| e-texts navigator |
| Wylie |
229b1 ཅད་ཕྱག་རྒྱས་བཏབ་ཀྱང་ཆེ་བ་གཅིག་གི་དང་།། ཆེ་བ་ལྔ་ལྡན་སྙིང་པོ་མེད་པའི་དོན་ཉིད་ནི།། སྤྱི་མཐུན་ལས་ཀྱིས་མི་བསྒྲིབ་གཡོ་མེད་རང་བཞིན་གནས།། ཡེ་ཤེས་རྣམ་གྲངས་བསམ་ཡས་དཔག་མ་ལངས།། ཡེ་ཤེས་ཉིད་ལས་གཞན་དུ་གཡོས་པ
229b2 མེད།། ནོར་བུ་རིན་ཆེན་ཚུལ་དུ་འབྱིན་པའི་རྒྱུ།། གང་ཡང་མི་སྐོར་མི་ལེན་ཐིག་ལེ་ཡོངས་ཀྱི་ལམ།། ཟླ་བ་ལྟ་བུར་རྣམ་གྲོལ་དམ་པའི་སྐུ།། ཕྱག་རྒྱ་ཆེན་པོའི་ངང་དུ་ཐམས་ཅད་བརྩོན་པར་གནས།། ཡེ་ཤེས་འོད་གསལ་སྟོང་སྨོན་མཚན་མེད་གསཔ།
229b3 སུས་ཀྱང་མ་བཅོས་ཐིག་ལེ་ཉིད་ལས་ཉམས་པ་ཡང་མེད།། གང་ཡང་དེ་ཡོད་པ་ལ་འཛིན་པའི་རྟོག་པ་ཡོད་ཕྱིར་བྱང་ཆུབ་མེད།། དེ་ཡིས་དེ་བྱས་བྱང་ཆུབ་དེ་ལས་ཉམས་ཏེ་དེ་མ་ཡིན།། དེ་ཡང་དེ་ཡི་སྐྱོན་ཅན་ཡིན་ཏེ་སུས་ཀྱང་བསྡུར་ཡིད་མེད།། མ་བསྡུས
229b4 དེ་བྱས་དེ་ཡོད་མིན་ཕྱིར་དེ་ཡང་མེད།། དེ་ལ་དེ་སྦྱར་བཙལ་བས་ནད་དུ་གྱུར་ཏེ་འགྲོ།། དེ་མ་ཐག་པ་རྣམས་ཀྱིས་དེ་བརྟགས་དེ་ལས་ཉམས།། དེ་ལ་སྙིང་པོ་གང་ཡང་མེད་དེ་རྩ་བ་སྟོངས།། དེས་སྨིན་འབྲས་བུ་ཡོད་པར་མི་འགྱུར་ས་བོན་དུལ།། དེ་གྱུར་པ
229b5 ན་ཐིག་ལེ་ཉིད་མེད་པ་སྟེ་སྟོང་པའི་སྟོང་པ་ཉིད་དེ་ཡེ་ནས་སྟོང་།། རྟག་ཆད་ཁྱད་པར་ཉམས་ཏེ་སྟོང་པར་གནས་པ་མིན།། དེ་ཉིད་ཡེ་ཤེས་བཞི་འབྲས་སྨིན་པའི་ཆུ་ནི་སྙིང་པོའོ།། དེ་ལྟར་ཡོངས་ཀྱི་བདག་ཉིད་ཐམས་ཅད་མཚུངས་པའི་ལམ།། སུས་ཀྱང་མ
229b6 འབྱིན་དེ་ནས་རང་བཞིན་ཐམས་ཅད་གནས།། དེ་ཉིད་བགྲོད་མེད་ལམ་དུ་སྙིང་པོ་དེ་མ་ཐག། རྒྱལ་བའི་ཡུམ་དེ་བྱང་ཆུབ་ཆེན་པོར་ཀུན་མཚུངས་ཀློང་།། རྣམ་པར་མི་རྟོག་མེད་པ་ཆོས་ཀྱི་སྐུ་ཡང་ཡིན།། རྫོགས་ཆེན་ཀུན་རྫོགས་ཁྱད་པར་གཉིས་རྫོགས
229b7 རྫོགས།། འཁོར་བ་མྱ་ངན་འདས་མེད་ཐིག་ཕྲན་ཡོངས་ཀྱི་ལམ།། བདག་མེད་ཕྱོགས་བྲལ་རྣམ་རྟོག་རྣམ་པར་ཟད།། ཁྱད་པར་གཅིག་ཏུ་མཚུངས་ཤིང་བྱ་བྱེད་རྣམ་པར་དག། བྱེད་སྤྱོད་རྣམ་སྤྱོད་ཐམས་ཅད་ཡེ་ནས་དག་པ་ཡིན།། དུས་དང་ཆུ་དང
iiif viewer powered by OpenSeadragon
