| e-texts navigator |
| Wylie |
194a1 རིག་པ་མཆོག་གི་སུ།། བྱང་ཆུབ་སེམས་ལ་ཇོ་བོ་གཅིག། རིག་པ་མཆོག་གི་བསྟན་པ་ནི།། བརྗོད་མེད་ཀུན་ལ་རང་བཞིན་སྟོན།། རྣམ་དག་རིན་ཆེན་ལྟ་བུ་གསུངས།། མི་གཡོ་ཐེག་པ་ཉིད་དུ་གསལ།། ཡིག་ཐདང་ཀུན་དང
194a2 བྲལ།། མ་འགགས་རང་སྣང་དོན་དུ་བཤད།། སྣ་ཚོགས་སྣང་བའི་རང་བཞིན་དག། རང་རིག་ངེས་དོན་ཉིད་དུ་བསྟན།། རྣམ་བཤད་རང་བྱུང་བསྟན་པའི་མཆོག། རང་རྩོལ་བྲལ་བའི་རང་བཞིན་གྱིས།། དེ་འཁོར་བསམ་པ་ཇི་བཞིན་བསྟན།། བསྟན་པའི
194a3 ཡན་ལག་འབུམ་ཕྲག་ཡས།། རང་བྱུང་དག་པའི་ཤུགས་ཀྱིས་འབྱུང་།། འདོད་རྩོལ་བློ་ལ་དྲང་བ་དང་།། ཐུགས་ཀྱི་དགོངས་པ་ངེས་པའི་དོན།། གདུལ་བྱ་རབ་འབྲིང་དོན་དུ་བཤད།། ངེས་པའི་སྙིང་པོ་གསང་བ་ཉིད།། དྲང་བའི་དོན་མི་ནའང་བྱུང་བཤད།།
194a4 ཆོས་སྐུ་རང་བྱུང་བསྟན་པའི་མཆོག། དེར་འདུས་འཁོར་དང་བསྟན་པ་དག། ཉིད་ལས་མི་གཞན་རང་བྱུང་ཉིད།། རིག་པ་མཆོག་གི་སྦྱོར་བ་ལ།། སོ་སོ་མ་ཡིན་བརྗོད་བྱ་གཅིག། ཐ་སྙད་དུ་མའི་བརྗོད་བྱ་གང་།། ཀུན་བཟང་རིག་པའི་གསང་དོན་སྟོན།།
194a5 བརྗོད་པ་དམན་པའི་སྐུ་ཡིས་བསྟན།། རང་བྱུང་རིག་པ་མཆོག་གི་སྐུ།། རང་བྱུང་མཆོག་གི་སྐུ་གསུམ་རྫོགས།། མ་བཅོས་རང་བཞིན་སྙིང་པོ་ལ།། འདོད་པ་རྣམ་པ་གང་ཡང་མིན།། བསྒྲུབ་བྱ་མ་ལུས་ཀུན་གྱི་བདག། ཡེ་ཤེས་ཉི་མ་སྒྲིབ་མེད་གསལ།། སྣང
194a6 པ་མ་ལུས་རང་བྱུང་སེམས།། ཇིག་མཆོག་ལྡན་པ་བདེ་གཞགས་པསྟན།། རང་བྱུང་ཟད་མ་མངོན་སུམ་གས་པ།། འཁོར་བའི་རྟོག་པ་གཅོང་རྙེང་དག། ཡཾ་ཤེས་རང་རིག་ཉིད་དུ་འབར།། ཐུགས་རྩེངས་པའི་ཐབས་ཀྱིས་གསལ།། གསང་བའི་དོན་ཀྱི
194a7 གསལ་ལུང་།། གཟེར་ཆེན་མན་ངག་ཐེབ་པའི་སྒྲས།། རིག་པའི་བརྡའང་ལ་ཚིག་དང་བྲལ།། མངོན་སུམ་ཡེ་ཤེས་གསལ་བ་ཡིས།། རྗེས་སུ་རང་གཞན་ཡེ་ནས་དཔགས།། ཞེས་གསུངས་སོ།། བྱང་ཆུབ་ཀྱི་སེམས་རིན་ཆེན་འཁོར་ལོ་ལས། འཁོར་བ
iiif viewer powered by OpenSeadragon
