| e-texts navigator |
| Wylie |
213b1 པ་ཡིན།། དེ་དང་དེ་རྭ་རྣམ་བཙལ་ནས།། དེ་ལས་དེ་བཞིན་དོན་མི་འབྱུང་།། དེ་ནི་སྙིང་པོ་དེ་བས་ན།། དེ་ལས་དེ་འབྱུང་ངོ་མཚར་ཆེ།། ཕུང་པོ་ལྔ་ཉིད་སངས་རྒྱས་བཙོ།། འབྱུང་བ་ལྔ་ཉིད་རིགས་ཀྱི་ཡུམ།། དབང་པོ་ཡུལ་དུས་རིག་པ་རྣམས།། ཀྱང་ཆུ
213b2 སེམས་དང་ཁྲོ་བོའི་ཆགས།། ཉོན་མོངས་ལྔ་པོ་བྱང་ཆུབ་ལམ།། ཐམས་ཅད་ཀུན་ཏུ་བཟང་པོའི་ཞིང་།། སངས་རྒྱས་ཉིད་ལས་གཞན་མ་ཡིན།། དམ་པ་ཉིད་དུ་བཙལ་མེད་དེ།། ཀུན་རྫོབ་ཏུ་ཡང་བཅལ་མེད་དེ།། དམ་པའི་དོན་ལ་གང་འཇུག་པས།། གསང
213b3 བ་ཨཱཿཡི་དོན་ཉིད་ལས།། གསང་བ་ཨཱིཾ་ཉིད་དམིགས་པ་ན།། ག་རྣམས་ངག་ངེས་པ་ཟབ་མོ་ཡིས།། བཙལ་བ་མེད་པའི་བཙལ་བ་དང་།། མི་བསྒོམ་པ་ཡི་བསྒོམ་པ་དང་།། མི་གནས་པ་ཡི་ཚུལ་དུ་གནས།། མཉམ་གཞག་མེད་པའི་ཚུལ་གྱི་ནི།། རྟ།
213b4 པར་ཉིད་དུ་མཉམ་པར་གཞག། དགེ་དང་མི་དགེ་གཉིས་མེད་དེ།། བྱང་ཆུབ་ནམ་མཁའི་མཚན་ཉིད་དོ།། བྱང་ཆུབ་བཙལ་བས་རྙེད་མིན་ཏེ།། བྱང་ཆུབ་འདོད་ལ་བྱང་ཆུབ་མེད།། ཡང་དག་དོན་གྱི་སྙིང་པོ་འདི།། བསྒོམས་པས་རྙེད་པར་མི་འགྱུར་ཏེ།། མ་བསྒོམས
213b5 པས་ཀྱང་རྙེད་མི་འགྱུར།། བཙལ་བ་མེད་པའི་བསྒོམ་པ་ཡིས།། ཉལ་བའི་འཁོར་ལོ་ཉིད་དུ་བྱ།། ཆོས་རྣམས་མ་ལུས་སེམས་ཀྱི་དང་།། སེམས་དེ་རང་བཞིན་གཞན་ན་བསྒོམ།། དངོས་མེད་བྱང་ཆུབ་སེམས་ཀྱི་ངང་།། འདུས་མ་བྱས་པས་བདེ་བའི་ཀློང་།།
213b6 སེམས་ཉིད་བསམ་མེད་བློ་ལས་འདས།། ཡེ་སངས་རྒྱས་པས་བསྒོམ་དུ་མེད།། དྲང་སྲོང་མཁས་པའི་རིག་པ་ཡིས།། དེ་ལ་མ་བཙལ་ཕབ་ན་བསྒོམ།། རིག་པ་དབྱིངས་ལ་ཡན་པ་ནི།། བཙལ་བའི་ནང་བྲལ་བསྒོམ་པ་ཡིན།། དེངས་གསང་བ་དྲི་མ་མེད།།
213b7 ཡང་དག་འོད་གསལ་བསྒོམ་པར་བྱ།། འོད་གསལ་ཟུང་འཇུག་གནས་གྱུར་ན།། མཚན་མ་སྣ་ཚོགས་བག་པ་བསད།། ཨཱ་ལི་ཀཱ་ལིའི་ཕྱག་རྒྱ་ཡིས།། ཀུན་ཏུ་བཟང་པོའི་རོལ་པ་འགྲུབ།། དངོས་མེད་དངོས་ལ་མི་གནས་ཤིང་།། དབུ་མ་མི་དམིགས་མིང
iiif viewer powered by OpenSeadragon
