| e-texts navigator |
| Wylie |
214b1 པ།། ཀུན་རྫོབ་ཡིན་ཏེ་དོན་དམ་མིན།། མཚོན་མ་དག་ལ་རྟེན་བཅས་ནས།། མཚན་མ་མེད་པ་འགྲུབ་པ་དང་།། ནང་གི་དག་པར་སྦྱོར་བ་ནི།། ཡང་དག་བདེན་པ་ཞེས་བྱའོ།། རྣལ་འབྱོར་རྒྱུད་ནི་ཐམས་ཅད་ཀུན།། སྣང་ལ་རང་བཞིན་མེད་པ་སྟེ།། འཁོར་ལོ
214b2 བདག་ཉིད་ཐམས་ཅད་ཀུན།། ཀུན་རྫོབ་ཡིན་ཏེ་འགོག་པ་ཡིན།། དོན་དམ་བདེན་པ་ཞེས་བྱ་བ།། གསང་བ་ཡིན་ཏེ་རང་བཞིན་མེད།། གསང་བའི་ཐིག་ལེ་ཀུན་གྱི་དབྱིངས།། དེ་ནི་སངས་རྒྱས་ཀུན་གྱི་དངོས།། འདི་ནི་སངས་རྒྱས་ཐམས་ཅད་ཀྱི།། གསང་བ་དམ
214b3 པ་དྲི་མ་མེད།། ཡོན་ཏན་ཐམས་ཅད་འབྱུང་བའི་གནས།། ཐམས་ཅད་རང་བཞིན་མེད་པའོ།། ཤིན་ཏུ་རྣལ་འབྱོར་ཆེན་པོ་རྗེ།། ཏིང་ངེ་འཛིན་དང་སྤྱོད་པ་དང་།། ཐབས་ཀྱི་རིམ་པ་ཀུན་རྫོབ་སྟེ།། ཐེག་པ་ཐེབ་པ་ཞེས་བྱའོ།། དོན་དམ་སྟོང་པ་ཉིད་ཡིན་པས།།
214b4 བཞིན་རང་བཞིན་མེད་པའོ།། བལྟ་དའི་ཏིང་འཛིན་སྤྱོད་པར་བྲལ།། ལམ་གྱི་ནང་ན་ཉེ་ལམ་སྟེ།། ཐབས་ཀྱི་མཆོག་ཏུ་གྱུར་པས་ན།། རྫོགས་པ་ཆེན་པོ་ཞེས་བྱའོ།། ཕྱི་རོལ་ཡུལ་ལས་ལོག་ནས་ནི།། ཇི་བཞིན་པ་ཡི་ཡུལ་ལ་འཇུག། འདུ་ཤེས་མེད་པའི
214b5 ཤེས་པ་ཅན།། ནང་དུ་འདུལ་བའི་རྟོག་མེད་བསྒོམ།། རྩོལ་བ་མེད་པའི་སེམས་དཔའ་ཡིས།། བཙལ་བ་མེད་པའི་རྡོ་རྗེ་བསྒོམ།། དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད་ལས། བདེན་པ་གཉིས་སོ་སོར་བསྟན་པ
214b6 ལེའུ་སྟེ་བཅུ་གསུམ་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། ཤིན་ཏུ་རྣལ་འབྱོར་གྱི་དོན་གསང་བ་བསྡུས་པ་འདི་གསུངས་སོ།། དངོས་པོའི་རང་བཞིན་ཐམས་ཅད་ནི།། ཆོས་ཀྱི་དབྱིངས་ཀྱི་ཐིག་ལེ་སྟེ།
214b7 དེ་ཉིད་བཅོམ་པའི་ཐབས་ས་ནི།། མེ་ཤེལ་གཟུགས་བརྟན་ལ་སོགས་བརྟགས།། བརྟགས་པས་དངོས་པོ་མེད་མཐོང་སྟེ།། ཡང་དག་མཐོང་ན་རྣམ་པར་གྲོལ།། གཟུགས་དང་སྦ་ལ་སོགས་པ་རྣམས།། ཡང་དག་མིན་ཏེ་ཀུན་བརྟགས་ཡིན།། ཤེས་རབ
iiif viewer powered by OpenSeadragon
