| e-texts navigator |
| Wylie |
223b1 འགྲོ་མི་ཤེས་པ་བཞིན། མཚན་བཅས་དང་མཚན་མེད་ལ་སེམས་བཟུང་བས་གང་དུ་ཡང་མི་འགྲུབ་སྟེ་ཤེས་པ་བརྩོན་དུ་བཟུང་བས་ཐིག་ལེ་དཁྱིལ་བའི་དོན་པར་རྣམས་པའོ།། ཨེ་མ་སྦྱར་བ་བདེ་བ་ཆེན་པོ་ལ་གདེང་ལྔ་དན་ཐོག་གཅིག་ཏུ་དྲིལ་བ་ཏེ། རིག་པའི་རྩལ་གྱིས་ནི་ཅིར་སྣང་སེམས་ཉིད་དང་སྣར་བ་གདེང་གིས
223b2 ཆེན་པ་དང་དྲུག་ཕྲད་ཀྱིས་ནི་སྣང་སྲིད་ཕྲག་ཚད་ཐམས་ཅད་ཆོས་ཉིད་དུ་རང་ཤར་བའི་གདེང་གིས་ཟིན་པ་དང་། གབ་པ་མངོན་དུ་ཕྱུང་བས་ནི་ཆོས་སུ་རང་ཤར་བའི་གདེང་གིས་ཟིན་པ་དང་རེ་ཞེས་ཟང་ཐལ་གྱི་རིག་པ་ནི་ཤར་ཡང་ངོས་བཟུང་མེད་པར་གདེང་གིས་ཟིན་པ་དང་། ལྷུན་གྲུབ་ཅོག་བཞག་གིས་ནི་ངོས་བཟུང་བར
223b3 སར་བྲལ་བར་གདེང་གིས་ཟིན་པ་སྟེ། དོན་ཀུན་ཏུ་བཟང་བའི་དགོངས་པ་ཆོས་སྐུ་རང་གསལ་གྱི་འབྲས་བུར་རང་གྲོལ་བའོ།། ཨེ་མ་ཧོ་ངོ་བོ་བདེ་བ་ཆེན་པོ་ཚོལ་བ་རྗེས་མེད་ཀྱིས་གང་དུ་ཡང་མ་རྙེད་པ་དངོས་པོ་མེད་པའི་གདེང་ངོ་།། དམིགས་པ་རྗེས་མེད་ཀྱིས་གང་དུ་ཡང་མ་དྲན་པ་འཛིན་པ་དང་བྲལ་བའི
223b4 གདེང་སྟེ། རྟོད་ཕུར་གྱིས་གང་ཡང་རུང་བ་ལ་ཟིན་པ་ནི། ཉམས་མྱོང་ཡིད་ཆེས་པའི་གདེང་ཡིན་ཏེ་གདེང་གསུམ་དབྱེར་མེད་པ་ནི་ཀུན་ཏུ་བཟང་པོའི་དགོངས་པ་སྟེ། གདེང་ལྔ་དོན་གྱི་ཐོག་ལས་གང་དུ་ཡང་མ་གཡོས་པའོ།། དགོས་ཆེད་དམིགས་པ་སྦྱོར་སོ་དང་། ཡིད་ཆེས་དང་། ཐག་ཆོད་དང་། ལ་བཟླ་དང་།
223b5 ཤན་འབྱེད་རང་གྲོལ་དོན་ལ་སྦྱོར་བ་ནི་འཁོར་ལོ་གཏིང་གི་གནད་ལ་བརྡེག་པའོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། གདམས་པའི་ལེའུ་སྟེ་དགུ་པའོ།། །། དེ་ནས་ཉིད་ཀྱི་རང་བཞིན་གྱིས་ཉིད་ཀྱི་ངོ་བོ་ལ་སེམས་ཉིད་ཡེ་ཤེས་སུ་འཆར་བའི་དོན་བསྟན་པ། སྣང་ཞིང་སྲིད་པའི་ཆོས
223b6 སུ་ཤར་བ་ཀུན་ཐམས་ཅད་རང་གི་ཡེ་ཤེས་ཀྱི་འབྱུང་འཇུག་ལ་འདུས་སོ།། འབྱུང་བ་ནི་སྣང་སྲིད་ལ་འཇུག་པ་ནི་ཐམས་ཅད་སེམས་ཀྱི་རང་བཞིན་ནོ།། སེམས་ཀྱི་སྟོབས་ལས་སངས་རྒྱས་ཀྱི་ཞིང་དུ་མ་བསྐྱེད་ནུས་སོ།། སྐུ་མི་ཟད་པ་རྒྱན་གྱི་འཁོར་ལོ་དང་།། གསུང་མི་ཟག་པ་རྒྱན་གྱི
223b7 འཁོར་ལོ་དང་། ཐུགས་མི་ཟད་པ་རྒྱན་གྱི་འཁོར་ལོའི་མཛོད་ཆེན་པོའི་རིག་པ་ལ་ཟད་མི་ཤེས་སོ།། རིག་པ་ནི་ནོར་བུ་བརྩེགས་པའི་ཁང་བཟང་ནས་ངེས་པའི་དོན་དང་། དོན་མ་ཡིན་པ་ཐམས་ཅད་མ་བཅོལ་བར་བྱུང་བའོ།། ཀུན་ལ་ཁྱབ་པས་ནམ་མཁའ་ལྟ་བུ་རིས་མེད་པ་ལས་དངོས་པོ
iiif viewer powered by OpenSeadragon
