| e-texts navigator |
| Wylie |
217a1 པ་ཆེན་པོའི་འབྲས་བུའོ།། དངོས་པ་མཚན་མ་མེད་པའི་ཆོས་ཉིད་ལ།། དམིགས་གཏད་གང་ལའང་བཅར་མེད་པའོ།། བསྟན་མད་ལུང་བྲལ་ཆོས་ཉིད་ནི།། རང་བཞིན་མ་བཅས་པ་ཡི་འདུ་འདྲ་སྟེ།། རང་ལས་བྱུང་བའི་ཆོ་འཕྲུལ་མི་འགག།
217a2 པ།། བདེན་རྫུན་ཤར་བའི་སྣང་བ་དང་།། ཐམས་ཅད་བདེན་མུན་མེད་པ་ཡི།། བྱང་སེམས་ཀུན་ཏུ་བཟང་པོའོ།། ཉག་གཅིག་གི་ཆོས་ཉིད་དོ།། ཞེས་ཉིད་ལ་ཉིད་ཀྱིས་གསུངས་པའོ།། རིན་པོ་ཆེ་འཁོར་ལོ་བརྩེགས་པའི་རྒྱུད་ལས། གླེང་གཞི་གྲུབ་ཚུལ་དང་བཅས
217a3 པའི་ལེའུ་སྟེ་དང་པོའོ།། །། དེ་ནས་ཡང་ཉིད་ཀྱི་རང་བཞིན་བདེ་བ་ཆེན་པོའི་དོན་ལ་ཉིད་ཀྱིས་ཞུས་པར། ཨེ་མ་ཧོ་གང་འདོད་པ་དང་བཅས་པ་ལ་ནི། མཐའ་རང་གིས་མ་བསྒྲིབས་ཤིང་མ་གྲུབ་པའི་དོན་ཅི་ལྟར་ཡིན་ཞེ་ན། བདག་མཐའ་མེད་པའི་ཆོས
217a4 ལ།། གཡོ་བ་མེད་པར་གང་གནས་པ།། མ་སྐྱེས་པ་ཡི་ཆོས་ཉིད་ཡིན།། དངོས་པོ་སྒྱུ་མ་ལྟར་ཤེས་ན།། དངོས་མེད་དོན་ཉིད་རང་སར་གོལ།། ཀུན་ཏུ་བཟང་པོའི་དགོངས་པ་ནི།། མཚན་མ་གང་ཡང་བྲི་ཐོབ་མེད།། སེམས་ཀྱི་རང་བཞིན་ནམ་མཁའ་འདྲ།།
217a5 ཐམས་ཅད་འབྱུང་བཞི་རིན་པོ་ཆེ།། དངོས་སུ་མི་སྣང་ཕྱོགས་དང་བྲལ།། ཕྱོགས་བྲལ་དོན་ལ་ཕྱོགས་སུ་བྱུང་།། མ་སྐྱེས་པ་ཡི་ཆོས་ཉིད་ལ།། ཕྱོགས་ཀྱི་ཐ་སྙད་གང་ལ་འདོགས།། རྟེན་དང་བྲལ་ཕྱིར་གདགས་གཞི་མེད།། ནམ་མཁའི་སྣང་བ་གཏིང་ཕྱིན
217a6 ན།། གསེར་གྱི་རེ་ཐག་རྟོད་ཕུར་གྲོལ།། འབྱུང་བ་རླུང་ཆེན་མཁའ་ལ་དངས།། འོད་གསལ་ཆེན་པོ་རྡུང་དུ་འཇུག། རྒྱ་ཆེན་འོད་གསལ་ཡང་བ་བདེ།། དངོས་པོའི་མཚན་ཉིད་རྣམ་པར་དང་།། སྒྱུ་མའི་གཟུགས་སུ་རྨི་ལམ་ཉིད།། རྟོག་པ་མེད་ལ་བན་བུན་ཙམ།།
217a7 དེ་ཉིད་མི་རྟོག་དགོངས་པ་སྟེ།། རང་གསལ་ཤེས་པའི་ཆོས་སྐུ་ནི།། རང་གསལ་ཡིན་ཕྱིར་རྩོལ་བྱེད་བྲལ།། སྣང་བ་ཁ་ཡད་ཁོག་སྟོང་ལ།། རྣམ་ཤེས་བུན་ནེ་ལིང་ངེར་བཞག། གང་ལ་བཞག་པ་རང་ན་བདེ།། བདེ་བར་ཤེས་ན་མི་འདེ་མེད།། ཤེས་ཤིང་རྩོ
iiif viewer powered by OpenSeadragon
