| e-texts navigator |
| Wylie |
196a1 ཉིད་བཞིན་ཏེ་ཐམས་ཅད་ཀུན་ལ་ཡིན།། རང་བྱུང་བདེ་ཆེན་འཁོར་ལོ་ལ།། ཡེ་ཤེས་དོན་དུ་རང་གསལ་ཞིང་།། འཛིན་མེད་རིག་པའི་མཁའ་ལ་བཞག། རྒྱ་བ་མེད་པའི་ཡེ་ཤེས་བསྐྱེད།། རང་བཞིན་གསལ་དོན་འོད་ལ་བཞུགས།།
196a2 སྒྲ་གསུང་གསལ་བའི་དོན་ལྡན་ན།། ལྷུན་རྫོགས་ཡེ་ཤེས་ཚིག་ལེར་བཤད།། ཐ་སྙད་སྲ་ཡི་རྣམ་པ་ཀུན།། ཡེ་ཤེས་མཚོན་པས་འདྲེས་པའི་བརྡ།། དོན་ལ་བརྗོད་བྲལ་ཡེ་ཤེས་རྫོགས།། རིག་པའི་བར་དྨོ་དོན་གསལ་བ།། རྗེས་མེད་མྱོང་ལྡན་བློ་བཞིན་ནོ་།
196a3 ཆེན་རིག་པའི་རྒྱལ་པོ་ལ།། འོད་གསལ་རིག་པའི་འཁོར་ལོ་བསྐོར།། ཡི་གེ་མེད་པའི་རང་གསལ་ལ།། ཡེ་ཤེས་སྒྲོག་གི་ཕུར་པ་ཐེབས།། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། གཏན་ལ་ཕབ་པའི་ལེའུ་སྟེ་ལྔ་པའོ།།
196a4 དེ་ནས་རིག་པའི་རྒྱལ་པོས། རང་རིག་པའི་ཕུན་སུམ་ཚོགས་པ་འདི་བཀའ་སྩལ་ཏོ།། ཡེ་ཤེས་ཁྱབ་བདག་རིག་པའི་སྐུ།། རང་བྱུང་རིག་པ་མ་འགགས་གསལ།། བརྗོད་མེད་སེམས་ཀྱི་དེ་ཁོ་ན།། རང་བྱུང་སྟོན་པ་ཐུགས་རྗེའི་བདག། འགྲོ་དྲུག་སེམས་ཅན
196a5 ཐམས་ཅད་ཀྱི།། རང་སེམས་སྟོན་པར་མ་ཤེས་ན།། རང་བྱུང་མཐོང་བར་ཡོངས་མི་འགྱུར།། དེས་ན་ཡེ་ཤེས་རྫོགས་པའི་དོན།། རང་རིག་བདེ་བར་ཤེས་པར་གྱིས།། རང་བྱུང་རྒྱལ་པོ་སྟོན་པའི་མཆོག། ཡེ་ཤེས་མ་འགགས་ཅིར་ཡང་གསལ།། རིག་པ་ཀློང
196a6 གི་འཁོར་དུ་རྫོགས།། རང་སེམས་བདེ་ལ་ཀུན་རྫོགས་པས།། བསྟན་པ་རྒྱ་མཚོ་རིག་པའི་གློང་།། རྣམ་དག་རང་སེམས་སྐྱེ་མེད་པས།། འགྱུར་མེད་འཁོར་ལོ་རིག་པའི་གནས།། ཡེ་ཤེས་རྩལ་མེད་གནས་ཀྱི་མཆོག། རང་བྱུང་སྟོན་པ་འོད་གསལ་ཐུགས།
196a7 པ་མེད་པའི་ཉི་མ་ཤར།། མེ་ཤེལ་འོད་ལྟར་བྱིན་རླབས་འཁྲིགས།། འོད་གསལ་རིག་པའི་བསྟན་པ་ཀློགས།། རང་བྱུང་རྐྱེན་བྲལ་གནས་ཀྱི་མཆོག། རང་བྱུང་བདེ་ཆེན་ཡེ་ཤེས་རོལ་པའི་སྐུ།། ཡི་གེ་བརྡ་བྲལ་ཡེ་ཤེས་རིག་པའི་གསུང་།། ཚིག་གི་ལམ་ཆད
iiif viewer powered by OpenSeadragon
