་དྲི་མེད་རྣམ་དག་ལ།། མ་ལུས་བྱ་རྟིན་མུན་གྱིས་གྲུབ།། མ་བཅོས་མ་བཙལ་ལྷུན་གྱིས་གྲུབ།། འཇུག་སྟོང་མི་གནས་བསམ་པས་སྟོངས།། མ་ཞི་རང་བཞག་གྲོལ་བའི་ལུང་།། གང་བསླད་རྣམ་རྟོག་རྩོལ་བས་བཅིངས།། རྒྱུ་བ་རབ
iiif viewer powered by OpenSeadragon
