| e-texts navigator |
| Wylie |
200a1 སྲུང་གཤིན་རྟགཤད་པོ་དང་། རྣམ་པར་རྒྱལ་བ་དང་། པདྨ་མཐར་བྱེད་དང་། བདུད་རྩི་ཟབ་བྱོར་དང་། བཙུན་མོ་དམ་པ་གཤིན་རྗེ་ག་ཤཱད་མོ་དང་། རྣམ་པར་རྒྱལ་མ་དང་། པདྨ་མཐར་བྱེད་མ་དང་། བདུད་རྩིཟབ
200a2 སྦྱོར་མ་དང་། དེ་དག་ལ་སོགས་པ་འཁོར་རྣམས་དང་གཉིས་སུ་མེད་པར་བཞུགས་སོ།། དེ་ཡང་དཔེར་ན་ཏིལ་འབྲུ་བཞིན་དུ་གང་ནས་ཁྱབ་པར་བཞུགས་པ་སྟེ། དེ་དག་གི་འོད་ཀྱིས་འཇིག་རྟེན་གྱི་ཁམས་སྣང་བར་བྱས། གང་བར་བྱས། ཁྱབ་པར་བྱས་ནས།
200a3 ལྷན་ནེ་ལྷང་ངེ་བ་ཇི་ལྟ་བ་བཞིན་དུ་གནས་པར་གྱུར་ཏོ།། དེ་ནས་ལོངས་སྤྱོད་པར་མཛད་པའི་ལོངས་སྤྱོད་ཆེན་པོའི་བྱི་ནུ་རླབས་ལས། ཐུབ་པ་ཆེན་པོ་རྣམས་སྟོང་གསུམ་གྱི་སྟོང་ཆེན་པོ་རྣམས་སུ་འབྱུང་བར་གྱུར་ཏེ། དེ་དག་གི་མཐུས་འཇིག་རྟེན་གྱི་ཁམས་ཐམས་ཅད
200a4 གཡོས། རབ་ཏུ་གཡོས། ཀུན་ཏུ་གཡོས། ཤིག་ཤིག། རབ་ཏུ་ཤིག་ཤིག། ཀུན་ཏུ་ཤིག་ཤིག་གོ།། ཆེམ་ཆེམ། རབ་ཏུ་ཆེམ་ཆེམ། ཀུན་ཏུ་ཆེམ་ཆེམ་མོ།། འུར་ཉུར། རབ་ཏུ་ཐུར་འུར། ཀུན་ཏུ་འུར་འུར། དེ་ནས་མཐའ་དང
200a5 དབུས་ཀྱང་མཉམ་པར་གྱུར་ནས། སེམས་ཅན་ཐམས་ཅད་འདུལ་བར་མཛད་དོ།། དེ་ཡང་སྨོན་ལམ་གྱི་དབང་གིས་སྐུ་སྣ་ཚོགས་པ་དང་། གསུང་སྣ་ཚོགས་པ་དང་། ཐུགས་སྣ་ཚོགས་པས་འདུལ་བར་མཛད་དོ།། སྐུའི་འདུལ་བ་ནི་མིའི་ཆ་བྱད་དུ
200a6 གྱུར་ནས། བལྟམས་པ་དང་། རབ་ཏུ་བྱུང་བ་དང་། དཀའ་ཐུབ་མཛད་པ་དང་། ཆོས་ཀྱི་འཁོར་ལོ་བསྐོར་བ་ལ་སོགས་པ་དང་། གཞན་ཡང་སེང་གེའི་ཆ་བྱད་དང་། གླང་པོ་ཆེའི་ཆ་བྱད་ལ་སོགས་པས་འདུལ་བར་མཛད་དོ།། གསུང་གི་འདུལ
200a7 བ་ལ་ནི་ལྷ་ལ་ལྷའི་སྐད་དང་། ཀླུ་ལ་ཀླུའི་སྐད་དུ་འདུལ་བར་མཛད་དོ།། ཐུགས་ཀྱི་འདུལ་བ་ལ་ནི་ཏིང་ངེ་འཛིན་གྱི་འོད་ཟེར་དང་། རྫུ་འཕྲུལ་གྱིས་ཆོ་གས་འདུལ་བར་མཛད་དོ།། དེ་བཞིན་གཤེགས་པ་ཐམས་ཅད་ཀྱི་རང་བཞིན། ནམ་མཁའ་ཆེ་རྒྱས་པའི་རྒྱུད
iiif viewer powered by OpenSeadragon
