| e-texts navigator |
| Wylie |
206b1 ལམ།། ཅིར་ཡང་མི་དམིགས་གཏི་མུག་སྟེ།། མ་རིག་པ་ཉིད་ཡེ་ཤེས་གསལ།། རིག་པའི་ཡེ་ཤེས་གང་ལྡན་པས།། ཡི་གེ་མེད་པའི་དོན་ལ་བལྟ།། སྡང་མེད་དོན་ལ་དཔག་མེ་ལངས།། སྡང་མེད་སྙིང་ངོ་མཆོག་གི་སྐུ།། འབྲས་བུ་ཀུན་གྱི་ལམ་གྱུར
206b2 པ།། སྟོན་པ་རྡོ་རྗེ་ཀུན་གྱི་ཐུགས།། མཚན་དུ་མེད་པས་རྒྱལ་བའི་ལམ།། བྱུར་མེད་སྨོས་སྤངས་ཐིག་ལེ་ལ།། མི་རྟོག་བཏང་སྙོམས་མཉམ་པར་བཞག། སྣང་བ་མེད་པའི་ཆོས་ཉིད་ལ།། མ་བཙལ་བཞག་ན་བསྒོམ་པ་ཡིན།། གཞན་ལ
206b3 བསྟན་དུ་མེད་པའི་ཕྱིར།། རང་རིག་རང་བྱང་རང་ཞིར་བཞག། མི་ཆགས་མི་རྟོག་མི་གནས་པས།། ཏིང་འཛིན་རོལ་ཆགས་མི་བྱ།། དངོས་མེད་མིང་ཡང་མེད་པས་ན།། ཡི་གེས་བསྟན་ཅིང་མཚོན་དུ་མེད།། སྟོང་ཉིད་སྤྲོས་མེད་གཞི་གནས་ལ།། འདུ་ཤེས
206b4 མེད་པར་མཉམ་བཞག་ལ།། ཞི་གནས་ལྷག་མཐོང་འབྲེལ་བའོ།། མོས་པ་སྤྱོད་པའི་ས་ལ་གནས།། མི་རྟོག་པ་ཡི་ཤེས་རབ་སྟེ།། བསླབ་པ་གསུམ་དང་རྣམ་ལྡན་པའོ།། ཟག་པ་མེད་པའི་ཕུང་པོར་ལྡན།། ཆོས་ཀྱི་དབྱིངས་ཀྱི་རང་བཞིན་ནི།།
206b5 མཚོན་ཅིང་དཔག་ཏུ་མེད་པ་སྟེ།། གསང་བ་དམ་པ་འདི་ལྟ་བུས།། མཉམ་པར་བཞག་སྟེ་བསྒྲུབ་པར་བྱ།། རང་བཞིན་ཉིད་ནི་ནམ་མཁའ་སྟེ།། ཀུན་གྱི་རྗེས་སུ་སོང་བའོ།། དེ་ནི་རྡོ་རྗེའི་སྐུ་མཆོག་སྟེ།། སེམས་དཔའ་ཉིད་ཀྱང་ནམ་མཁའོ།། ནམ་མཁའ
206b6 ནམ་མཁའ་ལས་བྱུང་བས།། ནམ་མཁའ་རྟོག་པ་སྐྱེ་མེད་ཅིང་།། ནམ་མཁའ་འདི་ནི་ནམ་མཁའ་བསྒོམ།། སྤྱི་དང་འཇིག་རྟེན་ནམ་མཁའ་དང་།། ནང་དང་རྩི་ཡི་ནམ་མཁའ་དང་།། ལུས་དང་ཤེས་པའི་ནམ་མཁའོ།། ནམ་མཁའ་ཉིད་ནི་རྣམ
206b7 མཁར་བསྒོམ།། འབྲས་བུ་ནམ་མཁའ་ཆེན་པོ་འབྱུང་།། རྡོ་རྗེ་སེམས་དཔའ་ནམ་མཁའ་ཆེ།། ཀུན་བཟང་ཡངས་པ་ཆོས་ཀྱི་དབྱིངས།། རྣམ་དག་ལམ་ཆེན་ཀུན་སྒྲོལ་ཕྱིར།། མ་སྐྱེས་མི་འགགས་ཅིར་མི་དགོངས།། དེ་བཞིན་གཤེགས་པ
iiif viewer powered by OpenSeadragon
