| e-texts navigator |
| Wylie |
184b1 ངེས་པའི་གསང་སྒོ་ཐུ་བར་བྱ།། ངེས་པའི་གས་སྒོ་ཕྱེ་ནས་ནི།། ཀུན་གན་སེམས་ཀྱི་ནམ་མཁའ་ལ།། རང་བྱུང་ཡ་ནས་འོདགང་ག།། དམ་པའི་གསང་མཛད་ཅན་པན།། མི་ཐང་གཏེར་ཆན་རང་པ་མཐོང་།། སེམས་ཀྱི་རང་བྱུང་ལ་ཞེས་པ།
184b2 ཆོས་རྣམས་ཀུན་གྱི་ངོ་བོར་ཤར།། དཔེར་ན་ཟངས་སྲང་བརྒྱ་དག་ལ།། གསེར་སྲང་གཅིག་གི་རྩེ་བཏང་བས།། ཐམས་ཅད་གསེར་དུ་འགྱུར་བ་བཞིན།། ཆོས་རྣམས་ཀུན་ནི་ངོ་བོ་ལ།། བྱང་ཆུབ་སེམས་ཀྱི་རྩི་བཏང་བས།། རང་བྱུང་ཡེ་ཤེས་ཆེན་པོ་འམ།
184b3 ཆོས་ཉིད་མིན་པ་གང་ཡང་མེད།། དཔེར་ན་རིན་ཆེན་གསེར་གླིང་ན།། ཐམས་ཅད་གསེར་ལས་མེད་པའི་ཕྱིར།། ས་རྡོ་བཙལ་ཀྱང་མི་རྙེད་འགྱུར།། དེ་བཞིན་རྫོགས་ཆེན་རྣལ་འབྱོར་པས།། སྣང་སྲིད་སེམས་སུ་ཐག་ཆོད་ན།། བྱང་ཆུབ་སེམས་ལས་མ་གཏོག
184b4 པའི།། ཆོས་རྣམས་གཞན་ནས་འཚོལ་བ་ནི།། རྒྱལ་བས་བཙལ་ཡང་མི་རྙེད་དོ།། ཀྱུ་འབྲས་སྣང་སྟོང་ལ་སོགས་པ།། གཅིག་ལ་གཅིག་གིས་རྒྱ་ཡིས་གདབ།། བྱང་ཆུབ་སེམས་ཀྱི་དོན་རྟོགས་ན།། སངས་རྒྱས་སེམས་ཅན་གཉིས་མེད་མཉམ།། བདེ་དང
184b5 བསྔལ་གཉིས་མེད་མཉམ།། བཟང་ངན་ཆེ་ཆུང་གཉིས་མེད་མཉམ།། སྐྱོན་དང་ཡོན་ཏན་གཉིས་མེད་མཉམ།། ཆོས་དང་ཆོས་ཉིད་གཉིས་མེད་མཉམ།། དོན་དམ་ཀུན་རྫོབ་གཉིས་མེད་མཉམ།། ཕྱི་ནང་ཡུལ་སེམས་གཉིས་མེད་མཉམ།། མཉམ་པས་རིམ་པ
184b6 བཀོད་པ་མེད།། ཇི་ལྟར་སྣང་བའི་ཆོས་རྣམས་ཀུན།། བྱང་ཆུབ་སེམས་སུ་གསལ་ཐེབས་ན།། རང་རྒྱུད་འཛིན་པའི་ཞེན་པ་ལྡོག། ཆོས་རྣམས་ཀུན་གྱི་ངོ་བོ་ལ།། ཚད་གསུམ་གཏན་ལ་ཕེབས་པ་ན།། གདེང་དང་ཡིད་ཆེས་དེ་ལ་སྐྱེ།། དེ་ནི་མི་འགྱུར་བརྟན་པ
184b7 གཟེ།། ཞེས་གསུངས་སོ།། བང་མཛོད་འཕྲུལ་གྱི་མེ་ལོང་ལས། དོན་གཉིས་གཏན་ལ་དབབ་པའི་ལེའུ་སྟེ་དགུ་པའོ།། ། ཡང་གསོལ་པ། ཀྱེ་ཀྱེ་གསང་བའི་བདག་པོ་ལགས།། འཇིག་རྟེན་འཇིག་རྟེན་འདས་པའི་གསུང
iiif viewer powered by OpenSeadragon
