| e-texts navigator |
| Wylie |
201b1 དབང་པོ་རྣམས་ཀྱིས་མཐོང་མིན་ཏེ།། མཐོང་བ་བློ་ཡིས་བསླད་པ་ཡིན།། ཡང་དག་མ་རྟོགས་འཁོར་བ་དང་།། མྱ་ངན་འདས་པར་རློམས་སེམས་ཡོད།། ཡང་དག་རྟོགས་ན་འཁོར་བ་དང་།། མྱ་ངན་འདས་པ་རློམ་སེམས་མེད།། དེ་བཞིན་ཉིད་ལ
201b2 གནས་བཅས་ན།། གཡོ་དང་མི་གཡོ་རྣམ་པར་དག། གཟུང་དང་འཛིན་པ་རྣམ་དག་ནས།། ཕྲ་རྒྱས་འགགས་ཤིང་སྐྱེ་བ་མེད།། བརྗོད་མེད་རྣམ་པར་མི་རྟོག་པ།། ཡི་གེ་མེད་པའི་གསུང་མཆོག་སྟེ།། སྒྲ་ཡིག་རྣམ་པར་སྤངས་ནས་ནི།། སེམས་ཀྱི
201b3 བའང་བཀག་པའོ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་ནམ་མཁའ་ཆེ་རྒྱས་པའི་རྒྱུད་ལས། རང་བཞིན་གནས་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་བདག་པོས། འཁོར
201b4 རྣམས་ཀྱིས་གོང་དུ་གསོལ་བ་བཏབ་པ་མཁྱེན་ནས་ཡང་ཆེད་དུ་བརྗོད་པ་འདི་བརྗོད་དོ།། རང་བཞིན་གནས་པའི་ཆོས་ཉིད་ནི།། ཞི་བ་བླང་དོར་མེད་པ་སྟེ།། བརྟག་པར་དཀའ་ལ་བསྟན་པར་དཀའ།། བརྗོད་པའི་ཐ་སྙད་རྣམས་དང་བྲལ།། རྡོ་རྗེའི་སྐུ་དེ་འདུས་མ
201b5 བྱས།། ལྕེ་ཤི་མེད་པའི་གཡུང་དྲུང་སུ།། དུས་གསུམ་འདུས་མ་བྱས་པ་སྟེ།། རྟག་པ་ཆེན་པོ་ཀུན་ཏུ་འོད།། འདི་ཞེས་བསྟན་ཞིང་མཚོན་དུ་མེད།། ངས་ཀྱང་མཐོང་བར་མི་ནུས་སོ།། མངོན་སུམ་མི་གནས་ཀུན་ཏུ་ཁྱབ།། ཟད་མི་ཤེས་པའི་གཏེར་དུ
201b6 འགྱུར།། ཆོས་རྣམས་ཀུན་གྱི་རང་བཞིན་ནི།། སྟོང་པ་ཉིད་ལས་གཞན་མིན་པས།། འཁོར་བ་དང་ནི་མྱ་ངན་འདས།། བྱེ་བྲག་དབྱེ་བ་གཅིག་ཀྱང་མེད།། དེ་དག་གཉིས་ཀྱི་ཁྱད་པར་ནི།། ཆ་ཤས་ཙམ་ཡང་ཡོད་མིན་ཏེ།། ཕུང་པོ་ཁམས་དང་སྐྱེ
201b7 མཆོད་དང་།། རྟེན་ཅིང་འབྲེལ་འབྱུང་ལ་སོགས་པ།། སྟོང་པ་ཉིད་ལས་གཞན་མིན་ཏེ།། ཆོས་རྣམས་རང་བཞིན་སྟོང་པ་ལ།། སྐྱེ་བོ་རྣམས་ཀྱིས་མཐོང་བ་མིན།། དེ་ཕྱིར་ཆོས་རྣམས་རང་བཞིན་ནི།། དེ་བཞིན་གཤེགས་པ་ཞེས་བྱ་བས།། ཆོས་རྣམས
iiif viewer powered by OpenSeadragon
