| e-texts navigator |
| Wylie |
187b1 གྲུར་སྦྱིན།། ཚིག་ཏུ་བརྗོད་པ་རྣམ་སེམས་དབང་།། རྣམ་སེམས་སྒྱུ་མས་བཟུང་བའི་ཆོས།། ཡེ་ཤེས་སྒྱུ་མས་བསྒྱུར་ཤེས་ནས།། སྒྱུ་མ་སྨིག་ལྷའི་དྲན་དབང་ནི།། དམིགས་ཀྱི་དམིགས་པར་དྲན་དབང་བསྒྱུར།། ཐབས་ཀྱི་རྒྱལ་པོ་རྒྱུ
187b2 མའི་སྟོང་།། ཤེས་པ་གང་ཡང་མི་འབྱུང་ཞིང་།། སྣང་བ་གང་ཡང་མ་མཐོང་བ།། དེ་བཞིན་བདེ་བ་ཆེན་པོའི་ས།། ཡེ་ཤེས་དབྱིངས་ལ་མི་བརྩོན་པ།། དྲན་མེད་ཡེ་ཤེས་ཀྲུང་གནས་པ།། མཉམ་དང་མི་མཉམ་དོན་ལས་འདས།། ཕ་རོལ
187b3 ན་པ་བཅུ་ཡི་མཚོ།། ཟབ་མོ་ཟབ་པས་བརྒྱན་པར་ནི།། ཤེས་པ་སྙིང་པོར་ཐིམ་པས་ན།། ཡེ་ཤེས་སྙིང་པོ་ཡིན་པའི་ཕྱིར།། ཡོན་ཏན་ཅི་ཡང་བསྔག་པ་མེད།། སྟོབས་ཆེན་སྟོབས་ཀྱི་དབང་བསྒྱུར་ལ།། སྟོབས་བྲལ་སྟོབས་མཆོག་འདི
187b4 ལྡན་པར།། ཡང་དག་མཁྱེན་པས་སྟོབས་པོ་ཆེ།། མི་འཛིན་སྟོང་པས་སྡུག་བསྔལ་དག། ཆོས་སླུ་བདེ་བ་ཆེན་པོ་ཡང་།། བསག་པ་མེད་ན་རང་བྱུང་སྐུ།། པདྨ་དག་པས་སྣང་བ་མེད།། མི་སྣང་བ་ཡི་དོན་དེ་ལ།། བསྒོམ་པ་མེད་ན་བསྒོམ་པ་ཡིན།།
187b5 སཔ་གང་ལ་མི་འཇུག་པ།། ཡེ་ཤེས་སྙིང་པོའི་ཐིག་ལེ་ཡིན།། རྒྱལ་བ་ཀུན་གྱི་གཤེགས་ཤུལ་བདེ།། བྱང་ཆུབ་ཉིད་ཀྱང་མི་སྣང་བས།། བྱང་ཆུབ་ཉིད་ཀྱང་མཐོང་བ་མིན།། ཆོས་ལས་རྒྱུའི་ཆོས་གནས་པ།། འབྲས་བུའི་རྒྱུ་དང་ཆུའི་རྒྱུད།། མེད
187b6 དང་ཡོད་པ་གཉིས་ཀར་འབྲེལ།། དེ་ལ་མཉམ་དང་མི་མཉམ་མཉམ།། བཤད་པས་ཐོས་མེད་བྱ་བྲལ་ཆོས།། ཡང་དག་ཆོས་ལས་བྱུང་བ་མེད།། འཁྲུལ་བའི་སངས་རྒྱས་ཆོས་ཀྱིས་བྱེད།། བྱས་པའི་གནས་དང་བྱ་མ་ཡིན།། འབྱོར་འདུས
187b7 མེད་པས་ཡིས།། སྙིང་པོའི་དོན་ལ་མཉམ་པའོ།། འདོད་ཆགས་ཉིད་ལ་འདོད་ཆགས་ཀྱི།། མཚན་མ་ཅི་ཡང་མ་ཐོབ་ཅིང་།། འདོད་ཆགས་ཉིད་ཀྱི་ཆོས་མཐོང་བ།། སྡུག་བསྔལ་ཉིད་ལ་སྡུག་བསྔལ་གྱིས།། མཚན་མ་རྡུལ་ཙམ་མ་མཐོང་ཞིང་།།
iiif viewer powered by OpenSeadragon
