| e-texts navigator |
| Wylie |
293b1 པདུ་ཞིན་དབྱིངས།། དབྱིངས་དང་དབྱིངས་རོལ་མནམ་ཉིད་ལྡན་གནས་པས།། མྱ་དངདུ་ཕྲེང་མོར་སྦྱོར་བ་རོལ་བའི་མཆོག། དག་དང་སྡིག་ཏུ་མ་མཐོང་མ་རྒྱས་པས།། སྡིག་པ་སྦྱང་བས་དཀྱིལ་འཁོར་དཀྱིལ་འཁོར་ལྡན།། སངས་རྒྱས་རྣམ་པ་ནི།
293b2 ཡི་ཆོས་བཤད་པས།། ཐོག་མེད་འདུ་ཤེས་མི་བདེན་ཚོར་བ་བྲལ།། སྤྲུལ་པས་ཕ་རོལ་ཕྱིན་དྲུག་གསུང་བར་འགྱུར།། ཚིག་ཏུ་བཤད་པས་རྨང་བྱུང་དོན་མི་རྙེད།། ཡི་གེའི་མཆོག་ཉིད་ཡང་དགྲ་གསལ་བ་ཉིད།། ཡི་གེས་ཐིག་བཞིར་བརྟགས་པ་རྨད
293b3 བྱུང་ཉམས།། སྟོན་པས་བཤད་པ་དོན་རྟོགས་འཁྲུལ་པའི་ལམ།། ནད་མེད་པ་ན་སྨན་ཀྱང་མི་དགོས་ན།། ནད་ཀྱི་དོན་གྱིར་སྨན་དགོས་ཇི་བཞིན་དུ།། ཐེག་པ་གཞན་མེད་པ་ན་བླ་མེད་འདི།། བསྟན་ཀྱང་མི་དགོས་དེ་བཞིན་གཞིར་གནས་ན།།
293b4 བླ་མེད་ཐེག་ཀྱང་བླ་མེད་དག་ལ་སྣང་།། ཀུན་ཏུ་བཟང་པོ་ཡངས་པའི་རྒྱལ་པོས་ཀྱང་།། མ་གསུང་གསུང་དུ་བརྗོད་དུ་རྡུལ་ཙམ་མེད།། དོན་འདི་གང་ལ་སྣང་བ་ཚུལ་བའི་རྒྱལ།། དེ་ནས་རྡོ་རྗེ་འཛིན་པ་ཐེ་ཚོམ་ཤིན་ཏུ་ཆོད་ནས་ཡང་གསོལ་བའི་ཚིག་བཏབ
293b5 གྱི་བརྗོད་པ་འདི་བརྗོད་དོ།། རྨད་བྱུང་བདག་ཉིད་སེམས་ཅན་གྱི་མོའི་ཆོས།། དུས་གསུམ་སངས་རྒྱས་རྣམས་ཀྱི་སེམས་ཉིད་ནི།། རྨད་བྱུང་བྱང་ཆུབ་སེམས་ཀྱི་རང་བཞིན་ཏེ།། ནམ་མཁའི་སྟོང་པ་འདྲ་སྟེ་རྟར་ཡང་མེད།། མིང་ཡང་མེད་པས་སེམས་ལ
293b6 གནས་པས་ན།། སངས་རྒྱས་སངས་རྒྱས་ཞེས་སུ་རབ་ཏུ་གྲག། དཀའ་ཐུབ་དཀའ་བས་ལུས་གདུང་ཕྱག་བཙལ་ཀློག། འཆང་དང་འཛིན་པས་ཤེས་ཤིང་རྙེད་མིན་ཏེ།། རྨད་བྱུང་བྱང་ཆུབ་སེམས་ཉིད་རྙེད་པ་ནི།། སེམས་ཀྱི་རང་བཞིན་མ་ནོར་གསལ་ན་གོ།།
iiif viewer powered by OpenSeadragon
