| e-texts navigator |
| Wylie |
205b1 རྫོགས་པ་གང་འདོད་པས།། རང་གི་དཀྱིལ་འཁོར་རྣམས་བསྒོམས་ཏེ།། ཐུགས་ཀའི་གསུང་གི་ཕྱག་རྒྱ་ལས།། རྔོན་ཀྱོབ་མང་འཕྲོས་ཏེ།། ཡེ་ཤེས་འཁོར་ལོ་རབ་བསྐུལ་ནས།། མཆོད་རྟེན་རྩེ་མོར་གསུང་དུ་འགྱུར།། རྡོ་རྗེ་ལམ་བྱུང་ཡཱམ་གྱི
205b2 མཁའ།། ཆོས་སྐུ་བྱང་ཆུབ་སེམས་སུ་གནས།། དེ་ཉིད་བཟུང་བས་གསུང་དང་ནི།། རིན་ཆེན་འཛིན་པ་ཞེས་བྱའོ།། བཟུང་བ་རྡོ་རྗེ་འཛིན་པ་སྟེ།། དེ་ལ་རྟོག་དང་དཔྱོད་པ་དང་།། དགའ་དང་དེ་བཞིན་བདེ་བ་དང་།། རྩེ་གཅིག་པ་ནི་རྣམ་ལྡན་པའོ།། རིན་ཆེན་རྒྱུན
205b3 ཀྱི་ཤེས་པ་ནི།། མི་རྟོག་པ་ཡི་ཤེས་པ་ནི།། མོས་ལས་བྱུང་བའི་མི་དམིགས་པའོ།། ཤེས་རབ་དབང་དང་རྣམ་ལྡན་པས།། ཤེས་པར་གྱུར་པ་ཡེ་ཤེས་སོ།། དོན་དམ་མཐོང་བར་འདོད་པ་ན།། འདི་ལ་མཐོང་བ་དེ་མི་མཐོང་།། འདི་ཡིས་ཡེ་ཤེས་པ་བསྐྱེད་དེ།།
205b4 དེ་ཡི་དོན་དམ་རྣམ་པར་མཐོང་།། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས།། དེ་བཞིན་གཤེགས་པ་ཐམས་ཅད་ལ་ཡང་ཐབས་འདི་ལྟ་བུ་གསུངས་སོ།། ནམ་མཁའ་དབྱིངས་ནས་བྱུང་བ་ཡི།། རིན་ཆེན་ཁ་དོག་སྣ་ལྔ་པ།། ཡུང
205b5 ཀར་ཕྲ་མོའི་འབྲུ་ཙམ་སྟེ།། ཕྱི་ནང་གསུམ་གྱི་སྣ་རྩེར་ནི།། རྣལ་འབྱོར་ཅན་གྱིས་རྟག་ཏུ་བསྒོམ།། རང་སྣང་བ་ཡི་ཏིང་འཛིན་ཏེ།། གཟུགས་བརྙན་ལྷ་མ་སྐྲ་སྙན་དང་།། སྨིག་རྒྱ་ལ་སོགས་རྣམ་པ་ཅན།། སྣང་དང་མི་སྣང་དབྱེར་མེད་དེ།། ཡོད་དང་མེད་དང་དབྱེ
205b6 མེད་པའོ།། སྣང་དུ་འདྲ་ཡང་ཐ་དད་སྟེ།། དོན་དང་རྟགས་ལ་སོགས་པ་རྣམས།། རྣམ་པ་ཐ་དད་གཉིས་སུ་སྡང་།། ཡང་དག་ཡང་དག་མ་ཡིན་པས།། བསམ་པའི་དབང་གི་དེར་འགྱུར་རོ།། དེ་ནི་དེ་བཞིན་གཤེགས་པ་ཡི།། བརྡ་ཞེས་རྣམ་པར་བསྟན་པ་ཡིན
205b7 གང་ཞིག་རྩེ་གཅིག་མ་གྱུར་པས།། མཐའ་རྣམ་སྐྱེས་ཏིང་འཛིན་བསྒོམ།། དངོས་པོ་འདི་རྣམས་མ་སྐྱེས་པས།། ཆོས་དང་ཆོས་ཉིད་མེད་པ་སྟེ།། ནམ་མཁའ་ལྟ་བུར་བདག་མེད་པས།། ཡེ་ནས་སྟོང་པའི་རང་བཞིན་ནོ།། སྟོང་པའི་རང་བཞིན་མཚན་མ
iiif viewer powered by OpenSeadragon
