| e-texts navigator |
| Wylie |
207a1 ཐམས་ཅད་ལ།། དམ་པ་འདི་ལས་གཞན་མི་མངའ།། འདས་དང་ད་ལྟར་བྱུང་བ་ཀུན།། འདི་ཉིད་བརྙེས་ནས་ལྷུན་གྱིས་གྲུབ།། ཐབས་དང་རྣམ་པར་བྲལ་བ་ནི།། ནན་གྱིས་མཁའ་ལ་མདུད་པ་དོར།། ཞེས་བརྗོད
207a2 དོ།། དེ་ནས་ཡང་བཅོམ་ལྡན་འདས་དགྱེས་པ་ཆེན་པོ་དེས།། མི་རྟོག་པའི་ཏིང་ངེ་འཛིན་ལ་སྙོམས་པར་ཞུགས་ཏེ་ཡང་ཐབས་ཟབ་མོ་འདི་གསུངས་སོ།། དངོས་པོ་མེད་པར་བསྒོམ་བྱས་ལ།། དེ་བཞིན་གཤེགས་པ་ཀུན་གྱི་ཐུགས།། ངོ་བོ་སེམས
207a3 ཀྱི་རང་བཞིན་ཏེ།། དངོས་པོ་གང་ཡང་ཡོད་མ་ཡིན།། སེམས་དང་སེམས་ལས་བྱུང་བ་རྣམས།། ནམ་མཁའ་ཉིད་དེ་རང་བཞིན་མེད།། ཀུན་ལ་ཁྱབ་པས་ཀུན་ཏུ་འོད།། སེམས་ལས་སེམས་ཀྱིས་རབ་ཏུ་བསྒོམ།། བལྟས་པས་མཐོང་བ་མེད
207a4 པ་ནི།། དེ་ཉིད་མཐོང་བ་ཆེན་པོ་སྟེ།། ཤེས་བྱེད་དམ་པར་གྱུར་པའོ།། སེམས་ཉིད་རྟོགས་པའི་སངས་རྒྱས་ཏེ།། སངས་རྒྱས་གཞན་དུ་མ་ཚོལ་ཅིག། སངས་རྒྱས་གཞན་ནས་བཙལ་བ་ནི།། མར་འདོད་ཆུ་ལ་བསྲུབ་པ་འདྲ།། དེ་བཞིན་གཤེགས
207a5 པ་ཐམས་ཅད་ལ།། གསང་བ་དམ་པ་འདི་མེད་པར།། གང་ཞིག་ལམ་གཞན་འཇུག་པ་དེ།། བསྐལ་པ་དག་ནི་སྟོང་དུ་ཡང་།། སྔགས་ཀྱི་འབྲས་བུ་མི་ཐོབ་པོ།། དབང་དང་དམ་ཚིག་ལྡན་པ་ལ།། ཐབས་མཁས་སྙིང་རྗེ་རབ་ལྡན་པས།། ཡིད་གཉིས
207a6 ཐེ་ཚོམ་མེད་པ་ན།། ངེས་པར་ལེགས་པའི་དགོས་པ་འགྲུབ།། འདི་ལ་མི་བྱ་ཅི་ཡང་མེད།། མི་བཟའ་བ་ནི་ཡང་མེད་དོ།། སྨྲ་བར་མི་བྱ་ཅུང་ཟད་མེད།། བདུད་རྩི་ལྔ་དང་ཤ་ལྔ་དང་།། བཟའ་བཏུང་ཐམས་ཅད་རིས་མེད་བྱ།། དབང་པོ་གཡོ་བ་ནང་དུ
207a7 སྦྱར།། མཉམ་པར་བཞག་པ་བརྟུལ་ནས་སུ།། ལུས་སེམས་ཁོང་ཀློད་ཀྱི་ནར་བཞག། ལུས་སེམས་ཚད་མར་གང་འཇོག་པ།། དེ་ལ་འཛིན་པའི་ཕུར་པ་དམ།། དངོས་གྲུབ་མཆོག་ཏུ་གྱུར་པའོ།། དེ་ནས་བཅོམ་ལྡན་འདས་དཀྲིས་པ་ཆེན་པོ་དས
iiif viewer powered by OpenSeadragon
